不知從那時開始

	七月三十日晴星期五倒霉的一天!!


今日好慘呀!!10點半俾老爸剷醒左，誓死攤多陣先。(大佬，今朝5點幾先去訓咋)攤到11點咪同佢落街囉，等左輪先攪掂哂d野。(唔方便公開啦)返到屋企12點，開餐。(好耐冇係屋企食lunch啦)唔係我成日出街食呀，而係我未起身!!(汗")終於睇完套日劇啦，大結局勁感人呀。(原來係改篇自真人真事架!!)但係個兩個學生自首個到竟然睇唔到，重要係徹平個part呀。(睇唔到勁唔抵呀)之後一路睇water boy2(五個撲水的少年電視劇版)+一路下載starlight。嘩!!電視版仍然都係咁攪笑，今次套野又有市原集人同小池徹平(更新個到"近期新歡"有相)啦!!(大心)嗚.......今日好慘呀!!套starlight我dl左三百幾mb(成集有六百mb)、下載左成三個鍾，仲有個幾鍾就下載完，佢竟然同我hang機。即刻梯型咀呀!!今日仲係deadline架，勁慘呀。再下載返竟然要成7個鍾?!xyz@#%.......終告放棄。之後又咪係玩下電腦咁囉，都冇咩特別架啦。阿星：你今日好彩，打黎我竟然醒左；換著平時？我仲同緊周仔"反"緊架!! 七月二十又日雨尋晚勁得意，十二點醒左，自己走左去沖涼，沖完涼又走左去訓。今朝訓得勁好，如果唔係阿珠打黎我諗我會繼續訓。4點到啦，起左身就整通粉食、睇下卡通片、玩下電腦咁，咁又一日了。七月二十八日今日本來三點幾去左訓架啦，點知灘到6點都仲未訓得著；8點就要彈起身了，之後攪左輪就出門口啦。行到隧道阿柴先打黎話遲D到，諗住佢遲少少啦，點知我係火車站等左佢半個鍾，仲約左人架。唉，真係要遲到Lu；搭8先去到黃大仙，咁佢就俾本書(傳說中牧童本簽名本)我啦。之後再搭返車返學，返到去問miss拎成績表、拎相啦咁；拎哂野咪叫michelle幫我開"check"囉，之後返班房睇下考成點。我平均分有69.69呀，差零點幾就可以credit架啦(唉)；全班考第6哩，冇耐等埋雅儀就一齊去淘大啦(當然註冊埋先啦)。去到k房都係坐下唱下咁，因為好多歌都唔識唱。唱到3點到掛?!就走人，因為要去牛頭角拎身份証；原來係行去真係好近，但我地都係搭左地鐵。拎身份証個陣一直對唔到指模?!(汗")幾驚拎唔到呀，原來係我禁得唔夠大力。拎完之後阿柴話想行旺角咪行囉，行到6點就走啦。返到屋企勁累，食埋飯睇左陣電視涼都唔沖就訓左lu。七月二十七日晴又訓無日無天了，今日4點先起身；波菜打電話黎話出唔出去剪頭髮，咁咪出囉。睇左陣卡通片，點到佢放工就出去啦。周圍睇下邊間平，到最後都係去左舊墟個間。剪呀剪呀剪，就係咁剪到7點半；剪完波菜就陪我去惠康上倉，返到屋企咪食飯囉。之後都係睇電視呀、沖涼呀咁，打打下日記大家姐話用電腦喎，哼。一打就打成個鍾?!之後二家姐返黎玩啦，嗚........命苦，我都係襯佢沖涼打埋佢咋。聽日返學校拎成績表lu，唔知考成點呢?? 七月二十六日又玩到無日無天了，今日8點都仲未訓得著。(汗")訓訓訓，訓到4點先起身。係呢，你地尋日有冇睇鏗鏘集呀??講環保架呢，佢講間東莞小學呢，係我讀果間小學黎架!!我以前讀個陣都冇咁多野架，而家霸左隔離個荒地，起左塊田呢!!我都好耐冇返過去啦，而家d小朋友真係幸福呀。之後頭先睇亞視講對老夫老妻，佢地真係好幸福呀，大家相愛到老，你話而家有幾多人可以做到??好羨慕。係呀!!好消息，我咪話書展買唔到牧童本簽名本既，本來我叫左人24號書展幫我買，但都係買唔到；而家有個net fd話特登買多左本，而佢又讓俾我喎。(大心)不過一日未到手都仲未可以開心住(笑)，呢個世界真係有奇蹟架!! 七月二十五日晴好似又好耐冇打日記添，懶鬼一名。前幾日明明仲迷緊隻game(天地創造)，日打夜打架，但而家玩到冇癮lu。而家開始迷緊睇日劇呀，呢幾朝都係到睇，仲睇到我喊呀，嗚嗚嗚......。套劇叫"不良少年回母校"，有點似GTO；重點係有靚仔睇哩(笑)，小池徹平啦、市原集人啦。(近期新歡呀!!)朝朝5點零6點先，仲訓到黃朝白晏，呢個就係我既暑假。七月二十二日勁好訓呀，發左個好夢。(笑)10點幾俾電話嘈醒左，原來係可樂；呆下呆下傾左陣，收線之後又訓返。訓到5點先起身，真係嘆！嘩!!訓完之後周身酸痛，成個阿婆咁呀。睇下電視聽陣歌就上網就食飯，之後就打日記啦。七月二十二日晴好耐都冇咁早起身啦!!10點起左身攪左輪搭九就出門口啦，去到0岩0岩好人齊即閃。之後搭搭下嘉欣打俾阿珠話cindy打左俾蕭ling講成績，隔左冇耐cindy打俾阿珠。咁阿珠講完就俾我聽啦，點知cindy話冇野同我講喎?!(汗")即係我4科合格!!(大心)之後講多陣28號要帶D咩就收線啦。去到紅磡又同阿珠玩行左定行右?!(笑)，行到海旁超大風呀!!去到碼頭都12點囉，咪去尖咀間老麥食囉；阿星有六折，勁抵呀一個餐。食完就朝會展進發，搭船本來係一件好浪漫既事，但係身邊竟然係......唉。入到會場陪阿珠去左買詠琛先，再去陪我去買牧童，點知去到冇哂簽名本(怒")；勁唔開心呀，希望佢地幫我買到啦。之後去左想去既地方就慢慢行啦，行下又買下咁。我地仲幫阿星改左名叫暴力熊添!!(近排睇得魔幻廚房太多)我同阿珠就係純真世界既小朋友啦!!(笑)行Hall 1已經行左2個鍾啦，行埋Hall 2，又去正文社個檔掃赤川叔D書，佢套書差三本儲齊了!!(大心)行埋兒童天地都5點幾囉，咪走囉；阿柴係出面返工，佢就落黎同我地傾左陣計啦。返到屋企都7點幾囉，食左飯睇左陣電視；12點就訓Lu，好耐都未試過咁早訓。七月十九日可能尋日訓得太多既關係，今日七點先去訓。其實係我不斷下載+合拼啦，下載左兩套電影(日本既)同一套日劇再外加一D林沈野。(真係唔應該呀!!)就係咁攪到7點先訓，但係又訓唔著喎；到9點仲係眼光光，攤多陣先訓得著。呢幾日發左好多怪夢，明明起左身仲記得架，但係當第二日發左第二個夢又唔記得lu，今日我發夢有艷遇哩!!(偷笑ing)2點幾就起左身，之後又係玩電腦啦，最衰阿哥出左去，如果唔係可以叫佢幫我燒碟嘛。又呢到去下個到去下咁，咁就玩到六點幾啦。係喎，呢個時候曉盈姐應該係機場架啦喎，咁快又放完佢個寒假啦，一路順風呀!! 七月十八日由於太早訓既關係，今日下午6點先起身。(汗")反正咁早起身都冇野做架啦，不如訓耐d。我諗下個月染返黑個頭會去搵野做架啦，個個fds都有野做，我點可以懶架，年尾仲要去旅行。(努力儲錢!!)之後又係睇書啦、睇電視啦、打機啦咁囉，我諗又會玩到5點先訓架啦。(現在報時,02:58a.m) 七月十七日今日仍然係早睡早起，玩到5點先去訓；鬼咩，鬼叫朝早dl野係最快架咩。晏就點幾就起左身，一路睇返尋晚dl既野。玩到3點幾阿星打黎約我出街咪唔玩囉，反正又要去圖書館還書。都話約阿星唔駛咁準時架喇，我還埋書佢都未到呀。等左陣佢先到，咪周圍行下囉。行到七點咪返屋企囉，順便行去惠康上倉，咁m屋企d麵食哂。好好彩呀!!我身上只有43.2大元，買既野mm好43蚊，計到盡呀!!夜晚又係睇電視啦、食飯啦、沖涼啦、睇書啦、又玩返電腦啦，玩到5點先訓。(汗") 七月十六日好似好耐冇打日記咁，其實日日係屋企都冇咩特別事發生架啦。咪日日打機打到4、5點囉，訓到2、3點先起身。今日都唔例外啦，但覺得起身涼涼地姐。嘩!!睇電視先知8號風球，但我呢邊一滴雨都冇喎？得個大風兩個字，今次個颱風名叫圓規，勁看笑。起左身睇左陣電視就炒烏東食，又咪睇卡通片、睇完返房寫日記(懶一濟,成兩個禮拜未寫)。寫完都食飯囉，之後都係睇電視、沖涼、玩電腦咁囉。係呀!!今日發左個好怪既夢，不過記得好零碎，呢幾日都成日發埋哂d怪夢。 (題外話:近幾有隊叫WaT既日本組合,唱得幾好聽架!!) 七月十四日晴早睡早起精神好??今日6點先去訓呀，但點半就起身啦。(我唔可以再俾自己訓咁晏架啦!!)起身又係打日記先，反正暑假日日都係屋企都冇咩特別事發生架啦。係呀，曉盈姐，我要相呀!! 七月十二日訓到4點先起身，訓成12個鍾；開學個陣都唔知點算，咁既夜鬼生活。起左身都係打日記囉。(到現時為止都係得咁多) 七月十一雨今日發左個夢，但唔記得啦；我竟然喊左出黎喎，真係唔記得咩夢哩。之後訓下又醒下咁，點幾起身0岩0岩好睇"極盜狂熱份子。雖然睇左幾次，但都係咁好睇既!!睇完都4點囉，大家姐叫我落街買野；咪落囉，反正我都想上倉。唉呀!!一落到去竟然有人大叫"臭鬈"喎?!仲有邊個架，咪係菠菜囉。咁0岩見到都有既，一定係佢想撞我架!!(笑)之後佢咪陪我買野囉，想傾下計但係又落過雨黎，買完咪返屋企玩電腦。之後食飯、睇電視、沖涼、繼續玩電。冇耐二家姐返黎，佢竟然......佢竟然......買左隻錶送俾我?!今日咩日子呀??又唔係咩特別日子，我又唔戴錶既。之後俾佢串："一定有原因先可以送架，見你冇錶先送俾你咋，唔要俾返我囉！"嘩!!有人送野俾我點會唔要呀，呵呵呵。(不過戴唔戴係一個問題)不過都多謝先。(笑)12點零咪返房聽歌，睇下書咁。再夜D又玩電腦，玩到點先去訓。(其實都冇咩野玩架咋!!) 七月十日晴冇咩特別呀今日，都係訓到好晏。夜晚又係睇電視，睇"哈你老實"(哈利波特)呀。其實我都想睇明珠套"異剎"架，可惜撞哂時間，唯有廣告時間睇。夜晚又係玩電腦玩到夜一夜。七月九日今日訓得勁好，呢幾日成日出去，終於可以訓耐D，訓醒個陣4點幾，但係我look到5點先起身。大家姐一路玩緊部電腦，咁咪返房聽歌囉。之後食飯睇電視，冇睇一晚電視姐，點解部電視戲好似講左咁多野既??之後又玩下電腦打返日記囉。七月八日晴尋晚訓得唔好，明明十二點已經閃左去訓，但三點先訓得著。今朝8點就起左身，好耐都未試過咁早起身啦，好想再訓過。坐左係到呆左陣先去換衫拾野，出到粉嶺竟然一個人都冇??之後曉盈黎到話蛇曼唔知醒，我地咪一路坐一路等囉；最後阿柴9點幾，等多陣蛇曼先到。(註:我地係約9點等)去到九龍塘啦，原來踩冰要成60蚊喎；勁貴呀，何況我地都係踩一陣就走，所以都係冇踩到。之後去左百街逛，逛完係冰場上面睇人踩冰。嘩!!見到個0靚仔勁型呀，留左兩條尾喎，蛇曼就係咁偷影佢啦。(笑)12點到就落去冰場睇多陣，點知見到有兩個男仔拖住手(十指緊扣)咁踩。(汗")其實佢地冇野既，係我亂諗姐。(呵呵呵)睇完就落旺角啦，行左陣瓊華；阿妍佢地仲未黎，我地就上漢洋苑先喇。坐等冇耐佢地就黎，咁就開始食野；kaman食野冇point架，我地仲係燒緊肉既時候佢已經食甜品啦。燒左一個鍾到已經好飽lu，咪開始食下d甜品囉。D椰汁西米糕都幾好味，不過D糖水我就冇試過啦；佢地話最好味既係甜品喎，食完之後飽到上心口呀！我地坐到埋單先走囉，價錢都算係咁啦。食完咪去信和買碟啦，買左兩隻CD囉。之後就陪kaman打左陣機就去影貼紙相，都影得幾靚架。未影之前我地仲係部機入面用數碼相機影左陣，都影得幾攪笑。之後呢到行下個到行下咁，又行下旺中；不過行完個個都好累，就去左KFC坐左陣之後再行過。咁曉盈走先，我地行埋花園街、聯合都走囉。返到屋企沖完涼、坐左陣，阿珠打黎，同佢傾左陣電話就走去曬衫啦，再玩陣電腦都2點囉，咪去訓啦。七月七日晴其實今個都冇咩野攪，但都攪到4點先去訓。(汗")9點就起身玩左陣電腦就換衫出門口，出到去時間mm好。咁同曉盈買左蛋撻就返基新啦，阿柴已經係門口等緊我地啦；但蛇曼仲未到喎，咁我地咪入去先囉。咁入到去就同左黃sir傾計，先知佢教埋今年下年唔教lu。(o.......)之後又同miss傾下計咁，miss chan企係到同我地傾左好耐。之後miss lo勁好笑，係咁話我白左，又拉住肥張問佢話我係咪白左喎。(笑)D 阿sir勁攪笑，個個都係食蛋撻之前要洗手，但miss唔會架bor。(汗")黃潮生勁好笑，話蛇曼係屋企"量地"。同miss chan傾完就搵miss鄭傾計啦，miss鄭真係好可愛呀!!咁教員室有電話，我地就去左6B涼冷氣，之後一路玩X竹籤啦、波子棋啦、同飛行棋一路等小文返黎。阿柴勁好笑，第一個KO兩隻棋既係佢，但係最後玩輸個果都係佢，蛇曼本來係最後個果變尾二!!小文黎左一陣都走囉，佢勁忙呀！咁我地玩到2點幾都走囉，之後去左成發食飯哩。食完就行下街咁，行到4點幾就返歸了。係呀!!基新話要轉校服呀，話轉水手裝。勁核突囉，扮哂日本D校服咁，但又扮得唔以喎，成套小學生校服咁，第二時唔好話我係基新畢業添呀!!(-_-")D人又話女既要著小象襪、百褶裙，男既仲攪笑，話要著低腰四角骨褲。(汗")(好彩我畢左業)新校個邊起多層，個邊封哂，唔知第二時會起成點呢？七月六日今日仍然係講w-inds.既!! 今朝(零神2點)繼續睇返演唱會啦，睇返02年個隻下半場，相比起03年好似遜色左D姐，幕後花絮都只係一般。而且慶太唱得好似有後勁不繼咁，不過佢採排個陣真係唱得好好聽架!!最後神秘花絮個到好攪笑，三個係到打架。睇完就睇03年個隻啦，好睇好多。佢地唱Forever Menories真係好感動呀，有一幕涼平仲喊到講唔到龍一幫佢接落去。呢隻碟多過上年好多花絮，而且好鬼好笑。好似慶太採排super love個陣勁攪鬼，改埋人地D歌詞。涼平就好勤力咁練舞，佢真係無時無刻都跳舞架。又有一幕係fans一齊唱love is message俾w-inds.聽，真係"太捧了"。最後講神秘花絮個到，三隻野勁攪笑。問佢地演唱會邊樣一定要帶？慶太：我地成日轉換髮型，一定係假髮。全場‧‧‧‧‧(笑)涼平就話要帶兩個成員，咁龍一同慶太就扮人地玩RPG個D追隨主角既伙伴(仲顯示埋HP,LV添)。咁慶太無啦啦指住其中一個dancer話係怪獸，龍一走過去就咁俾打死左。之後龍一企係垃圾筒入面扮死，涼平同慶太繼續行。(大笑)最後龍一話要帶夢想，其實都冇乜野；但係最攪鬼係涼平係龍一後面猛跳舞囉，之後仲拎條蕉(?!)怯持龍一。(爆笑) 講咁耐w-inds.都悶架啦，講返今日呀。今朝4點幾先去訓，七點半俾樓下個痴線佬嘈醒左。正確黎講佢係唔痴線，佢只不過係EQ(情緒智商)低左D姐。佢傻架，大大聲傾電話(鬧人)；之後發哂脾氣猛踢個垃圾筒喎(大家唔好學呀,咁已經係刑事毀壞架啦!!)，仲就圍拉住D途人。(你話有冇病呀?!)醒左之後訓唔返，look左陣9點到先訓得著。之後一訓就訓到三點lu，有耐嘉欣同學打黎話出去；咁就拿拿林刷牙洗面換衫洗頭出去啦，出到去都係遲到。(-_-")之後咪陪嘉欣去放漫畫，再行下舊墟囉；行完就去許留出食糖水，個份黑白乜鬼(二人份)真係好鬼抵食!!。食完行左陣街，再陪嘉欣同學去旅行社睇去澳門D野。行到一半先記得留低左個袋係許留山，咁咪返去拎囉。咁拎完就陪返佢去火車站，我就去惠康買餅返屋企食啦。返到屋企又係開電腦玩啦!! 七月五日日好耐冇玩過ICQ啦(其實前陣子先同曉盈姐玩過黎)，尋晚終於捨得online。玩左陣就俾大家姐玩啦，咁我咪睇書囉。之後家姐唔玩俾返我，咁我心血來潮就睇返w-inds.個2次演唱會啦。但都係睇返第一隻碟姐，睇到4點先訓。睇返佢地第一次演唱會，慶太真係唱得好好哩；而且舞步個方面好睇d呢，如果無記錯既話應該叫locking.......(錯既機會會好大!!)(笑)仲有呀，原來佢地d英文真係......佢地(慶太同涼平)講w-inds.個陣係冇s音架，不過龍一講個陣又有喎!!之後睇返上年個演唱會，終於聽到涼平D和音啦!!服裝都只係一般，但某幾part都幾好架!!期待今年個演唱會呢!!睇完就去訓覺啦，今日幾好訓，一訓就訓到三點。起身又係玩電腦啦，整多d icon咁。(真係整左好多,都唔知幾時先用得哂)我好鍾意上面個張呀!!呢張係ZONE最新細碟太陽のKISS既封面哩!!好有夏天既感覺呀!! 七月四日雨我快要變成夜鬼啦。今日我好早訓，真係好早！因為我5點先(死去)訓，原因係一直玩電腦。(汗")其實係訓唔著啦，雖然係好眼訓，但精神係處於亢奮狀態。(哭*)之後訓下又醒下咁，11點半就醒左啦。(我相信係我身上係冇時差呢回事架!!)睇左陣電視又玩電腦，如果唔係真係冇野做。得閒一濟咪打下日記，一係就係忙死、一係就係得閒死。七月三日星期六終於落雨啦，感覺得落雨會涼好多。今日訓到點先起身，之後拿拿淋整埋個網就要開架啦。七月二日酷熱今日都係係屋企係咁整網頁，希望可以快D開到個網。冇幾耐嘉欣同學約我陪佢放漫畫，咁約左佢4點啦。陪佢放完漫畫就行下街喇，去左大麥食野。之後去到商務睇書，咁我睇完書啦；見到有個好似嘉欣既女仔，同佢講左一大輪野先發現我認錯人，勁樣衰呀！之後行多陣都返屋企，冇耐菠打俾我；咁我地又係樓下傾左陣計，感覺上呢種關係都幾好呀，得閒就係樓下傾下計咁。(笑)咁7點咪返上樓囉，發現多左舊野，原來now.com0岩0岩有人上黎裝野。我大家姐話個果人好靚仔架，蝕左添。夜晚勁無聊呀，咪睇大白鯊囉。(又幾好睇喎)冇耐曉盈姐打黎，傾左陣。12點到蛇曼打黎傾去街D野，冇耐又打俾阿柴一齊傾，但次次都越講越遠。(汗")冇耐就收線，我玩多陣電腦都訓。點知訓唔著，成晚眼光光，到4點零先訓到。