LE PHILOSOPHIA STOIC

Epicteto: Obras Selecte.

Epicteto

Epicteto era un philosopho stoic eminente, nascite como un sclavo a Hieropolis in Phyrgia in 55 EC (808AUC). In Roma ille era pro alique tempore un sclavo a Epaphrodito, un de guardas de Nero. Origen dice del crueltate de Epaphrodito. Un die, Epicteto, quando su maestro torqueva su gamba, surrideva e diceva quietemente, "Tu lo rumpera"; e quando ille lo ha rumpite, solmente observatva, "Io te ha dicite que tu lo facera, nonne?" A qualque puncto Epicteto ganiava su libertate e un edicto contra philosophos fortiava que ille sorti Roma in 89 EC (842AUC).

Epicteto conduceva un vita de contentemento exemplar, simplicitate, e virtute, practicante le moralitate que ille inseniava. Ille habitava un parve cabana durante un longe tempore, con nulle altere mobiles que un lecto e un lampa, e sin un attendente. Ille benevolentemente adoptava un infante le qual le povressa ha compellite que un amico abandona; ille anque ingagiava un governante pro vigilar super le infante. Epicteto era le maestro le plus dominante del stoicismo durante le periodo del Imperio Empire. Su lectiones era principalmente, si non solmente, dirigite a moralitate practical. Su maxima favorite, e lo a in le qual ille resolveva tote moralitate practical, era "suffre e abstine te," (anexou kai apexou). Il pare que ille ha differite del Stoicos in le subjecto de suicidio, le qual ille condemnava. Arrian nos dice, in su Preface a le Discursos, que ille era un conferentiante potente e inspirante; e, secundo Origen (c. Cels. 7,ad. init.), su stilo era superior a illo de Plato. Illo es un prova del estimation in le qual on tene Epicteto, que super su morte, un admirante comprava su lampa 3000 drachmas (plure mille dollares per le standardes actual). Benque Suidas ha dicite que Epicteto scribeva multo, il ha bon ration a creder que ille se ipse scribeva nil. Su pupillo, Arrian, registrava per scripto su Discursos e los publicava post su morte in octo libros, del qual quatro remane. Arrian anque compilava le Enchiridion o "manual," un summario del doctrinas de su magistro, e scribeva un vita de Epicteto, que es perdite. Tamen, Stobaeo ha preservate qualque fragmentos . Simplicio anque a nos ha date un commentario eclectic super su doctrina.

Ex: Le Encyclopedia del Philosophia del Interrete