8月31日 星期日

蘊莎 tea

人物：laalaa，我，qq，crab

8月30日 星期六

bitch 去 beach

曬

burnt!!!

一早九點就去搭車，人物有蟹賢，賢弟，芝姐，近畿，我，qq，個個都遲到！

去到西貢，一落車就有阿婆兜生意，一口價＄２０一個，無還佢價，就咁啦∼　過左一陣，去碼頭上船，又唔知邊個碼頭先係，都係打電話俾佢問∼　等左一陣終於有得上船 --- 目的地：夏門灣∼

都唔知點解而家個夏門灣多左咁多石頭，攪到個灘好細好迫咁．．．

8月29日 星期五

又要10:30返學

dressing, admission, discharge, temp, bp, h'stix

8月28日 星期四

10:30又要返學，有個咩workshop，要分組present care plan(功課)，同埋溫習下出醫院的skills

o係87k斜路，竟然見到某位住老年咁遠的大同，好自然就會surprise地問“你點解o係度ga?”佢竟然好唔自然，尷尷尬尬地答“等人”！佢個答案已經寫左上面－－等緊女！會搭８７ｋ返學的只有３人，另一個唔係住馬鞍山，如果等佢都唔會o係哩度等，一個係我，好明顯佢一定唔會等緊我，淨低的只有一人．．．嘿嘿嘿．．．不過，佢想我周圍講，可以有好多方法，佢唔出聲，我又唔會亂講野ge∼

又話要present care plan，點知個tutor同我地一齊做，早知就唔鬼做啦∼

下晝，練習執床，俾個tutor "的"左出黎dem，半年無出過醫院，又無溫過書，好明顯係咩都唔記得哂，勁做錯野，d床單叫咩名又唔記得，連摺張被都唔記得點摺，但係個tutor都仲好有耐性，無鬧人，這個tutor太好人了!!!!!!

這個好人tutor叫cherrie yip

8月27日 星期三

變態佬，佳佳，阿成，考ｃｐｒ，死fax機，立魚，陳肇敏，暴食皇太子，睇星，再睇星

今日要返中大考返個cpr(心肺復甦)試，本應sem2考試考的，不過sars延期到而家．．．

一早出門口，先去惠康買支綠茶(比返到大學先買平了$3!!!)，竟然一入去就撞到個變態佬！就係果個唔記得左叫阿強、阿成、定係阿華，兩年前同佢共事左三日果個變態佬！即閃！

買完野飲就即刻雞咁腳去搭車，驚！

就係我仲未回魂的時候，竟然o係斜路見到佳佳！佢依舊都係著住Ｆ７新果一條唔吊腳的校褲！我又係雞咁腳閃∼急步bill去排隊．．．

去到８７ｋ巴士站，見到一大同，不過佢企我後幾個人，無同佢social一下...... 企企下，原來佳佳返poly，又係搭８７ｋ．．．

終於有車，我上車先，車上都幾多人，好不容易在車尾搵到四個無人坐的位，打算跟那大同坐，怎料俾一對肥仔兄妹坐左落黎．．．大同沒有坐過來．．．更料不到的是，佳佳涉左落黎淨低果一個位!!! 大佬呀~人家一陣考試，想溫溫書都唔得，全程車，直至去到火車站，佳佳不停同我講野．．．

返到去考ｃｐｒ，做做做，都大致上無咩大礙，不過到考viva(oral questions)，佢問四題，我唔知點解同一個答案答了三次．．．= ="|||

1) compression的正確步驟

2) 有人chocking時，chest thrust 點做

3) 咁如果choking的人昏迷了，點做

我記得choking的人昏迷了要點做(要做 lying chest thrust)，但我以為那叫做 chest thrust，而 lying chest thrust的步驟同compression 一樣，於是我又把同一個答案講了三次.....

考完cpr，一出房(我考試那間房---同一個時段有好多人在唔同的房考)就見到阿成(大可把nursing阿成 = 7s佳佳)一日連續見到三個"佳佳"... =="|||

同阿成同一部lift落樓下，我以為佢會返屋企，而我要上山fax野，就同佢say bye啦，點知佢話想上u gym打波，同路喎∼機靈的我咪話我想行上山呀，唔同路呀，byebye，又點知佢又係打算行上山．．．咁鬼多點知．．．早知俾佢講先．．．無啦啦又要行上山 = ="|||

上了山，去學生會fax野，部死人fax機又唔聽話，faxfax下停左，我同個staff講，佢問我：咁有無咇一聲呀，無就等下啦．．．鬼唔知有咇一聲就fax完，部機而家好似係死左喎，點會有咇一聲呀?!

因為學生會入面有個櫃要“冊”(←remove)，其他staff好忙咁做緊野，同個死人staff(正在睇報紙!!!)傾計，仲話咩大學減批款，要醒醒定定，驚俾大學裁員，我心想，大學就係waste哂d錢請你d咁既staff!!!

之後其他staff問個死人staff得唔得閒，想叫佢幫手，個死人staff竟然話佢而家好忙(!!!)，要搵ｄ咩論壇!!!!!!!!

同d咁既人做野真係........唉~~~

又講返我份fax，等左ｎ耐都無反應，我就同個死人staff講我唔fax喇，想�囿藈i紙，佢依然係唔想郁，繼續坐o係度睇報紙，“你等下啦∼”... 等你定等部fax機呀?!

等... 足足等左半個鐘，最後，我暴力地夾硬扯返張紙出黎，恕啤了死人staff一眼，走∼

回家的路上，見到立魚(一小學同學)!!! :D 原來佢而家做緊石碑!!! 有工返，唔怪得小左撞到佢啦∼

返左屋企一陣，又再出門口，又撞到人，撞到陳肇敏，佢返劇社!!!

出了中環皇太子暴食，或者係受泰國那次無敵buffet的影響，心理上都不滿足．．．其實食物種類都可以算多，不過佢一次一次潮水式咁�咱X黎，每次份量都小得可憐，唔夠人爭就真係喊都無謂∼　魚生要排隊，每次切三片俾你= ="||| 如果鍾意食甲殼類的人就抵∼ 今次係可以擰住個碟行左個圈，隻碟仲係空既，無�姘L野食... 好在有個好味的拉麵，可以叫ｎ次fruit punch，汽水啤酒，仲有個酥皮湯。

６：３０∼９：３０，$138加一，是次最滿意都係個拉麵，仲有好似芝麻湯圓入面ｄ芝麻的芝麻雪糕

暴食完，返尖咀睇火星，好多人!!! 我地見到文文?!?!!

之後返馬鞍山，再睇星∼

睇完星，返屋企仲要做功課，明天present...... 悲~

8月26日 星期二

話說前幾日，無聊的我o係屋企賞月觀星(!!!)，見到有粒星星 橙橙地，好光，又近月亮，去同阿媽講“我見到火星呀∼∼”，換來一句“痴線∼飛機黎ｇａ∼”然而，我深信－－果粒係火星黎ga!!!! 佢唔郁ga!!!

今日睇新聞－－

拿∼火星呀∼∼　我屋企向南ｇａ∼ 果粒真係火星黎ga－－我深信!!!!

8月25日 星期一

三號風球的大清早七點就起身，準備８點半返學練lab．．．點知．．．講你都唔信．．．勁大風，開唔到門．．．= =|||

等等下咁就9點，出左門口，o係 lift 口，勁大風！橫風橫雨，只好瑟縮於走廊，等有lift就即刻bill出去！不過，入到lift都已經濕哂=="| 橫風橫雨!!! 真的!!!

落到樓下，因為有恆峰恆山之間的關口，為數二三十人都在靜候時機等"過關"，彷彿在開業主大會！（笑∼）

練完lab，出了沙田做校服+買書

晚打波!!!

當然不小得暴食．．．

軟雪糕 + 蘊莎 + kfc薯塊 + 雪糕雪條 ＝飽哂　= =|||

8月23日 星期六

lunch k→tea→搵jada→搭船過灣仔→等睇波→睇波→地鐵返旺角→blue bird暴食

人物：我，近畿，蟹，芝姐，qq，文文

尖東廣場greenbox，去K記得搵埋laalaa，抵！　＄３０有飯食，仲要唔係頹飯，有兩杯野飲，唱4個半鐘，夫復何求?!

文文極速變臉---jada要整咖哩做阿姨個工人食(?!)，唔出黎喇　: <

『算啦，昨日先見完，都唔係咁想見，又約左阿媽返屋企食飯，已經推左阿媽幾日ga la...』

一收到個電話，都係出黎喇 　: < 　→ 　：D

『喂阿媽，唔返黎食喇．．．』

食左文文一餐，一陣大家識做ga la

睇波，如果無咁大風，個水幕會靚d

睇完波，文文同jada走先，大顆兒去blue bird暴食，份量小(一份 = 一件)，種類都小，時間又小，不過夠平，或許都會幫襯第二次∼

8月21日 星期四

婆婆出殯

8月20日 星期三

返威爾斯上堂，教下洗手，著保護衣，咁又一朝！之後下晝逐個做一次俾個tutor，ａｒｍ哂就走得！

返屋企，一落車即落狗屎．．．橫風橫雨，成十幾廿人企ｏ係個小小巴士站，遮到上又遮唔到左右，根本就避唔到ｄ乜，最抵死就係---原來有d人係有帶遮的，仲同我地ｏ係度迫．．． = ="||| 　最後，等到細雨小小時，飛奔返屋企

8月19日 星期二

返威爾斯上堂，十點悶到四點半，悶爆．．．

威爾斯宿舍入面間大家樂，效率奇低，食物質素差，一字記之曰：劣！　以後都唔會再幫襯！

8月18日 星期一

暑假以來第一次大同聚..........lunch k食頹飯→食糖水→返歸

剛剛先知原來下星期仲有三日要返學，又要考返CPR，不過已經無得book lab練，仲有一份麻Ｑ煩唔識做的care plan要交．．．．．．灰爆 "|

8月17日 星期日

上近畿家開會+睇貓之報恩

菠蘿水唔飲得ga咩???

8月16日 星期六

交non mean

死人86c，明明寫住5-10分鐘一班車，點知等車等左九個字，火都黎!!!排隊企我前面的兩個人都留下一句粗口就走左......　之後有個乘客做左一樣我想做ｇｅ野------打電話去投訴!!!!!!!!

8月11日 星期一

：D

8月8日 星期五

之前某天，近畿去了醫院看她婆婆，那天，我也去了醫院看我婆婆；

前幾天，她婆婆過身了，今天，我也目送我婆婆去了

8月5日 星期二

悶得發慌之際，有一個等放工的人打個電話來，之後還要陪他買雞！哈！

睇波?! 哈∼唔識睇∼ 都係覺得有d人走黎走去，有個波飛黎飛去∼

晚，收到 tay 老連咁遠的來電，好開心，不過她好像不太開心：| 無論如何，還要留在那裡more than 五星期，加油唷∼：*]

8月2日 星期六

是日活動：蟹仔團(not鴨仔團) 之 行行重行行

原定之行程：山頂凌霄閣

更新之行程：香港九龍加新界　交通公具我搭哂

團友：四位活動忠堅份子 + 痴近畿 +文可汗

領隊：痴笠笠的痴孖筋領隊

上山頂

→信不信由你(蟹賢有protential做其中一個!)

→杜莎夫人蠟像館(杜麗莎夫人蠟像館?!!!!)

→找吃(山頂的麥姐姐都靚d!!!)

→動感影院無開!!!!!!蝕左!!!

→環山徑行左成粒鐘，大家愈行愈快，想快d回到冷氣地方多過欣賞山頂景色，在拉筋之後生根，生根之後又拉筋的文可汗(蒙古大汗 天可汗?!)的領導之下，不斷東征西討，文文汗國的板圖不斷幾何級擴張，漫延至接近籮殺國

→小巴落山，痴近畿 (近畿小子的近畿) 聾左!!

→痴近畿和抽筋大將軍的第一次搭叮叮!!!

→文可汗的第一次去書展，之後立即破產!!! 文文汗國亦隨即不敵冷氣地，所有汗國子民被冷氣鬼殺個清光，文文汗國終告滅亡，文可汗逃回娘家，餘下領隊及四位團友繼續行行重行行

→下一站...旺角吉野家 + 睇mp三

→抽筋大將軍明明有直路唔行，帶領大家兜個大圈，看來他真的支力得抽筋

→坐火車去灣仔 or 上烏老木齊再上黑龍江 (?!!!欲知詳情，請向痴近畿查詢)

→歸家　支力死

8月1日 星期五

返工last day 　　yeah~~~~