L'uficializāsi dal ordin dai nobii e il so cjapā pīt al comant de citāt i varą fat cressi la borie dal ranc e la voie di distinguisi simpri di plui, propit ancje tai mūts, di chź sdrume restade "de iure" e "de facto" cence autoritāt.

Dut l'incontrari di ce che a an marcāt fin cumņ cierts studiōs (che a son robe di marche!), chźs che si disiur lis "spiis" dal fevelā (nons, verbāi dģ testemoneancis in judizi e altre robe par dongje) al pār che a dedin ancjemņ mancul des usancis che a jerin tal scrivi chźs provis siguris che "i vuelin" (a disin che "i vuelin" juste chei che ur comude) par meti tal cjāf cun plui mani sientific un claut fis come chel che il furlan al sares, daūr de Storie, une lenghe di categorie: chź dai solits "sotans" destināts a stā sot simpri di "sorestants" e "parons" che a fevelin lengaēs no di ca. Che, par cuintri, di provis a?nd č juste propit in dutis lis cuincis di chźs che a palesin trop pratics che a jerin di lenghe furlane - a capīle e a doprāle - tes cjasis di siōrs ca dal puest che a saran 800 agns come ridi, e ancje trop che ti vevin tal cjāf une idee che e ą sigūr cjapāt pīt za vie pe Ete di Mieē, che e je chź che e incrosave il lengaē cul teritori di maniere che il furlan si tignivilu di lenghe dal Friūl e compagn - nancje stā a dī - de citāt che e ą pesseāt simpri a ogni pīt alēāt a ingloriāsi e a professā di jessi la sō capitāl. Duncje, une lenghe comune locāl. Dome che ce che par un "dut" al č comun al piert une vore dal so presi di simbul cuant che chel "dut" al tache a sei intacāt di "tocs" che i cjolin dirits e podčs e ju messedin po dopo ducj lōr, par lōr cont: par chei "nobii" che a an vūt butāt jł il vecjo sisteme democratic ca di Udin in combine cun Vignesie (riforme Trevisan, 1513) il furlan nol sarą stāt sigūr no turc, perņ il grant sen di increditāsi come cuarp sociāl-politic, che nol jere fint in chel mai rivāt a cjapā pīt ancje par leē al varą po sģ judāt a fā cressi un ciert distac viers de sdrume e dal so bloc di "furlanitāt" comune. Nol č un cās propit par nuie che la satire politiche imbastide su dut cuintri di chź "gnove" nobiltāt che e ą vūt cjapāt pīt in gracie de disgracie dal Renc de int e doprąs juste il furlan cun chź di tirā a ciment.

Come ancje che nol č un cās che i rapresentants dai borcs de citāt che e jere robe dute cuante popolār pardabon tai vedin vūts parāts fūr dal Consei comunāl sul principi dal Sietcent, che a chei nobii no ur pocave nancje ce maniere che a fevelavin e che si vistivin, stant che nol tacave cul sens di "decoro" di dut chel sioram che ti veve in man Udin juste ta chei timps. Ve che "lenghe di categorie" a son stāts, cussģ, i lengaēs talians che la "high society" nostrane e ą cjapāt su par vź une cierte distinzion culģ sul puest che come lenghe al ą di sō carateristiche se no parfin di calp di tiermit il furlan, "lenghe comune" di gjenie e di teritori. Cheste idee di strategjie par fāsi "nobii", cul so intent di morestā i costums dai siōrs culģ di Udin che a lessin daūr dal "politico viver dele altre citą et nobiltą de Italia", no pues, duncje, no incuadrā chź riforme instituzionāl che dal 1513 e ą mandāt su il regim "oligarchic", come une tape fondamentāl di une menade storiche che e je lade a tocjā la int te sō identitāt plui sintude e profonde.

ALBERT TRAVAIN DI UDIN