May - July
2002
May - July
2002
當然之前發生左好多事啦, 直至15/5我先有記低......
15/5/2002
今日我唔係幾舒服,
可能係就嚟病啦~ 不如寫番昨天D嘢...
昨天妳好開心, 但我面對妳, 妳已經唔會好似以前喺開學時咁對我,
記得妳學期頭對我都唔會好似而家咁, 以前妳會同我談天講笑, 但而家妳會唔再理我, 我知我做錯咗好多嘢, 妳係唔會睇得起我~ 其實喺呢下半年, 妳都係咁對我,
我都已經習慣了, 我都唔會再期望有D咩可以令自己開心些~
其實妳今年同我同班, 我應該開心至係, 但點解我一日比一日唔開心? 可能係我煩惱多咗啦~ 記得有一日, 妳唔知咩原因唔開心, 見到妳好似喊緊, 隔離D同學都開解緊妳,
我真想氹番妳, 但因為我係男仔, 同埋周圍有好多人, D人一定會話我扮哂嘢, 所以我不能安慰妳,
我當時真係好心痛, 因為我唔想睇到自己鍾意嘅人唔開心~
28/5/2002
今日我又覺得好唔開心, 可能我又亂諗嘢啦...
今朝真係好火爆, 都係可能我衰, 先至攪到咁嘅地步, 但其實我覺得我都唔係錯哂~
講下妳, 我今日見到妳同好多男仔傾, 仲傾得好開心, 但妳就偏偏唔會理我, 妳會同佢地好開心, 但我知如果妳見到我, 就會好唔開心~ 我今日真係好失落, 點解妳要咁對我, 我點諗都諗唔通~ 我只係鍾意妳, 我真係冇咩其他想架, 我只係想妳同我傾計講笑, 我想妳當我係一個普通嘅男仔咁對待... 我雖然同妳坐得都幾近, 但當妳同xxx傾每句說話時, 我都好心痛, 雖然你地只係講D普通嘅嘢, 但妳嘅表情同神態我都一一記得, 我真係希望妳可以咁對我, 我唔想好似而家咁我問妳一句妳就只答一句~ 我知, 妳係女仔, 妳知道我暗戀妳, 所以妳會避開我, 但係點解妳要唔理我~
當我每次偷望妳時, 妳都係咁好, 妳始終喺我心目中係最重要的,
但當妳會望到我時, 我又會立刻轉頭唔再望妳, 因為我唔想俾妳見到樣衰嘅我, 妳喺我心目中永遠都是最好的~
4/6/2002
今日,
我又再唔開心, 其實根本就係冇開心過~ 昨日, 因為某D原因, 我又做錯事, 我做嘅事令妳對我改觀咗好多, 我知妳會由今日開始討厭我~怕我,
妳唔會再好似以前咁對我~睇我~ 因為就嚟考試, 我知我一定冇辦法補救, 如果我要改變妳對我的觀感, 一定會影響到妳同埋妳嘅考試, 我唔想~ 我知妳唔會再理我,
因為妳已經受人影響咗~ 但其實都係因為我衰, D人先咁睇我, 所以妳咁做都不是錯的~ 我真係希望妳會原諒我, 唔好再驚我~
2/7/2002
~26/6~對普通人可能係一個開心的日子~
但最後我卻在失落中... 對唔住,
我26/6做錯咗嘅事, 我知妳係絕對唔會原諒我~ 其實呢日只是有一個誤會, 但我知妳一定會以為我是有心做的~ 我曾經想過同妳講,
但最後卻沒有向妳講任何說話(包括 sorry), 因為我知道這是無補於事的~ 從此妳都唔會再原諒我~ 今日我見到妳又唔知應該點對妳先好, 但有一個問題我係好唔明, 點解我會鍾意妳???
3/7/2002
今日妳已經唔再理我,
我問妳嘢~妳唔答, 我傳嘢俾妳~妳好嬲, 不過妳咁樣係應該嘅~ 但而家如果我見到妳, 我會覺得好唔開心, 但以前都唔會係咁, 唉!唔知點解~ 其實呢,
我覺得妳同...好夾, 而我同妳呢? 就根本係兩種人~ 點都好啦, 學期都就嚟完啦, 我知妳唔會鍾意我, 同埋我而家嘅心情已經比平日好好多, 算啦,
其實咁樣都幾好...
見到妳可愛嘅樣子, 我又唔知點面對妳, 因為我怕我每做一步,
都會令我喺妳心目中的形象更低更低, 所以我選擇不做任何事, 一切隨緣吧~ 其實而家都算滿足, 不過只係有時諗埋咗一邊就當然會唔開心啦~
每件事都應留下重要的回憶, 待日後看回也是美好的~
暗戀是苦的, 但願妳也能從中找到最快樂的感覺和回憶~ 希望當其他人唔再提起我鍾意妳的時候,
便是妳最幸福快樂之時~ 可能我真係變咗啦, 但我仍然都係咁傻~
希望大家珍惜身邊的人~^^