"HESTORIES
ABSURDES"
Skama La Rede
2004
Maqueta de
presentación d'una de les más firmes promeses del rock n'asturianu.
Nesti trabayu vais alacontrar cinco temes que dexen bien claru qué ye
Skama La Rede, un grupu cañeru de ska con lletres fonderemente
comprometíes cola Asturies d'anguaño que nos tocó vivir/sufrir. De
xuru qu'hai formes más poétiques de retratar esa realidá, pero dubio
que pudiera faese d'una forma más direuta y gayolera.
N'especial
prestaríame destacar ún de los cancios, "Coses de la edá", un tema
onde más d'ún va vese reflexáu pa bien o pa mal. Esi canciu tien toles
papeletes pa convertise nel himnu de la mocedá comprometío d'esti
país.
Naguamos por nun
tener qu'esperar muncho pa ver convertida esta maqueta nun cd con
toles de la llei.
