"冰仔獨立寒冰至極不想獨自快樂因我太好而令人沒有季節火花的海角天涯越睇越開心久時久式小宣言"
冰仔1年8月版
冰年8月26日~~~Matthew又再次逢女媾......
今日我約o左 Canice, Shirley (Canice GF), Matthew, 英傑, 豬精, J仔 & Kyna去唱K,
我約o左佢o地 11:45 �𨻙茷ちMV等. 我 10:40就出門口, why? 皆因我要先去我個寶貝
Cher o既屋企嘛~!! Then我o地 CC然咁搭地鐵去HMV, 卒之遲o左 17mins, 但冇相干喎!!
皆因佢o地棚人都係o岩o岩到. 英傑 & 豬精事先話明會遲D厘, 而薯仔則會做神秘嘉賓
厘俾個 surprise英傑. 但唔知點解英傑好似冇太大驚喜, 唔通佢......一早已估到薯仔已由
台灣翻o左厘?? 不過算啦! 喱D始終係佢o地o既事, 外人唔方便過問, haha.........
唱K過後, 英傑 & 豬精因要過高登買o野而離隊, Canice叫我一齊去世貿撞我o地
以前o既 Target --- Olivia (我同 Canice亦因喱個女仔而反o左面成半年) 原本我亦打算一
齊去, 但我見我Cher不太高興o既樣, 便知佢唔想我去, so我就同眾人say Goodbye,
陪Cher走去旺角買書, 買完書食完麥記便送佢翻屋企 lu..........
Matthew�畧覺蒏犮鬙揚琝皒傮Q追我個 "嬌悄可愛dick式友板小細妹Kyna", 查實
我都預o左Matthew會嗒Kyna糖o架喇!! 因Matthew簡直就係 "歷蘇祥II" ----- 逢女o岩~!!
但Matthew勝在夠義氣 (PK祥永世都唔會有~!!), 但到截稿為止我仲未知道Kyna點睇
Matthew, so冇o野好爆............
另外, Canice同Matthew異口同聲咁講英傑 & June都講過o既說話, 就係話Cher係
有史以來咁多個GF當中最靚o個個!! 仲話佢人靚聲甜, 腳又長又夠高又夠瘦喎!! 俾 Cher
聽見肯定好開心, 但我之所以咁錫佢係唔單止喱D表面o野o架! 當然有好多少為人知甚
至只得我o地兩個知o既內裡因素啦~!! 係乜? 點講喎? o個D o野唔出得街o架~~!!!
冰年8月24日~~~發現自己鍾意o左梁漢文
昨晚我去o左天馬艦睇 7台聯播o個個"Hong Kong City of Life", 由於有不少 Friends
話我唱腔似梁漢文, so我特別留意梁漢文o既演出, 佢唱o個首 "請你" 正到癲肺~!! 我亦
因喱首歌而令我鍾意o左梁漢文, 故家o下起冰仔心目中o既偶象排行榜係 :
1. 蘇永康 2. 古巨基 3. 羅嘉良 4. 鄭伊健 5. 梁漢文
我今日晏晝為o左首 "請你"而買o左 "大激想"隻正版CD, 真係越聽越正!!
後來我同 Mon & J仔傾電話, Mon話要搵人換10月Dry個拉闊, 佢一咁講, 我就即
刻諗�瓈琤禰毅祐皒价萿媠ir Albert幫我換 9月蘇永康 & 陳慧嫻o既拉闊飛!! 我唔見o左
Albert個電話 no., 但我仲未俾 5月o既補習費佢, 我知佢遲早會搵我, 但唔知幾時 "姐"......
幸好上天眷顧, Albert晚上打俾我話好窮冇$用, 我即刻話今個weekend俾佢, 同時
我亦叫佢幫我換3張蘇永康 & 陳慧嫻o既拉闊飛, 由於佢有好多分, so佢好爽快咁話 :
"你肯俾補習費我我就俾飛你~!!" 點解 3張? 自己估啦!!
冰年8月22日~~~一個好浪漫 & 叫人嚮往o既晚上
我照樣一大朝早彈o左起身,同Cher講o左大半日電話, 仲約o左佢夜晚去行街街,
晏晝 16:30 冰媽同佢D豬朋狗友番厘屋企打牌, then我就以出去問人借 notes 為藉口 "鼠"
o左出去陪Cher, 出街前我故意冇約Cher確實時間 & 地點, 皆因我知佢屋企冇人, 故我想
直程鏟上佢屋企厘俾個 surprise佢, 我去到深水"寶"時係 17:40, 我打俾佢問佢屋企係咪
真係冇人 & 做作叫佢 18:05 係深水"寶"MTR恒生等, 由佢屋企行去MTR需時約10-15mins
而我去到佢屋企附近時已 17:50, 我勁驚佢已出o左門口, so我狂奔, 去到佢屋企o個層, 發
覺佢已經企起防火門前等我, 我好驚訝, 那時我覺得係佢俾 surprise我多過我俾 surprise
佢!! 原來佢一早已懷疑我會咁做, 加上佢起房度見到我起樓下走過 (真係吹漲~!!) 唉~!
點都估唔到佢會突然間咁醒!! 我下次必定會更加精密仔細.....................
我同Cher行o左一陣油麻地 & 尖沙咀, 後來走o左去尖東海旁坐 & 吹吹風. 我
o地一邊坐一邊想快D到 21:00, 因於每晚 21:00 對面海曉變色o個幢中環中心都會好似
做 show咁勁放出唔同o既燈光色彩, 由於真係好靚, Cher好鍾意睇, 仲係晚晚追o既
Fan屎~!!佢較o左隻錶起每晚 20:58 響, 皆因佢屋企出面露台可以睇到o個幢中環中心,
俾 2 mins時間自己走出露台睇. 平時起屋企睇, 但今晚有我陪佢起尖東海旁睇, 相信對
佢厘講今晚幢o野D色彩會特別靚呱~!! (希望啦......) 好老實講, 我對喱幢o野冇乜特別睇
法, 但 Cher鍾意, 冇所謂啦!! 最緊要佢鍾意 & 開心就得啦!! 反正只要同佢一齊, 陪佢去
邊我都願意o既!! 點解?? 唔講你o地知! 自己估啦!!
睇完 5 mins o既燈光表演, 我都係時候送 Cher翻屋企, 去到佢屋企附近, 突然天空
灑下大雨, 我即刻拖住佢走, 點知 1x秒後D雨停o左喎!! (吹漲 >_<) Then我o地繼續行, 經
過一個籃球場時, 發現到o個個位置原來又可以睇到o個幢中環中心, 最重要o既係當我
o地發現到喱樣o野時, o個幢中環中心係做緊頭先 21:00 o個D類似 Lighting Show o既o野,
我o地睇o下錶, 22:02, 原來 22:00都有D咁o既o野睇o架!! So我o地企起度睇, D坐起公園仔
度D阿叔仲以為我o地睇人打波 tim 呀!! 睇完是晚第二次Lighting Show我就送o左佢上樓,
那時我見天氣不太妥, so我想問佢借把傘子, 但佢屋企冇把冇咁女人o既傘子, so我只拿
著佢借俾我D o野 (當中有向冰媽交差o既 notes)番歸. 但行去巴士站途中, 個天又落雨,
仲落得超大, 好似落狗"柿"咁~! 我驚會整濕 Cher俾我D o野, so我將D o野捲入衫裡面,
搏晒老命係咁跑..............番到屋企照o下鏡, 發覺我成個頭散晒 lu...................
雖然最後濕到成隻 "野" 咁番屋企, 但今晚係我同 Cher o既第一個晚上...........
冰年8月16日~~~等o左 4年終於有機會喇~!!
超正! 我今朝陪爸爸 & 阿爺飲茶時睇報紙睇見話蘇永康今日14:00會去世貿中心,
故我便拉埋 June & J仔陪我去搵我o既頂級偶象, 去到見到康仔企在臺上, 我已拿著相機
影個不停, 當MC請康仔, 張家輝, 馬浚偉 & 梁婉靜 4位嘉賓四週去派損贈器官咭時, 我揮
手大嗌 : "康仔~!!", 康仔便即刻過o左厘我喱邊, 我超開心 ^o^ , 因從未試過同康仔有咁
Close o既距離, 康仔派損贈器官咭俾我, 我梗要啦!! 話晒係康仔第一份俾我o既o野吖嘛!
我要求康仔幫我簽名同影相, 康仔都冇托手掙, 結果幫我簽o左 1張相 & 4個 CD封面,
包括康仔1989年處女大碟 --- 失眠, 第二張個人專輯 --- 不要離開我, 最新國語大碟 ---
蘇永康解脫書 & 銷量達 50000 張o既廣東大碟 --- 獨立宣言.
當康仔走o左之後, 有兩個女仔問我係咪又係好鍾意康仔, 我毫不猶疑咁答 : "係!",
佢o地問我取聯給電話, 因佢o地話係跟康仔o既Fan屎, 以後康仔有D咩Function都通知埋
我喎! 咁好o既o野真係千載難逢, 於是我就留o左屋企電話俾佢o地..........我有預感我會起
下個月903個康仔拉闊音樂去度再見到佢o地..........
冰年8月15日~~~一個擁有同蘇永康好極端p既聲線p既蘇永康 Fan屎
我今日約o左 J仔, Kyna, Ada & Daisy (仇家 Alan Chan o個女友) 去唱K, 而英傑 &
June 會遲D厘, 我約o左佢o地 11:45 起集成麥記門口等, 但我 12:05 先到, 兼且去到唔見
有人, so好驚, 即刻走落百佳想打電話 call J仔, 但等打電話時條死人賓妹拿住個電話唔
肯放, 真係想打 "十" 佢!! 我不斷擺出唔耐煩o既樣, 條死人賓妹講o左成 10mins 先捨得
收線. J仔留 message 俾我話佢o地起世紀加州紅 70號房, 收線後我便立刻趕去..........
唱K時我發現原來 Kyna有幾分似友板理惠o架!! 但我唔知佢自己覺唔覺喇.......
今日我都唱o左幾多女仔歌, 包括 : "暗湧", "明知故犯", "回情", "談情說愛"......其中同
J仔合唱o既 "談情說愛" 更被 J仔讚話正呀!!
冰年8月13日~~~小冰女的媽媽發現冰仔的存在......
今朝我過海接Cher厘我屋企, 佢帶o左盒 "叻女獎門人" o既帶厘俾我睇, 同佢同行
o既仲有4隻老鼠仔 (因佢晏D要將D老鼠仔送俾人!), 睇完佢帶厘o個盒 "叻女獎門人"後,
佢就起度扮范曉萱唱歌俾我聽, 但係真係又扮得幾似喎~!!
大約16:00, 我就陪佢去太子俾D老鼠仔人, 跟住我便送佢翻歸, 而我亦孤身踏上
歸家的路途. 翻到屋企便立刻沖涼洗頭, 當我連衫都未著好的時候我聽到電話響, 我驚會
係Cher打厘, so我仆出去聽, 點知真係佢呀! 佢話俾我聽話佢媽媽知道o左佢拍拖, 我極奇
驚訝, 好彩佢媽媽係笑笑口厘問佢, 冇話唔俾佢拍拖, 仲問佢有關我o既o野tim......!!
冰年8月12日~~~平淡但甜蜜的一天
基本上今日又係冇乜特別, 最特別o既就係落街食Lunch, 上晝同 Cher傾電話,
下晝亦都係, 我越來越發現得多我o地合襯o既地方!! 故我o地有講不盡的話題, 真好!!
另外, Matthew打俾我叫我搵人去Ball, 由 St. Joe & Paul Sec D人做攪手, 日期係
8月23日, 地點係Bar City, 但o個日亦係由YES攪 CPU o既日子, so都幾難搵到人去 lu.....
冰年8月11日~~~好煩惱的冰仔
同 Cher講o左成朝電話, 晏晝就喱起屋企唱歌同做數, 我好耐以前買o左隻 VCD
叫 "BMG齊歡唱KARAOKE", 收錄o左孫耀威o既 "一億三千八天", "飛" & "不能呼吸",
但後來唔見o左, 就一直冇再理, 但原來Cher係超鍾意孫耀威, 尤其係 "一億三千八天",
Cher鍾意聽, 我冇理由唔練好D唱俾佢聽呱! 於是我買番o個隻VCD, 好讓我練好首歌厘
唱俾佢聽, 希望佢唔會嫌我唱得核突啦..................
夜晚 23:xx 我又同媽媽開Band---嘈交, 佢話唔俾我 Jel頭番學, 話 Jel頭o既學生就
係冇心機讀書o既學生喎!! 嘩! 喱D道理厘o架?? 我點服呀! 我唔 Jel頭個 look好頹廢o架!!
到時仲似冇心機讀書o既學生呀! 亦因為喱個 Point我同媽媽嘈o左大半個鐘.
同媽媽嘈完交, Down到谷底, 我打俾 J仔諗住叫佢幫我叫 Cher打俾我, 但Cher同
J仔講話佢同Friend講緊, 明天先搵我喎! 於是只有 J仔陪著心情極之煩燥不安o既冰仔
(唔單止因唔俾我 Jel頭番學o個件事而煩惱, 另外仲有好多o野煩呀!............) 在那時我真
的真的好想Cher能安慰我, 可惜我冇咁o既福份........................
冰年8月10日~~~去吧! "巨型唱K小兵團"!!
今朝 06:10就彈o左起身, 小解過後又Zzz...唔著, 咁咪走出廳開電視睇 law! 睇睇
o下大家姐就起身番工, 為o左串佢, 佢喱頭話自己好眼"罰" 我喱頭就話自己依家走 Zzz...
激到佢醒晒!
我 09:15出門口去補習, 沿途我去o左阿祥做o個間 7-11探佢班, 阿祥著住件 7-11
員工衫仲靚過去街衫! (我勸佢不如以後著住件 7-11員工衫去街啦!!)
補完習後我就走去深水"寶"接 Cher去皇室堡, 去到時人物只有J仔, 小虫, 美寶,
Kyna & Karen (Knya表妹), 我同 Cher做先行步隊上 9樓加州紅開間 11人房. 今日加州紅
已有 Aaron同 Sammi o既新歌試唱, 於是我唱o左 "風裡密碼" & "驚變", Cher亦唱o左
Sammi o既"理想對象" & "哭泣遊戲". 後來J仔佢o地上晒厘, 再後來厘o既有 Liz, 薯仔,
Ken (美寶個Friend), 阿祥 & 莫鎮南. 其中Ken同莫鎮南o既歌聲真係絕對"唔少o野"呀!
至少令到 Liz同Kyna有唔少歡樂吖!! 我同 Cher一對小戀人親親密密, 就顯得盼望英傑
會出現o既 "望夫脆薯" 更加孤寂, 幸好我o地今日有壓軸嘉賓出現! 邊個? 咪係英傑 law!!
"望夫脆薯" 成個人唔同晒, 即刻 ^.^ 番!!
事後我o地 (冰仔---即係我, Cher, 英傑伉儷, J仔, 美寶 & Karen) 走
去世貿影貼紙, 我同Cher & 英傑伉儷都影o左張 16快拍! [(我已將我同Cher o個 16張放
o左起塊兇皮度, 自己番出去 Main page搵o下有乜新o野啦!!)已Banned],
影完貼紙我o地落o左麥記食D o野, 起喱個時候, 遲厘o既 Monita終於捨得出現,
但冇耐我就同Cher走先 lu.......
我抱住依依不捨o既心情送Cher番屋企, then我亦搭巴士番歸..........................
冰年8月9日~~~
今日只不過係一個好普通o既 Family Day, 陪爸媽飲茶, 然後就成日喱埋起房傾電
話, 執櫃桶, 上Net & Zzz..., 無憂無慮咁又平平安安咁過o左無無謂謂o既一日! 但我在媽
咪唔知的情況下籌備o左一個 "巨型唱K小兵團", 明天出發!!
冰年8月8日~~~100%小冰女??
查實今日冇乜特別o野! 只係英傑伉儷 & 豬精厘o左我屋企, 但在英傑屋企 online
時發現 Cher o既 Icq info改o左個Nickname " Cher,100%小冰女! ! ", 我都莫名其妙~!
冰年8月7日~~~完美的一天
今朝八點幾就彈o左�𡦈�, 在房內聽到從客廳傳來的電視聲, 令我不敢走出廳,
因每年香港早晨實搵D 10A仔上去, 我唔想走出去令睇緊電視o既爸爸傷心! 於是我躲
在房裡上 net, 見到小虫 online, 佢話我聽佢阿爸個報紙檔被人爆格, 損失嚴重! 我陪心
情極差o既小虫落大家樂食早餐, 但我o既心情又唔見好得去邊, 皆因 Cher唔肯厘我屋
企陪我, 最後我以$3 o既通話時間勸掂o左 Cher 厘我屋企教我 Econ! Yeah~!
Cher 上o左厘之後冇耐, 在隔離房Zzz...緊o既大家姐醒o左, 打開我房門, 因 Cher
起度而令佢十分驚訝, Cher 連隨嗌佢一聲 "姐姐", 而佢亦回應o左句 "Hello!", 在廚房
佢問我 : " 喱個又係乜水呀? ", 我隨即好簡潔咁答佢 : " 女朋友 law! ", 佢冇任何不滿o既
表情, 這證明佢對 Cher 一D都唔反感啦!! 哈哈......GREAT~!
Cher�瓈瓻峊瓥r留o左成個下晝, 15:30我就送佢去尖沙咀補習, 但佢成 21:xx先翻
屋企呀! 後來我o地講o左半晚電話, 太溫馨喇~!
冰年8月6日~~~畢生最大的創傷! 只為捨不得一人而生存的冰仔!
今日放榜, 成績比預期中差好多好多, 此乃畢生最大的創傷! 起初我曾諗過想死,
但後來諗翻起 Cher, 頓然覺得佢係唯一值得我繼續生存的人, 之後我再諗起我仲有英傑,
June 同埋我 D屋企人, 佢o地都係十分關心我o既人, 這使我冇再諗做傻事...........
大家姐揸車陪我周圍撲學校, 撲o左成朝終於有間學校俾我做 Repeater, 我對自己
發誓, 來年誓必用盡對 Cher一樣咁多的心機來再戰會考!! 我唔再俾我對自己失望! 更加
唔再俾 Cher, 英傑, June 同埋我 D屋企人失望!!
基本上o既事情已搞妥, 但直到現在我仲係未接受到我自己! 覺得自己好冇用!
我唔想面對任何人, 尤其係 Cher, 我怕佢會嫌棄我! 真o架! 我真係好怕佢會離開我.........
冰年8月5日~~~一個令能我開心同唔開心的人
今朝一早就同英傑走去香港公園室內場同班不太似樣o既人打籃球. 薯仔, J仔 &
美寶都有厘捧場, 而我就不斷希望唔知會唔會厘o既 Cher 快D厘! 起初我勁炒粉, 但後
來就好翻 D lu......最後就入o左 13個 3 Points & 16個 2 Points, 3 x 13 + 2 x 16 = 71分呀!!
而英傑就因薯仔唔起度而係咁狂炒粉, 都唔知有冇 20分! (不過冇關係啦! 橫掂佢同薯仔
己經係一對啦!), 好可惜! Cher始終冇厘到..........
我 Last Night同 Cher約定話若佢唔厘香港公園就於 12:20起銅鑼灣MTR恒生等,
我叫英傑等人先行上皇室加州紅, 我起銅鑼灣MTR恒生由 12:25等到 13:55仍未見 Cher
o既蹤影, 期間我打o左幾次去佢屋企但冇人起度! 終於帶著極度失落o既心情上皇室
加州紅 join英傑佢地......
去到我完全冇mood唱歌, 但死人阿草突然殺出, 佢把唔知似乜o既聲搞到我把幾
火點歌唱, 卒之唱o左 "一萬年", "風雲" & Cher鍾意聽o既 "男人不該讓女人流淚" 3首歌,
由於 Cher唔係度, so我好 Down, 故問阿草取了 3飛煙食! (Maybe係藉口啦...)
唱完K我o地4條仔 (冰仔---即係我, 英傑, 豬精 & 阿草) 走去三越麥記食o野,
原本打算食完o野就翻歸的我, 儘最後一口氣問豬精拿了個 $1厘打俾 Cher, 皇天不負有
心人! 終於被我搵到佢!! 我約佢 15mins後見面.................
見到 Cher當然開心啦!! ^o^ 今日總算悲喜交雜, 但悲同喜都係因 Cher而起.........
但....明天就放榜喇!
冰年8月3日~~~會考結果?? 即使考得唔好都唔洗怕 lu......
今日係地球開埠以來冰仔首次起上午寫小宣言, 皆因知道今日除o左會去大家樂
食 "鰻魚豬朳飯" 外, 冇乜特別o野會發生, so咪早D寫 law......
今朝一起身就 call J仔, 成班人Plan晒又去唱K, 但英傑 & June唔去, 攪到我唔係幾
想去, 加上冰媽唔俾, so...留起屋企......
星期四就放榜 lu, 但我依家唔洗煩話驚考得唔好會被 "某人" 嫌棄, because即使
我有 30分, "某人" 都唔會再理我, 諗諗o下其實都幾好吖......起碼喱 3日都唔洗擔心多樣
o野, 某程度上......咁樣我會舒服D......
我連續 2晚起到同阿Mon嘈, 我其實諗真D, 都係我自食其果姐! 唔關佢事, so今朝
call o左佢 Say Sorry, 希望佢唔好嬲啦!!
到了喱個地部, 個天好似已幫我決定o左我一直掙扎o既o野, 起喱個時候, 聽住
楊千嬅o既 "曾幾何時" 特別舒服, 因在冰仔心中已沒有其他多餘o既o野..............
冰年8月2日~~~疑團真相終於被迫要解開
今日原本係一個好平常o既 Family Day, 但卻加插了 "冰仔 Say梳記"---唔係人人
都會明, 但最主要內容係講述冰仔---即係我, 做o左D唔見得光o既o野, then開始不小心
洩露蛛絲馬跡, 繼而被某人開始懷疑, 在咁o既情況下, 我只好以罪人冰o既身份講出全
部o既真相, 起喱個時候, 我已冇資格做任何o既o野, 加上傳說中o既 "敵人" 亦會就快翻
香港, 我亦知道我自己應該點做.................
冰年8月1日~~~天地豪情八人風雲加州紅掙 mic唱事件
好意外地, 我今朝竟能有勇氣 & 叫得郁傳說中o既 Cher 去同我o地班人唱K,
陣容包括 : 冰仔---又即係我, 英傑, June, J仔, 薯仔, Amy & 步Mei. 目的地係世紀加州紅,
點解一定要去加州紅? 皆因加州紅先有 <風雲>, <一對對> & 5首<天地豪情>歌嘛!!
我o地 8丁友開o左兩間房, 但係起隔離o個隻! 冰仔---又即係我, Cher, 英傑 & June 一間,
其餘o既就另一間. 但卒之我逗留在隔離房o既時間比逗留在自己間房o既時間多好多,
because J仔佢o地起度狂點 Kelly & A-Mei D歌, 亦即表示係我練假音o既機會, 我用晒
假音同佢o地合唱, 總之就好好玩啦......事後我送 Cher落 MTR站. (但佢冇講 Bye過喎!!)
後來我拉大隊陪我去登隆街買腐乳, then去打o左 $10機, 然後就歸家 lu.......
想走? 走law...... 但記住咁經常追喎!! Ok? 你Ok我Ok!! ^o^