NUMINISMO

Poner Se in Accordo con le Saisones

LE CALENDARIO ROMAN Le Romanos antique usava un calendario basate super le luna. Al novilunio, le puncto obscur in le cyclo lunar, le Romanos honorava Jano, le Spirito de Comenciamentos, e Juno, le Fortia Feminina e Regina de Celo. Iste die se appellava le Calendas. Super iste die, le prestres decretava le datas del altere duo marcas del mense. Al Plenilunio, le puncto plus clar del cyclo lunar, le Romanos honorava Jupiter, le Fortia mascule e le Rege de Celo. Iste die se cognosceva como le Idos e cadeva super o le 13te o 15nte del mense. Intra le Calendas e le Idos, veniva le Nones. Le die exacte del mense variava como le longor del mense variava, ma le Nones cadeva 8 dies ante le Idos. Il habera nulle nomines pro le periodo post le plenilunio quando le luna declinava proque le romanos considerava iste tempore esser infortunate. Le Romanos contava tempore de iste 3 punctos del mense, nominante un die per quante dies ante o post le punctos il veniva. Predie Calendas April haberea essite 31 Martio, o un die ante le Calendas de April. Le tradition judee moderne ancora usa un calendario lunar e plure de lor traditiones echoa tradition roman. Vole ben visitar iste sito pro apprender plus del calendario judee. Inter iste traditiones son le usa de un corno pro declarar le prime die del mense e le rolo del prestres in le determinar del longor del mense e in le placiar de dies sacre intra le mense.

Le antique Romanos contava un anno de 10 menses lunar (Martio, April, Maio, Junio, Quintile, Sextile, Septembre, October, Novembre, Decembre) e pois perdite computo del tempore durante le hiberno usque le equinoctio vernal, que era le Calendas de Martio o le die del Nove Anno. Numa Pompilius, le organisator del religion roman e secunde rege de Roma, addeva ancora duo menses (Januario e Februario) pro un total de dece-duo e ancora un periodo de tempore (Mercendari) pro reconsiliar un poc del differentia inter le annos lunar e solar. Iste systema functionava melio ma lentemente perdite alineamento con le anno solar de sorta que Calendas de Martio non jam marcate le equinoctio. Julio Caesar habeva le calendario revamped durante su regno de Roma. Ille movava le Nove Anno ab Calendas de Martio a Calendas de Januario. Ille lassava cader le pretension de reconsiliar le annos lunar e solar e optava pro un calendario completemente solar, como le del egyptianos. Ille rearrangiava le numero del dies per mense a, in grande parte, lo que nos usa hodie e cambiava le nomine de Quintile a Julio. Su nepote Augusto removava un die de Februario e lo placiava super Sextile e cambiava le nomine a Augusto. E, salvo un correction addite al calendario per le papa christian Georgio, iste es le calendario que le mundo occidental seque hodie.Visita iste sito apprender plus de le Roman calendario.

LE CALENDARIO NUMINISTA Le tradition Numinista demanda que nos seque le systema sequente de calendario. Usa le calendario solar actual, con le nomines actual del menses. Honora le 3 marcas mensual e le Numine appropriate pro cata. Vos notara que post Caesar le marcas mensual non jam reflecta le phases lunar. Le Nove Anno comencia con Calendas de Januario. Le data cambia a medienocte. Annos se numera de 753 BCE, le anno in le qual Roma se establiva, abbreviate AUC (ab urbe condita). Pro compensar pro le perdita del anno lunar, nos imbrica le zodiaco e le calendario roman, nominante le plenilunios pro le signos zodiacal e appellante le secunde plenilunio in un signo le luna blau. Quando on require precision, on exprime datas specific in terminos zodiacal. Dunque, le Patre Celeste governa le tempore e le parola decisive e absolute super tempore es le position del Celo. Vole ben visitar iste sito pro apprender plus de le Zodiaco.

LE NUMINISTA ANNO Intra iste structura, Nuministas celebrara le tornar del rota del anno (le Zodiaco in le Celo). Nos celebra le comenciamento del Nove Anno con un celebration in honor de Jano, le Spirito de comenciamento e conclusiones. Nos celebra le Solstitios, le Equinoctios, e le punctos inter illos, anque appellate le cruces. Iste dies special se appella le nomines sequente, in honor de festas roman que cadeva presso iste dies. Comenciar con le solstitio hibernal il ha Brumalia, un celebration del regno de Saturno e le epocha de auro de homines. Post Brumalia nos concentra super travalio interior e activitates domestic usque le cruce hibernal a 2 Februario, appellate Februa, un ritual pro purification e un celebration del innocentia e amor juvenal. Depois nos prepara pro le equinoctio vernal, Liberalia, un celebration del renascentia del vita super le terra e le retorno de Libera/ Proserpina e Liber/ Baccho de le Orco (Hades). Iste es un tempore de poner se in accordo con Natura e centrar nos mesme spiritualmente. Ritos de adolescentia ha loco a iste tempore anque. Pois, nos honora le Spirito de Fertilitate e cortesamento culminante con le cruce vernal a 1 Maio, Floralia, quando nos celebra le beltate del flores le qual predice le bonitate del terreno. De iste puncto nos celebra le familia e vita domestic usque nos nos rededica e nostre casas al Spiritos de Familia e al Deos Ancian al solstitio estive, Vestalia. Depois, nos honora le Spirito de Fortia e Corage con activitates physic e sportes, jocos, e jardinage. Al cruce estive de 1 August, appellate Vertumnalia, nos da loco a un repasto de gratias pro dar gratias pro le prime fructos del recolta del anno. Pois, nos celebra le tempore de recolta con festas e ferias usque le equinoctio autumnal, le Bacchanalia, le qual honora le declino del vita e partita de Proserpina e Baccho. Le periodo de iste puncto usque le cruce autumnal, Pomonalia, es un tempore pro rememorar nostre complimentos e fallimentos personal e societal, pro crear nove scopos pro complimentos futura e pro demandar pardono pro fallimentos passate. De iste puncto avante, nos nos effortia a rememorar nostre historia del presente e in retro culminante con le regno de Saturno al Brumalia.

Preme le BACK button 1 vice pro sortir iste pagina.

Iste pagina es date gratis per
Obtene vostre proprie Pagina Domestic Gratuite