A LA VENTA NUEVU DISCU DE SKONTRA
"Cantares
Pa Dempués D'Una Guerra" inclúi 10 cantares, pista interautiva con dos videos
y dalguna qu'otra sorpresa.
Podeis mercalu nos conciertos y per e-mail en
contacto@skontra.net , por 9
euros.
Tamién podeis descargalu n'esti enllaz:
http://www.skontra.net/descarga.html
NIUNDES ASOLEYA'L SO PRIMER DISCU
Los
llaniscos Niundes asoleyan el so primer discu de títulu cuasi bondianu
"Enxamás ye pa siempre", trabayu que fizose esperar más
de la cuenta pero que, a la fin, sal publicáu pol sellu Lloria Records y cola
produción de Xel Pereda. Folk acústicu d'aires atlánticos que
fadrá les nuestres delicies y que tarrecerán dellos, ye lo que tien trabayar
nel mundiu la música…
GÜERIA NUEVU
DISCU DE LA COL.LA PROPINDE
La
Col.la Propinde saca'l mercáu'l so segundo
trabayu discográficu, "Güeria", asoleyáu pola
discográfica L'Aguañaz. José Cano, guitarrista del grupu, fízonos llegar una
pequeña ficha'l discu onde desplica que los temes que conformen esti trabayu
son los que tuvieron presentando en direutu esti pasáu branu, arrancando cola
so actuación na Nueche de San Xuan de la Playa Poniente (Xixón) y colos
conciertos posteriores que los ficieron tocar en dixebraes partes del estáu.
Diz
Cano que nesti discu fúndese lo tradicional coles propuestes más
inovadores, lo que fae d'él "un discu frescu y potente".
Otru datu importante, que nun queremos escaecer, ye que en "Güeria"
tamién vamos alcontrar la banda sonora orixinal del curtiumetraxe "Suena'l
Camín", acabante d'estrenase nel Festival de Cine de Xixón.
DRD APAREZ NUNA RECOPILACIÓN
IRLANDESA
El
tríu asturianu DRD parez nuna recopilación de música
tradicional asoleyada pol Arts Council of Northern Ireland. Ta visto
que Diego, Rubén y Dolfu arrasen equí y tamién n'Irlanda. Felicidaes!
