Entamamos equí
otra nueva seición d'AsturCelta.com pa la que naguamos
cuntar col vuesu sofitu. Prestaríanos ufiertar un espaciu dende
cualisquier particular pueda vender o mercar un instrumentu nuevu o de
segunda man al meyor preciu posible, tamién tendríen cabida llibros sobre la música
tradicional o discos que ten ranciando pela vuesa casa. Si queréis
vender daqué nun tenéis más que mandar el testu del vuesu anunciu
a AsturCelta habéis de
poner "Anunciu mercadín" nel encabezamientu del
email, facer una descrición honesta de lo que naguáis por vender,
dar el preciu pol que lo vendéis y incluir, si podéis, una semeya
del artículu (en formatu .jpg de non más de 75 kb), amás d'una
forma de contautar con vosotros (email o teléfonu). Esti sedrá un
serviciu totalmente de baldre y tolos conflictos que se puean xenerar
nel trescursu los intercambios sedrán única y esclusivamente
responsabilidá de los vendedores y veceros.
Smallpipe escocesa
de barquín, madera de granadillo (African Blackwood) y marfilina, en
Sib, fecha pol artesán Jim Anderson. Tien un tayu (iguáu) nel
roncón baxu que nun afeuta al so soníu. 360 €. Contautu.
Whistle
low-D marca Chieftain, cuerpu d'una pieza. Mercáu n'Irlanda
hai dellos años por 138 €. Los
que teis interesaos podéis probalu y yá falamos del preciu sobre la
marcha, ensin compromisu. Contautu.
