GRUPOS FOLK
E-F-G-H-I
FARDAXU
Grupu
formáu n'Arxentina por xente del Centru Asturianu bonaerense,
asoleyaren yá dos trabayos, el primeru nómase netu que'l grupu, y
p'agostu'l 2003, espublizose'l segundu CD: "Revolución celta"
, (que tuvieron el detalle de regalanos personalmente) del
que podeis güeyar una reseña y una descripción mas fondera del
grupu.
E-mail
http://www.fardaxu.com.ar/
FELPEYU
Ún de los más afamaos grupos d'Asturies. Una de les
referencies estrella del catálogu de FonoAstur fasta que fundaron la
so propia compañía, Tierra. Son de Xixón
y tienen dellos discos espublizaos en solitariu, como "Felpeyu", "Tierra" y "Yá".
Amás de collaboraciones nel "Naciones Celtas", o'l "V Festival de
Música Folk Galega" (na so dómina "galega"). Felpeyu
ñació comu un grupu asturgallegu, nél tocaben los dos hermanos
Castro que yeren la parte gallega, anguaño lo formen namái
asturianos.
Faen xires per Europa cuasi tolos años (son perapreciaos n'Italia),
y tamién pela llonxana Australia, onde grabaron el so discu en
direutu "Live Overseas". Ún de los
indespensables pa conocer la música folk d'Asturies, por ellos
mesmos y pol llabor que desendolquen dende la so discográfica onde grabó'l so debú La Bandina'l Tombo y Corquiéu'l so segundo
discu.
Atristayantemente'l 22 de xunu de 2006, la música asturiana lloró y ainda llora la
pérdida de Carlos Redondo ya Ígor Medio nun accidente de carretera.
Dos de los meyores músicos que tuvo la música asturiana.
Que la tierra-yos seya
leve.
Tlfnu: 98 517 02 22
E-mail
http://www.felpeyu.com/
FLAVIO
BENITO
Gaiteru
ex-Cubel, y direutor de bandes de gaites como La Raitana,
asoleyó un discu en solitariu na compañía Fonofolk tituláu "Mara".
Amás del so llabor como músicu y mayestru de gaita, que lo tien
lleváu a dar cursinos pelos Centros asturianos de mediu mundiu,
tamién desendolca'l material didáuticu de les sos clases, frutu
d'esi trabayu más buxu pal gran público Flavio yá asoleyó'l so
métodu de gaita en llibru y en CD-rom.
http://personal2.iddeo.es/flaviobe/flavior.htm
LOS GATOS DEL
FORNU
Son d'Uviéu, entamaron comu bandina tradicional nel
96, anguaño yá como grupu folk tan metíos nuna pila proyeutos, el
nome vien-yos d'un nomatu de la xente del "malvivir" uvieín. Faen
folk acústicu y merez la pena oyílos. Hai bien poco qu'asoleyaron el
so primer discu homónimu, espublizáu por FonoAstur, que tuvo bones
crítiques y meyor acoyida pol público, ún de los cancios d'esti
discu, "Brañas d'Antanu", foi votada comu meyor canciu asturianu del
añu polos llectores d'Asturies.com Tienen participao
n'abondos festivales fuera d'Asturies, dellos perimportantes como
Lorient o Ortigueira.
Tlfnu: 98 508 07
34 / 625 628 048 / 696 845 607
E-mail
http://www.gatosdelfornu.com/
GUETA NA FONTE
Ún de los grupos
heterodoxos na escena folkie astur, música a mediu camín ente lo
tradicional y la música clásica y con un soníu braeramente personal,
de xuru qu'esto ye inxustu pal restu de miembros de Gueta Na
Fonte, pero nun podemos dexar de rescamplar el llabor de Mento
Hevia na composición musical y nel conceutu'l grupu. Tienen
participao nel volume IV del Nuevu Folk Asturianu qu'edita L'Aguañaz
y na seronda del 2005 el so primer discu en solitariu, "Como agua de
mayo", que tien
de ser un guelpe d'aire fresco nel conservaor mundiu folk
d'Asturies.
http://www.guetanafonte.com/
HEVIA
El
macrogaiteru. Esti maliayés de pro, ta acabante de meter la
música folk astur nel sieglu XXI, col asoleyamientu de los discos
"Tierra de Nadie", "Al Otru Llau" y "Étnico Ma Non Tropo", onde
presenta la revolucionaria gaita multitímbrica o MIDI. El
primer trabayu, que fexo cola multinacional EMI, yá vendió más d'un
millón copies (ye probablemente'l discu de música de raigañu más
vendíu na hestoria de la industria discográfica) y llanzóse en
45 países a lo llargu del branu de 1999. Dende equí damos-y la
norabona. Pero José Ángel Hevia ye muncho más: mayestru y direutor
de bandes de gaites (Villaviciosa, Candás, Mieres del Camín,
Ribeseya...); ganador del MacAllan; miembru de grupos comu
Boides o Nordés;... Depués d'arrasar nes
radiofórmules cola so fusión de músiques tradicionales y
elleutróniques entamó una empresa de luthería na xerra castiana de Guadarrama a medies colos luthiers andaluces Parrado y Aragón.
http://www.arhpa.com/
IÑAKI
SANTIANES
Discípulu de Vicente
Prado, esti gaiteru tien ganao'l Concurso de Folklore Ciudad de
Oviedo na categoría de pareya de gaita y tambor xunto col so
hermanu Yónatan. Tres segundos puestos nel Memorial Remis Ovalle y
un terceru nel Mac Crimmon, troféu que ganó nel branu del 2005 na ciudá bretona d'An Oriant tamién adornen el so
currículum. Na seronda'l 2004 asoleyó en FonoAstur el so primer discu,
"Foncalada", col que nes sos pallabres "cumple un suañu y pieslla
una etapa". Nesi trabayu ta arropáu por Leticia Martín al
vigulín, Borja Vázquez a la guitarra y por otro músicu enorme, el so
hermanu Yónatan, encargáu de los teclaos y delles composiciones ya
igües del discu.
Tlfnu:
659
212 781
E-mail
