|
| |
 February
|
二月十五日 |
悶死我 |
 |
今日真係悶死我啦...本來星期日可以開開心心咁同家豪去上普通話堂嫁,但因為今日係家豪媽咪既生日,佢要倍阿媽,唉,冇計啦,唯有自己食自己啦...費事D人黑口黑面!
今朝起身冇咩好做,食左早餐後痴痴呆呆,就開電腦將我同家豪既相燒碟啦,嘩,原來有好多,我決定一陣攞出去晒左D相佢,再買一本我同佢共有既相簿,哈哈,入面只有我同佢既相,唔~好SWEET
SWEET呀~!
出到旺角,唔...見到D情侶一PAIR
PAIR咁行街,我真係覺得自己好慘,之後走左入快圖美晒相,避開佢地,哈哈...就夠鐘上普通話堂啦,拿拿聲趕去!
上到課室,即刻開MP3錄阿SIR音,要比家豪聽呀~!本來都冇咩野,上上下堂有三個八婆遲到走左入黎,仲要B呢巴啦咁行入黎,入到黎果把死人口仲唔收,講野大大聲,正一死八婆,我錄緊音呀,嘈鬼住晒!!我即刻擰轉頭"啤"住佢地,佢地比我嚇到即刻收聲!哼!!點知兩分鐘都唔夠佢地又大聲講野!我都費事啤佢地!我大動作咁企起身將成張檯拿起,轟一聲放前,呵呵呵~~!真係收晒聲!好野~!哈哈哈...睇怕我返左咁多堂普通話,最留心都係呢堂啦,因為之後要教番我HONEY吖嗎,哈哈...
上完堂,打比阿媽佢又唔聽,唔...好悶呀,本來已經可以去攞相,哈哈...可能有D唔開心,我決定衝入BOUTIQUE瘋狂SHOPPING!!呵呵,我都覺得自己好似痴左線咁,最後我分別係兩間BOUTIQUE總共買左四件衫,三條裙,哈哈...痴線嫁...!之後去左JOIN埋我阿媽阿爸一齊去左銅鑼灣,我阿爸都唔知做咩...不斷叫我買衫,唉...頭先都買到夠啦...有咩好買姐!我睇中左個$4290既VIVIENNE
WESTWOOD既袋,你又唔叫我買...?哈哈...都唔知你精定我笨...頂...
之後阿爸揸車去左荃灣和民食野,順便搵細佬,哈哈...我老豆又兜錯路,成9:30先去到和民,唉,餓死我啦...去到食左D刺身,飯團,呀~飯團都幾好食呀~下次一定要再食先得~!等埋細佬放工,我地係樓下等,嘩...吹左好耐風,凍死我...
返到屋企,掛好我D衫,落妝,"摸蝦"咁既速度,凌晨四點幾先瞓...
今日先發覺,我同你已經去到冇見一日都想死既地步,點算...?! |
|
二月十四日 |
最唔捨得既情人節 |
|
今日係情人節呀~~好開心!
睇怕今日都唔洗收花啦卦~~尋日都已經夠激,已經好"揚"嫁啦,哈哈哈!
今朝見到我既老公仔,佢又叫我合埋眼,唔~送咩比我呢??好緊張,呵呵~~原來係水晶頸鏈~~好靚呀~~好開心呀~~多謝老公~~
我又叫佢合埋眼,之後我將我買既禮物~手錶送比佢~~佢又好開心呀~~
我地兩個都好開心呀~~呵呵呵~~
之後我地去左又一城LOG-ON,買左本相簿,我諗住將我地以前睇戲既飛尾貼上去呀~~真係好SWEET SWEET呀~~呵呵呵~!
之後我地搭車入左赤柱,我地先去左食野,食完野一齊去左行赤柱市集,又去左海灘影相,好開心呀,D相遲D會UPLOAD上網頁~~
夜晚我地去左和民食飯,六點去到,等左兩個鐘,我一D脾氣都冇發過,真係覺得自己好有品囉~原來我都可以唔發咁多小姐脾氣既~以後要對老公好D先得~!
我地入到和民,家豪叫左泡菜雜錦火鍋,辣辣泡菜炒飯,枝豆,燒魚翅,和民沙律,豬扒鍋,豆腐布甸同埋草莓雪糕,除左豬扒鍋同埋草莓雪糕,全部都係我鍾意食既野!!好細心呀~~多謝老公仔~
哈哈~~我地今晚真係好開心,係和民我地見到一件趣事,隔離檯有個妹妹仔叫左碗白飯,仲要係加大既,哈哈~~都成$12,真白痴,最搞笑係碗飯一黎到佢就快速地"拍"一聲將個飯碗蓋放係檯,突後搏晒命咁扒飯,哈哈哈,好搞笑~~
食完飯老公又送我返屋企,好開心呀~~唔~多謝你呀,老公,好愛你呀~呵呵~!
情人節咁就過左,好唔捨得呀...下年去左英國都唔知點算...! |
|
二月十三日 |
超級SURPRISE |
 |
今日星期五呀,返1330,放1730,放學又可以見到HONEY,好開心呀~~呢幾日佢放ANNUAL,日日都見到豪豪~好開心呀~~!
1720,上完英文,好~執野走人啦~我背住課室門口坐既,執野果陣,我見到我D同學突然目定口呆,我以為佢地痴左線,我執好野一轉身,嘩!!!!!!嚇死我!!
原來我的好老公拿住束花企係我後面,我都呆左幾秒,哈哈,我都唔知做咩反應好!因為我D同學都好突然,之後我即刻拉佢走,點知我D同學居然係課室歡呼,仲走出黎追住我,哈哈,好彩我地走得快!
哈哈...雖然我班英文得20人,不過我諗今次D同學一定會"宣揚"開去,唉,救命呀...!
不過,我真係好開心呀,提早收花~~!我愛你呀,豪豪~~ |
|
二月十二日 |
懶呀 |
 |
懶呀~~又唔寫日記... |
|
二月十一日 |
懶呀 |
|
懶呀~~又唔寫日記... |
|
二月十日 |
懶呀 |
|
懶呀~~又唔寫日記... |
|
二月九日 |
懶呀 |
|
懶呀~~又唔寫日記... |
|
二月八日 |
懶呀 |
|
懶呀~~又唔寫日記... |
|
二月七日 |
懶呀 |
|
懶呀~~又唔寫日記... |
|
二月六日 |
懶呀 |
|
懶呀~~又唔寫日記... |
|
二月五日 |
終於有得抖下 |
 |
今日係大家都趕緊PROJECT既日子下,我早幾日已經完成晒,終於有得抖下!
我想睇下書,食下野,UPDATE下網頁,終於都有機會!!
今日上堂要用普通話PRESENT,白痴... |
|
二月四日 |
TALKING WITH IAN~~!開心!! |
 |
今日上ENGLISH!同IAN傾左好多關於ENGLAND既野,好開心呀,原來去英國係可以HOME STAY嫁~~
下午返左公司PLOT圖,SHIT!!PAPERCUT呀!!割到手指,好鬼痛呀...! |
|
二月三日 |
係CITYU打PS2?! |
 |
今日上完朝早CAROLINE果堂,嘩,有五粒鐘天地堂,哈哈,阿虎&啤仔BOOK左AV房打PS2,真係有得玩嫁喎!!阿虎玩到好似痴左線咁,哈哈~~好開心!
今日上堂上到9:30PM,救命呀...
夜晚返到屋企做DESIGN PROJECT做通頂添呀...攞命!! |
|
二月二日 |
決定DROP日文 |
 |
今朝唔洗返學,攞D日文功課黎做啦,嘩,做左成個幾鐘!!仲要係好多唔識,又因為我今年FINAL YEAR,好忙呀,所以,我最後都係決定DROP日文科!
打左電話去CTL搵COORDINATOR,因為我係LATE
DROP,所以要搵佢,好彩佢比我DROP,仲叫我聽日去交DROP LETTER,好野~~!
如果DROP唔到我就死梗... |
|
二月一日 |
行FARM+圖書館 |
 |
今日又係冇咩做,下午去左食米線,之後去銅鑼灣,先去左行FARM,再去圖書館,搶左D岑凱倫既書,又有得睇啦~!YEAH!
夜晚經過SOGO,嘩!!大割引!!!正!!
即刻入去SOGO洗刦一番!買左兩件衫,就比阿肥豪左止我再買...
仲撞到佢以前個補習學生,哈~佢之後同肥豪講話我好瘦!哈哈~~終於都有人認同啦~~!
番到屋企,睇下頭先買果D衫,勁後悔呀!!我真係買得少!!!原來D衫係MADE IN JAPAN嫁!!!頂... |
Copyright (c)
2004 Catherine's Home
All Rights
Reserved
|