LA
BANDINA
Ye otru
proyeutu de Santi Caleya. Recuperen la sonoridá de les vieyes
bandines tradicionales. Nos sos entamos llamánbense Bandina
les 47 , esti nome vien-yos de la tasación que faen
dellos conceyales de cultura, un conciertu de bandina tradicional...
47000 pesetes. Espublizaron con "Fonoastur" nel 2001 el discu
"¡Pa bail.lar!" y, asoleyaron "De
Romandela", de xuru, ún de los meyores discos asturianos del
añu 2005, nel que cunten cola collaboración nos cantares
d'Anabel Santiago. Nesti segundo trabayu afonden la so
querencia por melodíes bretones qu'empasten perbién cola música
tradicional asturiana. En 2008 súmen un nuevu discu, "13", el
terceru de so. Son, amás, ún de los meyores grupos
asturianos nel direutu.
Tlfnu: 689 58 99 09 / 660 02 49 90 / 615 51 04
91
E-mail
LA BANDINA LA CURUXA
Ye otra de les bandines
asturianes que nagüen por recuperar el nuesu patrimoniu musical. Con
músicos d'abonda esperiencia nel campu del folklor del país. Lleven
na xera dende'l 2004. Pues sintilos nel primer discu de so, "Toi
de camín" (2008).
LA BANDINA'L
TOMBO
Faen música tradicional asturiana, sobre too pensada
pal baille, al estilu de les bandines que tocaben n'Asturies a lo
cabero del sieglu XIX y entamos del XX, sigún mos comenten ellos
mesmos. Tuvimos qu'esperar tres años, pa que nel branu del 2004
asoleyaren el so primer discu, onde amuesen l'estilo de so, nun CD
que lleva'l nome del grupu, que foi editáu pola discográfica
asturiana "Tierra Discos", compañía creada por componentes
de FELPEYU, y que ye ún de los meyores de
la collecha'l 2004.
Tlfnu: 607 74 25
11
E-mail
http://www.btombo.com/
BATULAX
Grupu
de folk-rock formáu nel 2002 n'Avilés por antiguos componentes de
Balandrán, Skitarna y del grupu de rock
Neurotics, lo que fai que l'estilu de so, seya una
mezclienda o como se diz anguaño un mestizax, lo que-yos fai
convertise cásique ellos mesmos nun estilu propiu. El nome ye un
homenax al discu de Cambaral. Surtieron discográficamente nel
recopilatoriu de L'Aguañaz: "10 años d´independencia" col
teme "Nel camín".
Tlfnu: 985 72 53 73 / 676 04 34 61
BRAN
Banda asitiada
n'Arxentina, punxímosla nel llistáu de grupos asturianos porque
l'asturianu Xandru Reguera, yera'l guitarrista, y
tamién, porque nel so repertoriu hai muncha música asturiana. Tienen
asoleyáu un discu, tituláu "Awen", nel que faen un prestosu
percorríu pela música celta, nesti intre tan dando los caberos
toques al so segundo trabayu discográficu onde van centrase más na
música d'Asturies y Galicia.
E-mail
http://www.branawen.com.ar/
BRAS
RODRIGO
Direutor de les
bandes de gaites de Corvera y Lluanco, dos de les más viaxeres
d'Asturies, Bras, ta entamando tamién anguaño la so carrera como
gaiteru solista. Ta acabante d'estrenar el so primer trabayu
discográficu, "Xermandía", qu'asoleyó Grabaciones Pola, nel
qu'ufierta una mui personal visión de la música tradicional
asturiana que fusiona con múltiples influencies de delles partes del
mundiu, mestizax frutu de la propia esperiencia personal de Bras nos
viaxes al frente de les sos bandes de gaites que lo tienen lleváu a
Corea, Cabo Verde o, hai bien poco, dica Nueva York. Nel arniu de
la world music que diríen los críticos profesionales.
E-mail
www.brasrodrigo.com
BRENGA
ASTUR
Los
asturianos de la diáspora. Grupu asitiáu en Madrid, amiesten
instrumentos tradicionales con otros lléutricos. Tienen tres discos
nel mercáu, "Raigaños Celtes", espublizáu pol sellu avilesín
L'Aguañaz; "Cancios del Gochu Xabaz", na madrilana Fonofolk,
nél cunten cola voz de Marta Arbás, nesti intre miembru dafechu del
grupu (amás de delles collaboraciones: Xosé Ambás,
Fonsu Fernández, Xuan Antonio Barbolla,
Rhiki Hambra y Concha García), y el
caberu dica agora "Tornando al abellugu´l llar" (2002), nel
que collabora'l gaiteru americanu Eric Rigler. Nel añu
2000 fixieron la so primer xira pelos Estaos Xuníos y dieron el
conciertu d'inauguración de la IV edición del Festival
Intercélticu d'Avilés. Anguaño ye ún de los grupos asturianos
que más conciertos da al cau l'añu y, dende equí, damos fe qu'en
direutu nun tienen rival n'entrega y folixa. Tamos naguando porque
asoleyen otro discu.
Tlfnu: 914 50 85 35/ 629 82 73 96
E-mail
http://www.brengaastur.com/
BRON
Cuartetu acústicu, anque mozos nun quier dicir qu'esta xente
nun tenga esperiencia. Equí atopamos a músicos perconocíos na escena
folki astur, como ye'l casu de Daniel Lombás (que foi
percusionista en Llan de Cubel y aveza a collaborar
con Hevia) o Pepín Muñalén gran
recopilador de melodíes tradicionales de la zona del suroccidente
(n'especial Tinéu). Amás, tamién tan Adolfo Rodríguez
y Alberto Ablanedo que tocaren con
Dubram y Brenga Astur. El repertoriu,
temes del suroccidente d'Asturies y de la Europa Céltico. Hasta esti
intre tien participáu na esbilla Nuevu Folk Asturianu, volume
IV, nel añu 2002.
Tlfnu: 985 08 10 18 / 630 13 72 45
www.telecable.com/personales/rablanedo1/bron.htm
CÁDABA
Ye un
casu especial dientru'l folk del país, yá qu'esti grupu d'A Caridá
surdió en xineru del 2001 de la Escuela de Música de la Asociación
Cultural "Arcangel San Miguel", tienen fechu yá delles
actuaciones, especialmente na so comarca. El so repertoriu tien
obres propies, adautaciones de pieces tradicionales ya igües de
obres d'otros autores. Acaben d'espublizar "Doysibemol", el
so primer discu autoproducíu.
Tlfnu: 98 563 71 42 / 98 563 72 43 / 629
52 42 95
www.acasanmiguel.com/cadaba1.htm
CALCAÑU
Grupu uvieín de
folk-rock nel que predominen los instrumentos de vientu (gaita,
flauta y saxu). Nel so repertoriu tamién s'amiesten los temes de
fonda raigón tradicional con otros de composición propia.
Tlfnu: 647 06 43 45
LOS
CIQUITRINOS
Otru grupu que recupera'l conceutu de bandina
tradicional. Nesta ocasión adautada a los tiempos que cuerren (lo
mesmo toquen mazurques que rock'n'roll). Amás, comu mayestru
de ceremonies tienen a Rubén, el que fuere gaiteru de Balandrán,
colo que la folixa ta asegurada. Tienen un tema nel recopilatoriu de
L'Aguañaz, "Los nuevos sones d'un vieyu País". La mesma xente,o
casi, tamién actuen col nome de La Viérbene, col que
aparecen en "Xeneración Folk" de L'Aguañaz. Van entrar a grabar bién
ceo'l so primer discu.
Tlfnu: 657 13 75 78
LA COL.LA
PROPINDE
Xente con una gran
base musical la d'estos l.lenizos, que xúntense na primavera del
2000, el so folk ye de xeitu acústicu, al que-y amiesten otres
influyencies musicales y que pues oyer nel so primer discu en
solitariu "L.l", o nel so segundu discu "Güeria" asoleyáu nel
2006, tamién incluyeron un teme nel recopilatoriu
de la Xunta pola Defensa de la Llingua Asturiana: "L'asturianu
vive. La llucha sigue", (L'Aguañaz, 2001).
Tlfnu: 636 187
868
E-mail
www.lacollapropinde.com
CORQUIÉU
Grupu
de Ribeseya qu'entamó nel añu 98. El nome vien-yos d'una carbayera
del so conceyu. Tienen fecho abondes xires pel estranxeru
participando en festivales de prestixu como'l Intercélticu de
Lorient o el Tonder de Dinamarca, aportando'l so folk acústicu al
públicu de fuera d'Asturies, amás cunten con una vocalista, Xema,
que tien una voz mui prestosa. Tienen grabáu dos discos, el debú foi
col nomáu "La Barquera", asoleyáu a fines del 2001, esti nome vien como
agradecimientu al güelu del flautista del grupu, apellidáu Barquera,
por dexa-yos el llocal pa ensayar. Y el segundu, "Salia" nel añu
bayurosu en discos 2005, espublizáu por Tierra Discos. Amás tienen dos temes
nel recopilatoriu "Xeneración Folk" editáu por L'Aguañaz, y dellos
más nel discu feito polos entamadores de la "Noite Celta del
Cobo", xunto con Llangres y Dubram.
Ye, de xuru, el grupu mozo meyor afitáu na escena folk
asturiana, público y críticos punxéronse por una vegada d'alcuerdu
con esta xente de l'Oriente, bona parte'l futuru del folk asturiano
pasa peles sos manos... nós naguamos por oyir esi discu que tan
grabando en Glasgow.
Tlfnu: 98 584 05 96 / 619 30 2295
http://www.corquieu.com/
DEUA
DUBRA
Deua Dubra ye un grupu formáu nel branu'l 2002,
con componentes mayoritariamnte de la Cuenca Minera'l Nalón y formáu
casique tou por moces. Estes muyeres tienen fechu'l so primer discu
(con video-clip incluyíu nuna pista de cd-rom), entituláu "El soyáu
de Mardana" (Fonoastur-2004) (nel entamu como maqueta, Abril-2003),
toquen piezes tradicionales como la muñeira de remis, vaqueiraes,
yaeso, xunto temes del folk célticu en xeneral. El so repertoriu ta
cuayáu de temes perconocíos a los que-yos camudaron el xeitu,
dando-yos un aire duce que los acerca'l pop. Nel so discu de debú
cunten con collaboraciones como les de Fred Morrison y
Jimmy McMenemy.
Tlfnu: 630 42 41 69 / 696 99 85 91
DRD
Tríu formáu por xente
mui mozo pero con gran esperiencia na escena asturiana: Diego
Pangua, Rubén Bada y Dolfu Fernández. Música tradicional n'estáu
puru, colos músicos al llau del espeutador y ensin más
intermediarios. Elegancia, calidá y bona música, sobren pallabres.
Esti branu tuvieron tocando pel estáu al ser ún de los grupos
elexíos pol INJUVE pa participar nes sos muestres de folk. Tamién
cunten nel so currículum con una xira per Irlanda del Norte. Tan
acabantes d'asoleyar el so primer discu "Namái" onde andecha
con ellos otru músicu permozu de gran valía, el gaiteru irlandés
Jarlath Henderson.
Tlfnu: 607 74 25 11 / 605
57 17 37
E-mail
www.drd-ast.com
