GRUPOS FOLK
O-P-Q-R-S-T-V-U-Y-Z
RAMÓN
PRADA
Compositor y arreglista de luxu. A mitá de camín ente la
música clásica y la tradicional. Suyes son: "La Noche Celta" banda
sonora de la novela homónima de Juan Noriega, estrenada nel
Festival Intercélticu de Lorient (FIL) con gran ésitu de
crítica y sonadía nos medios franceses; "Keltikhé", otra obra
sinfónica encargada pol FIL estrenada na edición pasada'l
famosu festival. Tuvo nomináu nos Premios de la Música na
categoría de Nueves Músiques. Collabora con munchos grupos
asturianos de folk (LLAN DE CUBEL, HEVIA,
XUACU AMIEVA...)
RISCA
L'ALBA
Otro
grupu de la diáspora asturiana, formáu al abellugu'l Centru Asturianu de
Barcelona. Naz nel añu 2002 y tien la particularidá de que toquen
como grupu folk o como bandina tradicional dependiendo de la
ocasión.
RODRÍGUEZ CELTIC BAND
Grupu de música celta,
formáu por trés músicos del grupu granadín Supervivientes,
ente ellos l'asturianu Xuan Sastre. Ye una apuesta musical pola
música llariego d'Asturies, Bretaña, Escocia ya Irlanda dende
Andalucía.
E-mail
http://www.rodriguezcelticband.supervivientesmusic.com
SKANDA
Grupu de
Mieres del Camín. Faen folk-rock y tienen tres discos asoleyaos en
L'Aguañaz. Composiciones propies con igües perorixinales enllenes de
personalidá y el meyor direutu del folk astur (que lo mesmo-ys val
pa tocar xunto con SOLAS o con
REINCIDENTES) son les sos señes d'identidá. El so
primer discu foi "Sangre d'Ochobre", que podíemos dicir que
foi la so consagración ente públicu y crítica, nel que collabora
xente como Xune de DIXEBRA o como'l gaiteru irlandés
John MacSherry. Na primavera'l 2007 asoleyen el so cuartu trabayu
en solitariu nel que siguen afondando nel so peculiar son mestizu.
Tlfnu: 985 45 36 22 / 627 41 16 76
http://www.skanda.as/
SUPERVIVIENTES
Ye un
grupu asitiáu n'Andalucía, con músicos de diversos oríxenes, ente
ellos un asturianu, el gaiteru Xuan Sastre. El so estilu ye un
mestizax ente les músiques folk de los países celtes como Asturies,
Escocia, Irlanda o Bretaña, xuntu a los sones flamencos, y en
xeneral les músiques del Mediterraneu. Dica esti intre tienen
asoleyaos dos trabayos, Lanbrue (1999) y "El corazón del árbol"
(2003), amás de delles aportaciones en discos recopilarios.
E-mail
www.supervivientesmusic.com
EL TAMBOR DE L'ABADÍA
Grupu
basicamente de percusionistes, ¡sí llees bién,
percusionistes! unos tamboriteros con amplia trayeutoria y
esperiencia nesti y notros proyeutos, con El Tambor de l'Abadía yá
lleven dende 1994. Trabayen cola discográfica Fonoastur, cola
qu'asoleyaron dos discos, el primeru cola collaboración del músicu
bretón Patrick Molard. El más recién ye "Tronar de tambores" (2005).
TARAÑU
Estos
ayeranos y ayeranes entamanon faciendo folk-rock col nome de Seronda
Nocturna, pa dir evolucionando haza una llinía d'un fonderu
venceyamientu al folk atlánticu y acústicu, yá col nome de
TARAÑU. Lla mayor parte de temes que toquen son de
composición propia. Nel branu del 2004 sacaren el so primer CD: "Al xeitu de
nenyuri" dando un reblagu más na so medría como grupu y amosando
una madurez impropia d'una xente tan mozo.
Tlfnu: 98 549 42 64 / 653
83 94 98
http://www.taranu.com/
TEJEDOR
Los
tres hermanos Tejedor: Javi, toca'l curdión diatónicu y la
gaita, comu gaiteru ganó'l MacAllan nuna ocasión; Jose, ye'l músicu
del Estáu qu'algamó más trofeos MacAllan, ¡tres vegaes!; y Eva, que
ye la vocalista'l grupu y tien participao notros proyeutos comu'l de
Muyeres. Nel mes d'abril del 99 grabaron el so primer
trabayu, que se noma "Texedores de Suaños" con Phil Cunnigham como
productor ya con collaboradores como Duncan Chisholm, James
MacKintosh o Mike MacGoldrick, amás, tamién tan dellos collacios
asturianos (Igor Medio, Nuberu...). Esi primer trabayu tuvo abonda
sonadía en tol Estáu, convirtiéndolos dende'l primer intre nuna de
les bandes más respetaes de la escena folk española. Na primavera
del 2003 presentose'l so nagüáu segundu trabayu "Llunáticos" nel
qu'afonden nel so propiu estilu, esbozáu nel primer discu pero
tapecíu pola presencia de nomes tan consagraos de la música celta
internacional. Y a fines del 2006 espublicen el so tercer discu,
"Música na maleta". Son el gran apueste del Folk Astur dende Avilés.
Representaron a Asturies na Glasgow
Connections.
Tlfnu: 985 20 53 96
FAX: 985 20 54 81
http://www.tejedor.as/
TRIBA
Grupu avilesu que nel
entamu yeren un tríu fasta la incorporación d'una voz femenina, que
yá editare 3 temes nel "Nuevu folk asturianu IV" ("L'Aguañaz")
(2002). Esta xoven banda combina piezes tradicionales asturianes con
vertixinosos sets irlandeses realizaos con vigulín, guitarra y
uilleann pipe, remanando n´ocasiones composiciones y pieces
tradicionales bretones y asturianes, instrumentación a la que se-y
axunten esporádicamente voces femenines pa los temes
cantaos.
Tlfnu: 98 556 54 35
TUENDA
Otro tríu formáu por músicos de gran esperiencia, Elías García, Pepín
de Muñalén y Xosé Ambás faen un repás íntimo al repertoriu asturianu, rescamplando'l llabor de campu
fechu por Pepín y Ambás, dos grandes recopilaores de melodíes
tradicionales, amás de bonos músicos. Asoleyaren dica esti intre,
dos discos, un col mesmu nome'l grupu, y l'otru ye "Tuenda 2"
(2008), ambos cola compañía "Tierra Discos".
www.tuenda.net
Ú?
Nuevu cuartetu acústicu que ñaz n'Avilés, anque la
xente que lo encadarma nun ye "nueva" nesto del folk celta.
Asina, alcontramos a Rubén Álvarez y Rubén Bada de Xéliba na
guitarra y nel vigulín, a Antón Barquero de Balandrán nes
percusiones y a Horacio García nel contrabaxu. Como veis nun ye una
formación corriente, nun tien gaita y la presencia del contrabaxu
da-y un regustu jazzísticu a la seición rítmico. El repertoriu ye
asturianu cuasi al 100%... Mui recomendables y, con esi nome, nun se
pue negar que son orixinales. Pués escuchalos nel Nuevu Folk
Asturianu, volume IV "L'Aguañaz (2002), y nel 10
d'independencia" de la mesma compañía.
Tlfnu: 649 07 82 07
E-mail
XERA
Grupu formáu por 4
músicos de la redolada de Trubia qu'amiesten música tradicional y
música elleutrónica, una estaya cuasi ermo na nuesa escena musical.
L'impautu que tan causando ye abondo importante, asina,
foron escoyíos pol INJUVE pa ser una de les 4 bandes que xiren per
tou l'estáu nel so circuitu de folk (xunto colos tamién asturianos
Anabel Santiago y DRD) y tamién ente los semifinalistes del concursu Runas del festival
d'Ortigueira. En resume, otru poco d'aire fresco pa la nuesa música.
El so nagüáu primer discu, ta yá a dimposición de tola xente
interesao, ye "Lliendes", el cualu podeis sintir (meyor ye mercalu)
na so web.
E-mail
http://xera.com.es
XUACU
AMIEVA
Ún de
los culpables del resurdimientu de la gaita asturiana.
Ganador del MacAllan, direutor de bandes de gaites, mayestru de
gaiteros... ¡y entá nun tien dengún monumentu!. Tien asoleyaos seyes
discos en solitariu y dellos más coles sos bandes de gaites. Asoleyó
cola compañía Piraña Family "Al son del fueu", el quintu
de los sos trabayos discográficos, nél qu'apunta un acercamientu a
soníos más puramente célticos, quiciabes debío a la produción de Xel
Pereda (LLAN DE CUBEL). Un discu perprestosu y con una
presentación de luxu, en dixipack y con un cartafueyu de 36 fueyes,
como nos tien avezaos Piraña Family. El so últimu discu ye "Seis",
nel que sigui afondando nel estilu Xuacu.
TLFNU: 98 529 65 00/630 62
28 82
FAX: 985 21 92 55
http://www.xuacuamieva.net/
