夢

我小學發左一個童話夢 ( 有公主/王子個d), 印象十分深刻. 我仲記得個夢係好有藝術性的, 好靚. 仲有, 有幾次小學派成績表前會夢到個名次, 次次都準!

我十分相信夢係潛意識既反映, 因為我既夢境好附合我既內心思想. 如我在現實生活唔開心, 有時我會抑壓係心 ( 高EQ ), 現實中唔去諗. 但之後個幾晚, 我既夢就會出現晒我所逃避的事情和害怕的情境, 真係避都避唔到, 點都要唔開心一次. 但慶幸既係, 當你醒來發現那只是一個夢, 個份恐懼隨之而散既感覺好正 ( 唔識形容, 係夢境與清醒之間既感覺係好有趣 ), 仲有, 發夢其實可以令我更認清自己, 知道自己想要什麼, 仲有可以俾機會你experience一下真實生活以外既假想生活, 就好似生活左兩次咁拉~其實幾好ga`~!

我有晚 ( 其實係朝, 而家d時間日夜顛倒 ) 發左三個夢, 三個夢都係超現實, 哈哈, 即係係事情一直發生, 或甩底左好耐, 都唔敢去面對, ( 可惜, 我知唔到第三個夢既結局, 俾阿媽嘈醒左, 好唔開心-_-" ) 醒個時, 種感覺好怪, 嚇然發覺, 乜自己潛意識係咁, 原來自己係咁, 原來事實係咁, 真係好奇妙! 我認為夢係事件既重現, 透過夢, 你可以認識自己多一點. 而我都會透過夢去幫我係現實生活中作抉擇, 夢裡面既感覺好真實, 佢會叫醒番既你面對自己. 透過夢去做抉擇, 係感性 or 理性?

但我唔係幾認同Freud既性學說, 我唔覺得我每晚發夢既目的係咁.

好, 等我係度分享下我D夢拉! ( 我大都可以記得我發過D乜 ) 當然, 我唔會講我同王力宏呢D咁private既野拉~!

經典夢境

發夢係一間 Salon 認識陳小春, 之後仲同佢拍拖. 不久, 我又認識了鄭嘉穎, 我嘗試一腳踏兩船, 唔知得左成唔成功, 不過好似係我最後放棄左陳小春, 同鄭嘉穎一齊, 好開心~

有一次發夢, 我去一間醫院留醫, 發現班醫生原來俾外星人催眠, 佢地唔知俾d乜藥俾病人食. 我就係夢境中誓要 "SAVE THE WORLD", 與醫護人員開始了一場追逐戰. 個夢係好緊張GA!!

June

我夢見我同阿媽, 阿哥係美國.

但其實夢中既場景係係天后, 我趕去機場時都要睇有乜衫買俾老豆, 係軍佬衫來的.

機場回港, 係一條好長好長既走廊, 推住行李車. 我班機係八點, 但媽同哥係十點.....( 怪 )

阿媽有個鑽石擦膠, 但粒大鑽唔見左, only碎鑽 on it.

仲有唔好食既 cheese cake, 過關時要俾警衛. ( cheese cake must have certain grams, otherwise we cannot go through the gate. )

過左關, 我就去洗手間.

解: ( 用我意識去解我潛意識 )

去完台灣既殘跡. 係台灣, 我買左件衫俾我老豆, 係台灣, 我見過一個軍人.

我想去美國, 想自己去美國explore下, 所以同家人唔同機.

cheese cake 係因為個日去中大lecture個refreshment有cheese cake, but I was late for this. 我冇食到, 我好想食.

洗手間係因為我成日搵"豪廁", 認為機場洗手間會好靓.

警衛- 我唔鍾意警衛.

但我唔知點解會有鑽石出現, 仲要係一舊廂鑽既rubber....-_-".

發夢又去台灣, 好唔開心, 心諗:"點解又浪費$$?"

解: 因為已去台灣, 我想去澳洲!

發夢同阿樂打牌, 但其實只係夢到有一張白紙, 上面有四個人名, 包括我同阿樂, win左人名會變大, lose左會變細, 哈哈, 好得意.

解: 成日同阿樂係 sina 打牌

Actually, I remember lots of dream, but sometimes, I dun wanna put it down. Haha.

小記: 我成日發夢夢到洗手間, 可能係我好鍾意豪廁掛, 哈~

有晚睇vcd << Runaway Jury >> 睇完 disc one 訓著左, 立即發夢發番個場戲, different story, but I am a beautiful lawyer in the dream, 哈哈~!