"冰仔獨立寒冰至極不想獨自快樂因我太好而令人沒有季節火花的海角天涯越睇越開心久時久式小宣言"
冰仔1年10月版
冰年10月30日~~~得我一個去睇拉闊音樂會??
今日放學原本要去 7號察館落口供, 但放學時我又唔多想去, so咪同D同學仔走
o左去中環打機 law~!! 17:xx 番到屋企, 草澤打電話厘, 話 Sunday拉闊康仔Fans得 20張
飛, 而我更只分得 1 張飛, 我即刻眼都突埋, 飛唔多我係預o左, 因為個 show 唔單o左有
康仔, 仲有許志安, 鄭中基, 陳曉東 同埋主角張學友, 雖則今時今日康仔o既地位唔會係
5 個之中最弱 (at least 好過鄭中基 & 陳曉東), 但由於其餘 4人都已有龐大o既 Fans Club,
so好自然D飛會比康仔多 (據知陳曉東 Fans有 50張飛)。 但我最意外o既就係我得一張
飛, 我問草澤另外 19張點分, 佢話佢自己 7張, Edwin又 7張, 敏儀, Winnie, Puffy 同埋唔
知邊個一人一張, 草澤係阿大, 佢要 7張我絕對唔會有異意, 但 Edwin 糯喎!! 佢竟然叫
埋阿媽, 細妹, 仲有兩個所謂跟康仔o既 Kelly Fans。 我聽到都火滾, 條友叫阿媽、細妹
去, 咁我D琪琪、阿June點呀~!! 我咪即刻打去嘈條友要飛 law~!! 最後我要多 3張飛,
同條友平分每人 4張, 真係唔可以對喱條友客氣~!!
夜晚我同 June傾電話, 叫我 Sunday 睇拉闊前一齊食飯, 我咪順便問埋琪琪一唔
一齊 law~!! 後來琪琪 call 我話一齊食, 唔知點解, 打親上 call台 check call, 當傳呼員話
有新 call時, 我個心就不斷重覆出現 2個字, 係乜字?? 估都估到啦~!! 哈哈......................
突然諗起康仔首 " Sorry " o既其中幾句歌詞 tim~!!
"妳是我這一生這一生最最最害怕去傷害到的人
也是我這一生這一生唯一能讓我想安定下來的人
雖然我並沒有並沒有並沒有一身溫馴的靈魂
但是我很願意很願意做那個永遠照顧妳的人"
冰年10月29日~~~一位表面很假的女同學
其實今日係我第一日 school day o既小宣言, 因創辦時我已放緊暑假, so..........
真係唔知有乜好寫, ok~!! 一於講o下今日上堂D o野啦~!!
班主任今日調o左我位, 坐在兩個女同學後面o既一個單丁位, 我見佢o地好少講
o野, 但經常傳紙仔, so我咪叫佢o地受埋我玩一齊傳 law~!! 兩位女同學, 一個叫 Harmony,
另一個叫秀慧, 開學時我同佢o地好少講o野, 但佢o地竟話聽聞我係一個有好多女仔
Friends & 女朋友o既花心鬼~!! 我真係 "R" 晒頭, 竟然覺得我係咁。 後來同佢o地
傳紙仔解釋一番, 之後 Harmony 更當正我係愛情顧問咁討論感情事宜, 唔知係咪
Harmony 中文名有個 "琪" 字o既緣故, 我同佢傾得好投契, 乜都拿出厘講...........
真係好, 起學校竟搵到一個同我咁投契o既女同學, 幾好吖~!!
冰年10月28日~~~見步行步漫無目的尖咀一日遊
今朝八點幾彈o左�𡦈�, 刷完牙洗完面就同英傑, June & 歷祥約實時間地點,
當 June正前來時, 我收到 Corinna o既 call, 佢話佢今日冇o野做, 問我有乜節目, 我咪索性
叫埋佢一齊去九龍公園影相 law!! 最後我o地 5丁友去o左個賓妹天堂般的九龍公園影
相, 影完相大家都唔知去邊好, so周街蕩, 蕩o下蕩o下就去o左加拿芬廣場's Pizza Hut
食晏仔, after lunch, June就因要去同人補習而先行離隊, 剩番 3個西營般仔 & 1個彩虹妹,
Corinna專誠出厘, 冇理由就咁散Band o架嘛~!! So我o地 (3個西營般仔) 冒住唔夠 $ 落樓
o既風險走o左去 Top 1 唱K, 我想去唱K其實有 2個目的, 1.陪Corinna, 2.揀歌. 正所謂 :
"有呀祥冇悶場", 我o地 hehee哈哈咁唱o左 3粒鐘, 而英傑就幫我揀o左首 "三天兩夜".
我份人好鍾意邊行街邊諗o野, 歸家途中我又諗通o左D o野, 原來我同英傑諗法
係相同o架~!! 對女仔Feel係最緊要, 新歡無論有幾靚都好, 冇Feel的話都係盞"side"氣!!
在我而言, 我週圍D人都知我一路以厘掛住o既係邊個, 亦為邊個而喊過。 康仔近期有
首新歌好正, 叫 "舊愛還是最美", 喱首歌D歌詞能完完講述我起喱半年來o既感覺。
以下乃歌中歌詞, 好讓大家一齊分享我o既感覺 :
忽然好想舊情人的柔軟雙唇
人一輩子常常只有
只有一次緣份
錯過就再也遇不到那麼好的人
於是心裡不時飄浮暖暖那個吻
從此能付出的情愛也不完整
不自禁找尋很像她的情人
但是沒有誰有像她的靈魂
舊愛還是最美
美的東西往往太早枯萎
後悔時的淚水
又特別讓人覺得無力疲憊
D歌詞係咪好正呢?? 到o左喱個地步, 相信大家亦知道一直以來琪琪起我心目中
有幾重要, maybe大家會覺得我有些玩弄感情, 但我其實都唔想咁樣, 要怪只好怪只有
琪琪先俾到我喱種觸電o既感覺。
我曾試過藉著其他人來忘記琪琪, 但結果只有一個 --- "舊愛還是最美"
Ps : 星期日晚我會同英傑, June, 歷祥同埋琪琪去睇康仔o既 "拉闊", 真係好喇~!! ^o^
冰年10月27日~~~東區走廊+越吻越傷心的魔力
足足 2個月冇同大家見面喇~!! 真係唔好意思, 等我講o下我同 2個月有乜唔同先
啦~!! 我依家係梳分界頭, 唔再係成堆草式長形箭豬頭, why? 要番學嘛~!! 你知啦! 我都
算係一個乖學生厘o架嘛~!! 加上媽媽唔俾我 jel 到一支支番學, 再加上個個都話分界頭
好睇好多嘛~!! 哈哈.......... 我現正努力留長, 目標係 "康仔頭" !! 哈哈..........
我身邊o既人冇乜特別大o既變化, 只係多o左班明愛o既新同學 ( 阿豪, 雞佬,
阿棠, 阿Ming, 阿杰, 高佬奇, JoJo陸 & May May) & 同 Cher分o左手, 好多人問我點解散,
荒間流傳版本有 2個, 但我亦無謂提, 因我覺得分手後互數對方o既衰o野盞第時連朋友
仔都冇得做, 既然如此, 咁有何必呢? 係咪??
喱 2個禮拜發生o左 2件幾嚴重o既o野, 1. --- 同 Cher分手, 2. --- 琪琪再現, 若你係
有一直追開小宣言的話, 就會記得我起 6月30日同 7月24日提過琪琪喱個人.................
好喇~!! 交代晒所有o野後, 我諗係時候講番今日o既 Topic......
話說我間學校日日放 15:50, 除o左 Tue 放 13:00, 而我同媽媽講話日日16:40先放
學, so逢 Tue我就可以靜靜雞去街, 不嬲我都會去由西環走去石硤尾接 Cher放學, 但上
2個禮拜散o左, 好自然就要個個禮拜搵節目, Last Tue我同英傑去加州紅試唱康仔o既
"不想獨自快樂" & "越吻越傷心", 而今日我就同D同學仔去o左柴灣打機, 哈哈..........
坐 780 入柴灣同坐 788 出中環時, 我一邊眺望東區走廊四週的景物一邊聽康仔o既
"越吻越傷心", 唔知點解, 成個人突然從煩困中醒來, 一切迎刃而解, 落車時發覺自己
變o左好多, 覺得自己諗o野又成熟o左, 懂得把每件事分類。 我將喱件事話俾英傑同
June 知時, 佢倆個 "冰仔保母" 亦覺得好 ^o^, 因佢o地o既 "小冰鈞鴻" 又 upgrade o左喇~!!
upgrade 之後第一件事就係想同 June & 英傑 影相, 因我o地三個咁老死都冇乜
特別咁影過相, so我叫佢o地 tomorrow 陪我去影相兼順便吹o下水..........
今日就寫到喱到先啦~!! maybe 你想知我對感情o既睇法 & 態度有冇變, ok!!
話過你知 : " 有呀~!! 哈哈........." 。 但我希望 Cher找到一個能俾到幸福佢o野 BF,
亦 "但願他珍惜妳"..........