"冰仔獨立寒冰至極不想獨自快樂因我太好而令人沒有季節火花的海角天涯越睇越開心久時久式小宣言"
冰仔1年7月版
冰年7月31日~~~熱血焚身銷魂 PK籃球賽
我 Book o左今日 12:00-14:00 西區公園室內場打籃球, 我們的對手有歷蘇祥,
鎮南, B Grade隊長, 茅柴 Alex & 佢個 Friend, 至於我o地o既陣容, 嘩! 犀利 lor! 分別有
冰仔---即係我, 英傑, 小虫 & 由茅友 Alex帶厘o既廢柴1號 & 廢柴2號, 真係正, 我o地喱
邊最高o個個就係我, 而對手只得一個矮過我, so好自然我o地唔夠身形同佢o地打,
輸到朳起度, 上半場我只係入o左 5個 3 Points & 1 個 2 Points, 而英傑就入o左 1個 3Points
& 5 個 2 Points, 但我o地落後 30:67, 有見及此, 我o地用廢柴2號將鎮南Trade o左過厘幫
我o地, 希望藉此將局面扭轉.
我諗係時候解釋o下點解會叫 Alex 做茅柴喇! 佢真係茅到出汁, 無論防守定進攻,
條茅柴都會第一時間以自己懶係大隻o既身形推開你, 然後等 Rebound. 當我 Key Ball 上
前場, 佢企圖用擁抱式的雙手 Steal Ball, 好彩我 D Crossover 同轉身都唔差得去邊, 玩到
佢謝晒! 我 Good Steal 佢就話我冇品, 我鏟籃被佢Foul, Sorry冇句不突止, 仲口出狂言話 :
" 冰仔! 你唔好再係咁鏟籃喇o下, 我係唔會俾你過o架! " 我即刻駁番佢話 : " 被你咁 Foul
法, 梗過唔到格! " 之後仲要同你係度懶親切, 唔係睇在 Mon份上, 我一早就遞高隻中指
同佢講 : " 家o下同你好 "很" 熟呀!! "
上半場落後 37分咁多, so下半場我o地並沒半點鬆懈, 在我一輪狂風掃落葉式o既
3 Points 狂攻後, 我o地只落後 12分, 正在我o地士氣高昂o既時候, 我被茅柴 Alex炒芥蘭,
攪到我連行都好痛, 試問又點射波呀! So最後我o地仍以 92 : 117 輸o左!
全場總結 :
冰仔 : 上半場 : 5個 3 Points & 1 個 2 Points 下半場 : 11個 3 Points & 3個 2 Points
17分+39分 = 54分 --- 全場最高呀! ^o^ Yeah!
英傑 : 上半場 13分 + 下半場 12分 = 25分
鎮南 : 20+
茅柴 Alex : 唔過 30分
B Grade隊長 : 約 30分
小虫 : 2分
廢柴 1號 : 4分
好可惜! 我想見o既人冇厘到, 我入o左 54分咁又點吖! 佢連一分都睇唔到.......
冰年7月28日~~~平淡的一天
唔知點解, 我今朝竟然能 Zzz...到 10:40 先起身, 真係怪!! 之後我就同 Monita傾計,
講有關明天 J仔生日的事宜, 我o地預算叫埋 Cher 一齊出厘玩, 但 Cher話佢明天唔得閒,
咁......我, 英傑, Mon 同 Cher就各自拿住個電話講無聊o野, 講到 12:30度, 我終於忍唔住
而收線, 同英傑 & 小虫去食飯 & Book場打波, 我o地 Book o左星期五西區公園 12:00---
14:00. Then 英傑上厘我屋企唱K, 唱到 17:00 度我就在梳化Zzz......
今日冇乜特別, so冇o野好寫, 真不好意思!
冰年7月27日~~~冰仔又哭了
今朝一起床就打俾英傑, 同佢講o左話我尋晚同 100%小冰女 send o左幾句
message, 個心好興奮但好亂, so我叫英傑上厘陪我傾計...............
晏晝約晒阿祥, June, J 仔 & 英傑出去睇 Lee Ann主演o既 "新戀愛世紀", 不過睇
之前要睇阿祥表演向 Joanna示愛, 我事先教晒佢去買花 & 到時應講的對白, 我對佢好有
信心, 但事與願違, Joanna對阿祥o既花同說話都不大受落, 阿祥今次真係慘! 話晒阿祥
真係好鍾意 Joanna"加嘛"! 又話晒佢第一次送花俾異性..........
至於我, 當我走過總統戲院門口的馬路時, 我突然一時感觸, 結果在人來人往的
銅鑼灣街道上, 我攬住英傑痛哭, 企o左起條街度成 5mins都冇郁過, 之後去世貿 join番
June, J仔 & Joanna ( 3 J 黨 ), 去o左世貿麥記食o野, 在我眼睛還是紅紅的時候, 我再次
想起剛才的傷心事, 扒o左起張檯度又喊過...........我連續兩日起麥記因同一理由而喊喇!!
我希望我能想通啦....................
冰年7月24日~~~終於完成喇!
尋晚同 Monita & Cheryl 傾電話傾到半夜 3點幾, 當中o既內容唔出得街, so....好
對唔住喇!! 唔講!!
今朝 10:00 一彈起身就即刻開電腦 & Frontpage98, why? 因為我整緊個
有好多o野要預備, 要scan相, 寫字同揀 midi 等......足足攪o左成個上晝!! 幸好一切
尚算順利, 冇乜阻濟, 如果唔係就慘 lor......
在我 upload D相o既時候, 我見到阿Cher online, so咪同佢搭爹 law...... 佢知我鍾意
Lee Ann, 同我講 "新戀愛世紀" 有 Lee Ann份, 我話我都知, 仲同佢講話 Monita tomorrow
同 D Friend去睇, 我就冇份睇! 我問若我去買埋佢飛, 問佢會唔會去, 佢問我幾時, 我話盡
可能下星期二因我慘被媽媽減零用$ (每日得 $50仲要係逐日俾o個隻),
so戲飛 $30x2=$60 + 食Lunch (at least $70 啦!) + 爆谷汽水 (at least $50 啦!) + 車$(預佢$20)
$60+$70+$50+$20=$200, 要 4日唔洗$先夠呀! 你都咪話唔大件事呀!!
但我好想佢會應承我! 起佢身上洗幾多$都係值得!! 點解?? 唔話俾你o地知!!
冰年7月23日~~~我對加州紅好失望
唔知食錯o左 D乜, 我竟然 10:35 先彈起身, 而我約o左 J仔 & Liz等人 12:00去
唱K, so我即刻打俾 J仔但佢個咩話佢出o左街, 故我 call佢機但好耐都未覆. 好機智o既
冰仔 --- (即係我)記得 J仔話朝早要上佢個仔 ( Not Boyfriend )屋企上 net 喎! 於是我又
再借用 J仔o既 HK Star account 厘上 net 搵佢, 點知...........佢竟然真係 online 緊喎!!
佢話佢唔記得帶 call機, so唔知我 call過佢. 我話我去到皇室加州紅就 call佢留低房間
號碼, then我同英傑在"他媽哥祥" o既英明領導下殺上皇室堡 9樓 ---(即係加州紅)開房.
入到房我第一時間渣住個 Control想點 "風雲", 豈料......冇喎!! 我悲痛欲絕,
到遲時我才醒起要 call J仔. 我曾 3次同 D 應該係職員o既人講 : " 點解喱到寫 23號有
得唱 "風雲" 但新碟試唱度冇喎!!", 3次都係答我 : "我幫你跟跟, 有o既話我打俾你吖!!"
但最後都係冇得唱......好慘!! 咁大間公司竟講大話欺騙我喱 D儲成個禮拜先夠 $ 唱K
o既好青年, 真係冇陰功呀!!
英傑同我都好失望, 因華星隻 Karaoke 仲未出, 佢冇得唱陳奕迅而我就冇得唱
"錯先生", 唉.......但有個人就鬼咁爽喎! 邊個?? 咪係我o地o既"他媽哥祥" law......點解??
你唔記得o左我 Yesterday 點形容阿祥喇?? 有女有得傾嘛! 佢見到 Joanna就連唱
"中國人" 都特別醒神, 唔明?? 唔明o既話就要問你個外公點解生到你咁蠢喇..........!!!!
冰年7月22日~~~
好對唔住!! 喱幾日我病到五顏六色, so未能趕功課寫小宣言, 盼各位別見怪!!
講翻正題, 冰仔被冰媽經濟封鎖, 由 $500/week 減至 $300/week, 仲要係逐日
俾 $50 o個隻呀!! 死未!! 由於病鬼o左, 加上經濟封鎖, 我喱幾日都冇出街..................
今日英傑同佢D Friends 去打波兼去書展, so我頃刻變成孤獨無助肚餓小冰冰,
但我係一個不甘寂寞o既人, 因此我叫o左阿 J 上厘我屋企唱K, 但連 Mic 都未插,
阿 June打厘叫我去書展, 我心諗去書展肯定超多人 & 爸爸未必俾, so推o左佢,
但佢竟然扯走 J仔去書展, so我頃刻又再次變成孤獨無助肚餓小冰冰, 頭先講過,
我係一個不甘寂寞o既人, 但我今次醒喇!! 搵o左個有女有得傾o既人上厘唱歌 & 打波,
邊個係有女有得傾o既人?? 咪我o地o既阿祥law......我同佢講 : "喂! 我約o左 2個未見過
o既女仔聽日去唱K呀!! 我衣家肚痛呀!! 有咩o野上厘先講啦!! 就係咁, 阿祥又被我
昆多鑊喇!! 哈哈哈..........但話約o左 2個未見過o既女仔聽日去唱K就的確係真的!!
我超想快D到聽日, 唔係因為o個 2個未見過o既女仔, 而係聽日加州紅就有得試唱
伊健o既 " 風雲 " & " 一對對 " 喇!!....................................
冰年7月16日~~~訂飛? 唱K? 打波? 上大陸? 八兩金? ㊣?
我今朝 6:00被鬧鐘嘈醒, 點解?? 因為我要訂<風雲之雄霸天下>o既飛嘛!!
我 6:00 開始打去 Cityline訂飛, 卒之打到 7:00先攪掂, 訂o左 Sat 19:05 UA時代,
同邊個睇?? 繼續賣住關子先............
晏就我同阿祥, Joanne等人去o左旺角創興加州紅唱K, then歸家換衫 join埋
英傑一齊落西環尾打波, 今日D狀態真係咪講笑!! 最能保持一貫水準o既就係英傑, 我?
咪提喇! D 3 Point都唔知有冇4成呀!! >_<
剛才我同 Monita講電話, 佢又起度勁讚今期 <Yes Idol>影到 Mark Lui好靚仔喎!!
(Mark Lui好靚仔?? 係咪呀?? ~_^) 仲話馮德倫只係陪襯品喎! (嘩! 喱次仲離譜!! 好明顯
之前話Mark Lui好靚仔係純粹佢主觀啦!! Right??). 我亦得知 Monita Sat要跟"芒媽"上大
陸同埋佢己剪o左個 "八兩金" 頭!! ~㊣~
冰年7月15日~~~終於有心情再次拿起支筆寫小宣言
已差不多兩個禮拜冇寫小宣言喇! 真係唔好意思!! 我保證冇下次! Okay??
查實最近有很多事發生, 令我煩惱不堪, 故冇心機寫小宣言law......
但點都好, 當我昨晚睇到康仔<<讓我暖一些>>劇場版o既歌詞同讀白時, 我好有Feel,
因為想起一個人, 但這個人和喱首歌冇乜關係, so冇必要講這個人是誰......俾D Tips你
啦!這個人係我心目中o既 "100%小冰女". D歌詞同讀白點解會令我咁有Feel? 自己睇law!
<<讓我暖一些>>劇場版 :
獨白:
"又落雨喇! 真係奇怪, 以前, 我都好鍾意落雨架,
我覺得有一種好淒美的浪漫,
但係今晚, 我竟然只覺得好凍, 於是我又一相情願咁諗,
如果妳仲起我身邊,
或者可以令我覺得暖一點!"
還是記起 在這惡劣冷天氣 長路更冷 像心枯死
談話也沒有心情 凌亂雨點 令妳痛也痛得淒美
誰令妳愛上 又再別離 但霸佔您的心底
*莫說這是否浪費 無盡心意愛護妳 明白這是我
每日愛多一些 我痴心早滿瀉 (讓我暖一些)*
#連夜細雨會否將一些傷痛磨洗 從未對妳說
我的心早向妳開啟
憑藉兩眼接觸交換熱情和安慰 我沒法開心
如果要忘記這一切# (FACE TO YOU)
沈默雨天 在這個冷冷冬季 如沒有妳
內心冰凍 曾令我夢裡昏迷
容易記起 在妳眼裡太多隱蔽 從沒有介意
在妳寂寥 聆聽著妳往昔悲淒 REPEAT *#
獨白:
" 其實都唔係第一次係落雨既時候諗起妳,
甚至有時係屋企裡面聽見滴滴答答既雨聲,
都會諗起妳;可能曾經有一個落雨既夜晚, 我覺得妳特別靚,又或者,
係個一晚我地特 別開心,
唔好怪我唔係好清楚咁記得我地之間每一個小節,
因為呢一切係我腦裡面已 經昇華成一格格畫面,
就好似一套電影咁,一幕幕好連貫,好開心,好靚 "
REPEAT*
獨白:
" 我真係好鍾意睇番呢的片段,但係,當我唔可以再去做主角,
投入同埋加入一的新既劇情既時候, 我只係一個觀眾, 無論幾投入,
都只係可以的番的重播又重播既片段,
唔...相信呢個係我最大既遺憾
"
REPEAT#
獨白:
" 不過,無論如何,我都好感激妳,因為妳曾經真正咁令我感覺到好溫暖
"
今日晏晝原本被 Kelly(阿Win)放飛機o既 J仔厘o左我屋企唱K, 但後來我的
大家姐翻厘, 我o地被迫腰斬節目, J仔即刻走人, 而我亦一條友走o左去打波, 但由於
阿祥同英傑唔起度, so我一場 3 on 3 都冇打, 因拍慣o左阿祥同英傑嘛 .........
另外, 我明天就會去訂兩張禮拜六<風雲>o既飛,
同邊個睇? 唔話你知!!
冰年7月2日~~~嚇死 Cher Ng 的紀念日
因早兩日打籃球時整爛 o左個眼鏡, so問阿June借$買過個新眼鏡, 今朝一起身就
拿拿臨趕住出門口 ( 因約o左阿June食早餐&提款 ), 豈料出o左門口兼上埋 Van仔原來
阿June仲 Zzz...緊, 幸好佢只遲o左10 mins咋!! 之後走去眼鏡舖配眼鏡, 豈料冇晒合我心
水o既鏡框, so最後買番舊嗰款, Saturday先有.
我約o左 Cher 12:45�甎籊� MTR恒生等, 我o地三丁友走去行先達, 阿June 13:15
就走o左! (因要番工), 當我同 Cher行完聯合時, 天空灑下大雨點, 我o地拿拿聲求其搵間
茶餐廳食 Lunch, 之後走去行信和, 大約 15:00, 我便叫埋英傑一齊去創興嘉和唱K, 其間
有個女仔殺出, 過o左冇耐就以要去太古踩冰為藉口連 Cher一齊帶走......真可惡!!
原來 Cher把聲真係超似王菲呀!! 我就慘喇! 被英傑同 Joanne話我把聲似梁漢文!
唉......!! 冤枉呀...............>_<
想走? 走law...... 但記住咁經常追喎!! Ok? 你Ok我Ok!! ^o^