九月廿四日 陰
返返0黎屋企 (El Cerrito) 緊係凍返0的啦。終於有得再寫個『陰』字0係
我0既日記度。今日0係 Sears 執到樣『順』0野--卅蚊0既 Inline skates。
正！我好早都想學 roller 0架啦，不個的鞋對對都 $50-$60，實
在買唔落手。今次終於買0左，我點都要學識呢樣0野0架啦！
九月廿一日 晴
|
本來以經返返我0既 Hometown，El Cerrito，但0係因為一0的 apartment Overall 我所有0既 exams（得三個）都祇係 B，諗住今次 B 硬，點知 |
 |
九月十八日 晴
有冇發覺個天氣成日都係『晴』...冇計，UCD 真係0甘熱！
唔經唔覺，以經過0左六個禮拜，而琴日 summer school 亦終告結束！
太開心啦！又有一個禮拜放假，之後先至開學。今次呢科心理學(一)
學就學完好多0野喇，開學前，仲唔等我玩餐飽！
九月七日 晴
|
0係 Psychology 1 我真係學0左好多0野。好似今日0甘，又發現一 0甘又點？冇，0甘即係第時如果我夢見我同一個唔識0既女仔出街， |
 |
八月廿五日 晴
今日係堂上睇 video 睇到一個好慘0既 case。大家應該知平時我0地話
人冇記性，指0既其實係 long term memory (LTM) 0係我0地腦裡面 function
得唔太好，load 唔到 D 以經記0係腦度0既0野。我都係一個記性奇差0既人，
不過睇完呢個 case 後，我唔敢講0野。 Case 裡面0既一個音樂家，因為一次
發高燒，一切身體機能都冇問題，但係 LTM 就完全唔 function，所有0既就
祇凈返 short term memory (STM)。因為 STM 祇會惟持 20 至 30秒，所有
0野對佢0黎講就祇不過係一瞬間0既剪映，冇過去，亦冇將來。最慘0既係
佢自己都唔知。奇怪0既係佢仲有一0的僅餘0既記憶，例如佢老婆係邊個。
而可能因為之前佢彈琴同指揮已經當食飯0甘易，所以並冇消失。結果每當
佢見佢老婆入0黎個時，佢都以為佢係弟一次0係昏迷甦醒後見返佢老婆，
0覽住佢好開心0甘。每次佢老婆話啤佢聽自己已經入過0黎好多次佢都唔
信。跟住佢老婆慣常0甘係張床度囉0左一本呢個音樂家自己寫既日記薄，
裡面充滿住個音樂家自己寫0既，話：
『今日係我第一次係昏迷後甦醒 10：30』
『今日係我第一次係昏迷後甦醒 10：35』
『今日係我第一次係昏迷後甦醒 10：40』
又或者
『今日係我第一次係昏迷後第一次見返我妻子 11：15』
『今日係我第一次係昏迷後第一次見返我妻子 11：35』
『今日係我第一次係昏迷後第一次見返我妻子 11：40』
個音樂家睇0左之後都唔敢信眼前0既0野，堅決話自己0岩0岩醒。但係0的字跡
又真係自己0個0播，果時明明已經 12：10，點解會有呢0的字係本日記度0架？
係佢腦度跟本就冇 10 分鍾前既記憶。佢果陣時果個惱怒，矛盾，同挫折
0既表情，我依家仲記得。佢0既生命，就好似一節成日 replay 0既帶0甘，
完全唔知之前做過乜。0甘同死人又有乜分別？真係好慘。唔知佢0既心
情又會係點0既呢？相對0黎講完全失憶0既人反而仲好過佢好多，
因為可以從新 build up 過 memory。
睇完呢個 case 先開始覺得我0地既 memory 真係好珍貴。之前真係好
難想象人點會可能同記憶分開。真係發人深省。
八月廿四日 晴
Summer school 話0甘快就個0左兩個禮拜，即係三份一啦！由於 summer
school 祇係得六個禮拜，課程真係趕到離哂譜！一日一個 chapter，讀到我
嘔哂泡。呢樣0野已經好明顯從我呢個 section 上次同今次 update 日期上
0既距離上見到啦。其實呢堂上同唔上0既分別真係唔係0甘大。個老師都係
照書講重點咋嘛，仲skip 到唔清唔楚0忝。不過上堂又幾有趣0既，有得做下
心理測驗，睇下 video，聽下故仔0甘啦。經過兩個禮拜讀埋哂 D 好基本，
但係同心理學冇乜關0既 topics 後，就好似腦0既構造，細路0既 development
0甘，依家終於入正題啦！今日講0既係我0地0係點樣學0野，聽日講我0地點
樣記野，漸漸有趣啦。0係 Learning呢個 chapter 裡面，我學0左一個 concept，
『CLASSICAL CONDITIONING』。我諗大家都應該知到乜0野係 reflex 啦，
反射動作呀。正確0黎講，Unconditioned Response (UCR)又稱 reflex，係由
Unconditioned Stimulus (UCS) 所產生0既，就好似啤針『吉』會縮手。
針就係 UCS。個理論大概係話當 Neutral Stimulus (NS)，即0係一 D 冇屬性
既外界刺激，例如手鈴0既鈴聲，同 UCS pair 埋一齊果陣，就會產生
Conditioned Response (CR)。CR 同 UCR 通常都係指返同一個 reflex。
而呢個時候 NS 就變0左叫做 Conditioned Stimulus (CS) 啦。
好複雜？好易明0架。就用返針『吉』縮手為例，如果0係吉 (UCS) 之前半秒
到"冷"下個手鈴 (NS)先吉，自然會縮手(UCR)。搞多幾次，就算唔再吉，
凈係"冷"個鍾(CS)，都會縮手(呢次縮手變0左做 CR 啦)0架！唔信？
咪埋眼搵人同你試下！Instructor 係堂上搵0左個學生試類似0既 test，
真係 work 0架！好鬼過癮0架！
跟住0既，Conditioned Emotional Response，同 CR 係好近似0既現象，
不過係在於情緒0既。呢樣0野解釋0左點解當你去到一個曾經同女朋友分
過手0既餐廳(CS)會有作嘔(CER)0既感覺。(如果你分手果時真係作嘔就
更加係)呢樣0野我就未試過。你試過未？
八月十日 晴，仲熱到就死
終於開學啦。冇錯，係 summer school。第一日返返0黎 UCD，嘩！
好熱呀！我都知死0架啦。仲有排挨！今次我 take 0既係心理學第一班，
係入門班，我諗都唔會太難呱。我對 psychology 不樓都有0的興趣，不
過就一竅不通。今次終於有機會搞下呢範啦。點解我有興趣？因為我好想睇下
0的人點分析我0地0既 feeling 。例如：究竟鍾意一個人有冇得解釋0既呢？
...仲有好多好多我想知0既問題，希望今次能夠有初步0既解釋啦。如果
唔夠本，可能會繼續讀落去都未定！（不過又未至於要由 Computer
Engineering 轉 major 到 psychology 0甘離譜！）
八月五日 陰
0岩0岩係加拿大溫哥華玩完一個禮拜返0黎，仲係有點累。今次因為係
自己渣車玩得 Free 0的。又遊覽，又探人（Yvonne 你都算唔話得，0甘遠
水路都出0黎wet），又買翻版碟
，都算收獲唔錯。0甘多日，有一樣小事
令我覺得好搞0野。當你去一個地方0既時候，或者都會試過0係一0的石又
或者木度刻『乜乜水到此一遊』。今次你估我睇到0的乜？我竟然係
一個名勝0既木圍欄度睇到:
『乜乜水homepage--http://www.oocities.org/Tokyo/......』
你話幾搞0野？刻名就話0蔗，好啦，啤到盡寫埋電話同地址都已經好怪，
佢仲刻 homepage address，真係有創意，服0左佢囉。個 address 同周圍
0既大自然成為一個好大0既對比。一邊代表人類先進科技，偉大0既發明
--電腦網絡，而另一邊就係從唔知幾時以經有0既山林樹木，感覺好奇特。
就好似周圍0既景物都0係度排擠緊呢個刻0係木度但係又唔屬於0個度0既
web address 0甘。本來有想抄低個 address，睇下佢乜0野 site 0甘大把
0既衝動，但係0個時冇筆冇紙，於是就放棄0左呢個念頭。
七月二十日 陰
今日如常地繼續整我0既 Homepage。嘩，搞下搞下都唔覺呢個暑假仲
有三個禮拜到就完啦，真係快！呢個暑假過得真係逍遙自在，都好多個
summer 未試過0甘得閒，完全冇0野做。以往暑假唔係有 summer school，
就係做0野，又或者出外旅行，返香港，搞到好忙。而且今次 summer 我
第一年係大學 pick summer school，冇乜經驗，唔知道原來同我班
friends 0既 summer school 時間唔同，搞到我0係屋企冇0野做時佢地就
讀緊書，我開學時佢地就開始放假，真冇癮。不過0甘有0甘好，等我
係屋企享受下好似退休0甘0既生活。（嘩！都未出0黎做0野就諗退休？！）
我又唔驚話悶到發霉0既，橫掂仲有好多 Game 又未爆，都要『清清』0架啦。
而且仲要整網頁呢，right？
放假真係好寫意，完全唔駛 worry 0野，日日都唔係訓覺就食0野打機，
好爽0架！我都好耐未試過日日訓超過九個鍾既滋味啦，又真係幾正個
0播。有朋友話我折墮，我諗下諗下，都唔係0蔗。你話啦，平時一年
三百六十五日都讀書做0野甘充實，搵一個本月0黎『攤頭』下都唔係好
過份0蔗。而且我間唔中都幫下屋企執下0野，剪下樹，都唔可以話我冇
野做0架。
再過一陣，我呢個三點訓，十二點起，無憂無慮0既生活就會回復完狀，
變返 normal 0既 workload 0架啦。繼我話就要好好珍惜至得！
七月十九日 晴
Okay！呢個 Section 今次第一次同你地見面，自然先要介紹一下。
其實睇下呢個 Section 個名都知啦。『日記』點解，我唔駛多講啦，
之所以係『散』，即係冇 order，冇 organize。點解？因為我呢個
Section 寫0既0野將會係冇乜組織，想寫 D 乜就寫 D 乜。通常係一 D
日常生活0既小片段，又或者係一 D 我對事0既感想或睇法。所以朋友們，
如果你偶爾見到你個名，唔好覺得奇怪呀。第二個理由點解叫做
『散』日記係0甘0既：一般0既日記，話明係日記，梗係日日記0架嘛，
不過我呢個就係冇時間限制0既，一時就一日兩三篇，一時可能連數
個禮拜都冇一段0架。一切順其自然啦。意思有 D 似散文0甘。
至於『飛一般』，啤我有一種自由自在，好舒服0既感覺。就好似
一隻正在飛緊0既鳥0甘，飛到邊，停到邊，嘩！幾正！
所以，一句講哂，『飛一般散日記』就係一個啤我0係我想寫0野
0個一日，好『冇組織』0甘，『自由自在』0係呢度，寫『日記』
0既地方。夠精簡未？
^_^
好啦，今日就講住甘多先，作為我係呢度第一篇日記啦！
Get your own Free Homepage
