GRUPOS FOLK J-K-L-M-N

JORGE MÉNDEZ

Un compositor y músicu que sal de les llendes convencionales. Ñacíu en Vitoria-Gasteiz (Araba). Caderalgu de muérganu, compositor pa vigüela y multiinstrumentista, ta p'asoleyar el so novenu trabayu en solitariu, dellos d'esos discos tan peraveraos al folk y a la música tradicional como: "Suite mitolóxica asturiana", "Los cuentos del alicorniu" (elexíu meyor discu del añu en Portugal) y "Tresalecer". Tien collaborao ente otros con Luétiga y Brenga Astur. Ún de los mayores valores de la música asturiana, amás, ún de los más incomprendíos.
E-mail
http://www.jorgemendez.com/

LLAN DE CUBEL

Esti ye'l grupu de los grupos asturianos, la referencia indiscutible, cuandu falamos de Llan de Cubel falamos, ensin denguna dulda, d'una de les meyores bandes del folk célticu a nivel mundial. Tienen espublizaos 5 discos ("Deva", "Na Llende", "L'Otru Llau de la Mar", "IV" y "Un Tiempu Meyor"-que s'asoleyó en Payares de 1999 pa cellebrar el so 15º aniversariu comu grupu-), amás apaecen notros trabayos coleutivos comu "Arpa Céltica", "Naciones Celtas", "Forgotten Roots" y "Lorient 25 Ans". Faen un folk acústicu qu'ellos denomen progresivu. Son perafamaos n'Escocia onde tamién s'espublizen los sos discos na compañía Iona Records. Como curiosidá dicir que, nel branu de 1998, foron númberu 1 delles selmanes con "Rigu Esva" na prestixosa emisora Sound & Spirit (USA). Tienen participao en delles ocasiones nel Interceltiegu de Lorient y tamién nel festival de Glasgow Celtic Connections; nos caberos años tan faciendo xires pelos Estaos Xuníos y Canadá, amás de les yá acostumaes per toa Europa. El so caber trabayu, "Un Tiempu Meyor" tuvo un ésitu pergrande y ta sonando nes radiofórmules a nivel estatal. ¡Fasta Ramón Trecet rindióse a la evidencia! ¡Felicidaes enforma!!
Tlfnu: 985 72 36 97 / 985 59 02 62
E-mail
www.llandecubel.com

LLANGRES

Grupu acústicu de Llangréu (nos sos entamos yeren un cuartetu), fixeron la so presentación el mes d'abril del 99. Foi ensin dulda la revelación del añu 2000, ganaron el primer concursu de folk Cuartu los Val.les, quedaron terceros na Le Bolee des Korrigans en Lorient y, amás, grabaron dos temes pal recopilatoriu "Xeneración Folk". Tiempu depués asoleyaron el so primer discu entituláu "Stura", que foi perbién acoyíu pola crítica y sobremanera pol público. Ye ún de los grupos que más conciertos da al añu n'Asturies y tienen actuáu en dellos países europeos al llau de bandes consagraes de la música celta. Na primavera del 2005 sacaren al mercáu'l segundu trabayu de so, "Esnalar", nel que tienen dellos temes cantaos por una de les sos caberes incorporaciones, la conocida Esther Fonseca.
Tlfnu: 985 11 46 62 / 656 26 77 56
E-mail
http://www.llangres.com/

LLIBERDÓN

Otro de los veteranos. Tres discos al llombu ¡y paez que foi ayeri! Un grupu mui volcáu na investigación etnográfico y musicolóxico, lo que fai d'ellos más un grupu de música tradicional que de folk, magar que, tamién dedíquense a la reellaboración, y dalgún de los sos miembros participe davezu notros grupos. Tienen participao en An Oriant, ente otros llogros na yá so llonga trayeutoria.
lliberdon.8k.com

MERLÍN

Grupu au s'amesten miembros de Lliberdón y del desapaecíu Trasgu. Xurde nos caberos 70, influyenciáu por bandes comu Gwendal o Allan Stivell y el so folk-rock, caltién un estáu de semiactividá. Apaecieron en "Naciones Celtas 2" interpretando'l tema córnicu, yá asturianizáu dafechu, "La Danza L'Osu".

N'ARBA

Otro representante del nueu folk asturián, y de los grupos más queríos pola afición asturiana. Ye un grupu asitiáu n'Avilés y el so nome quier dicir nel cantu, nel borde n'asturianu occidental. Amesten instrumentos acústicos y lléutricos, nun direutu perpotente au l'humor de Xose Ambás relluma con lluz propia, lo que-yos fae ser de les bandes que más presta ver en direutu. Representaron a Asturies nuna edición pasada del Festival de An Oriant. Tien asoleyáu un discu en solitariu "Inda ya ceu" y otro a medies cola murniamente desaniciada banda Folkgando. Nos prósimos meses debería ver la lluz el so segundo trabayu en solitariu, anque N'Arba nun ye un grupu que-y preste enforma pesllase na sala de grabación.
Tlfnu: 98 523 80 14 / 617 42 14 72
E-mail
www22.brinkster.com/narba/

NA ZONA

Banda formada n'A Coruña en 2003 que fae un folk eclécticu onde s'amesten influyencies del jazz, la world music, clásica... con repertoriu propiu al que se-y apurren temes tradicionales de Galicia, Asturies, Bulgaria...Tienen ganáu un festival de folk pa grupos mozos a nivel européu, cellebráu en 2004 en Granada. En setiembre'l 2005 presentaren el so primer discu nel que cuntaben cola produción de Andreas Pritwitz. Y nel branu'l 2007 presentaren el so segundu trabayu, nomáu "Llucía". Amosando la so evolución nestos años.
http://www.nazona.com/

NIUNDES

De la Escuela de Música Tradicional "El Llacín" de Llanes ñaz esti grupu d'estilu acústicu, que dica'l momentu la so discografía reduzse al recopilatoriu "Nuevu Folk Asturianu, vol. IV" (L'Aguañaz, 2002), y al so primer discu en solitariu, col nome "Enxamás ye pa Siempres". Tan selemente coyendo sonadía inclusive nel estranxeru, como nel festival valón de "Les Anthinoises 2004".
Tlfnu: 625 66 69 80
http://www.niundes.com/

NÛR

El primer grupu astur que namái tien componentes femes. Amás, apuesten por recuperar la desaniciada tradición del vigulín na música asturiana, polo que caltienen la gaita nun discreto segundu planu.
Tlfnu: 985 222 387 / 616 490 797 /616 489 555
E-mail