Prebentzioa: mendian ibiltzeko aholkuak

Hona hemen mendira goazenean hartu beharreko zenbait aholku interesgarri batzuk. Prebentzioa landu behar dugun atal garrantzitsua da. Hori dela eta, behean idatzitako aholkuak gogoan izan.

  • 1. Ez joan bakarrik mendira. Neurtu itzazu zure esperientzia eta, baita zure eta zure lagunen (haurren batez ere) indarra ere.

  • 2. Informa zaitez joan aurretik. Beste mendizaleei galdetu, mapak eta liburuak begiratu.

  • 3. Har itzazu seguru egoteko zeure neurriak, batez ere larrialdiren bat gertatuz gero. Etxekoei edo lagunei zein ibilaldia egin behar duzun esan, baita etxera gutxi gorabehera zer ordutan itzuliko zaren ere.

  • 4. Zure eta zure lagunen erritmoa har ezazu. Azkarregi joanez lehenago nekatuko zara. Gogoan izan babeslekura iristean amaitzen dela irtenaldia; jaistean errazago gerta daitezke (eta gertatzen ohi dira) istripuak, nekea gehiago sentitzen da-eta.

  • 5. Zailtasun gabeko lurrean ere erraza da erortzea, erne ibili beraz. Aldapetan belar hezea dagoenean arriskua handiagoa izaten da.

  • 6. Ibiltzean ez mugitu harririk, zure atzetik datozenak zauritzeko arrisku handia dago-eta. Harririk ez jaurti inoiz, hauek nora erortzen diren ez dakizu-eta. Harri soltea erortzeko arrisku handia duten tokiak ahalik eta azkarren zeharkatu behar dira.

  • 7. Eguraldia oso aldakorra da mendian. Neguan gainera, mendiak beste zailtasun erantsi batzuk (elurra, izotza... ) eskaintzen ditu. Meteo telefonora deitu edo web orri honetan erakusten ditugun eguraldi iragarpenerako zerbitzuak erabil itzazu.

  • 8. Gaur egun, basoan su egitea ez du inola ere ezerk justifikatzen.

  • 9. Behar denean atzera egitea ez da lotsagarria, zuhurtasuna baizik. Mendia beste aldi baterako utzi, egoera (bidearen zailtasuna, eguraldi-aldaketa, behelainoa, ilundu aurreko argi orduak...) zailtzen direnean.

  • 10. Istripua gertatuz gero, lasai jardun. Keinuen bitartez ahaleginak egin laguntza lortzeko. Ahal bada zauritua ez mugitu eta ez utzi bakarrik. Zauritua beroki batez estali eta laguntza itxaron.

  • 11. Jan-edanak funtsezkoak dira mendira irtetean. Janari ari energetikoa eta ura eraman bizkar zorroan. Gosetu aurretik jan, baita egarritu aurretik, maiz eta kantitate txikitan edan ere. Bizkarreko zorroan eraman beti ura.

  • 12. FEDERA ZAITEZ.
    Mendizale bazara, federatua egotea komeni zaizu. Beste zenbait abantailaz aparte, edozein istriputan babestuta izango zara. Beraz, FEDERATURIK EZ DIRENAK, BEREN ARDURAPEAN GERATZEN DIRA.

Orri honetako euskarazko testuak IXA Taldeko
XUXEN Zuzentzaile/Egiaztatzailea erabiliz zuzendu dira.
Igo

Informazio Zerbitzua | Sorospen Zerbitzuak

© Copyright Ostadar M. T.
ostadar.geo@yahoo.com

Ostadar Mendi Taldea
Jai-alai behea 4, 20700 Zumarraga (Gipuzkoa)
Euskal Herria - The Basque Country

Tlf.: (+34) 943.72.33.85

GeoCities