11月30日 星期日

昨晚發生的事太多了∼ 說是昨晚，不如說是昨天，或是近來．．． 又通了頂∼ 其實我曾經想過，為什麼每次都要通頂？ 是不想影響日常生活吧∼ 但，隔日通頂，每兩日訓一日的生活，真的不會影響正常生活嗎？ 或許，這早已進駐了我的生活，成為了我生活的一部份，我亦樂此不疲．．．變態！

點解要咁 je
點解唔可以咁呀
你唔覺得好辛苦咩
辛苦，但我鍾意呀
算罷啦∼

白痴!!!

"一個真正的朋友可以威脅你說出來 "

其實我都幾笨，有時有ｄ野只係覺得唔應該隱瞞，所以咪講囉，對唔住，果時真係無考慮過咁多野，無顧及你感受，無想過其實好多野唔講好過講，我唔知會唔會 "後患無窮"，再次拿屎上身．．． 總之就白痴仔啦~~~
白痴仔亂講野都唔係第一次ga la，一番話可以有唔同的 interpretation，自己對號入座啦∼

be there　: )

11月29日 星期六

一早起身，開icq，第一個震驚．．． 唔知點算，唔知可以點， 好亂， 想搵ｄ野做，就去了洗雀籠．．． 洗了兩個幾鐘．．．

之後有第二個震驚，即刻bill 左出去

忙了一天，又無溫書...　明日復明日．．．

我回復正常了　be strong!　: )

11月28日 星期五

都話天使贏左!!!

突然又想通了，只是須要多丁點時間平復心情，多謝你：）

11月27日 星期四

今日"啦屎"一日出醫院，好頹!!!

返1pm~9pm，成３點３先上病房，上病房之前，吃了個豐富的tea，仲玩到傻左！

３點３，一入病房就見到有人搶救中，不過又無做ＣＰＲ(心肺復甦)，大家又唔係好緊張咁，淨係好多醫生護士圍住15號病人，不過又唔知佢地做緊咩，幫佢轉落去深切治療部．．． 就係咁，睇左３個字 ．．．

仲有，１７ｘ個阿伯猛咁話好肚痛頭痛頭暈，痛到面容拗曲，ｄ nurse 又掛住15號，唔理佢，我地除左report 俾nurse 知，話俾 tutor 知，安慰佢，之外都唔知可以點幫佢．．．

之後又扮樹，淨係倒左幾個屎，換左６個屎片，仲換左一包水，執左一張床，嬉戲．．．咁又一日

呀~ 仲有個探病的阿伯 (五六十歲大肚腩大肥佬)，佢個電話 ringtone 竟然係 "是但啦 算數啦 唔煩你喇 你唔愛我啦........." 勁cutie!!!!!!

"啦屎"一日出醫院都係抆屎.....shit......

下次出醫院已經唔會再係這個tutor，又會拆組，仲唔會再見返好人姑娘---anne liu，都有小小小小唔捨得∼不過一諗到下次出醫院係一月∼ = 有一個月唔洗出醫院∼∼yeah~~~~~~

天使贏左!!!

11月26日 星期三
今日"啦屎"一日返ａ(7:30∼15:30) 出醫院，tutor 唔舒服，我地食早晨食到差不多九點先上病房∼正！！！ "啦屎"一個朝早，同ｄ好同學影了一堆 "圍照" ∼

魔鬼! 攪到個樣勁殘!!!

11月25日 星期二

今日又白chi 左．．．
原本今日day off，有個好同學好好心咁叫我返去練lab，點知咁就出事喇．．．　我出左門口去到巴士站先知無帶銀包加鎖匙 ....... 而家先至係11am...... 我屋企七八點先有人ga...... 無錢 無八達通 無咭 無鎖匙... 8個鐘的流浪.........

打電話俾d nursing 同學, 講低我唔返去
之後去了公園同d阿伯一齊out...
--->再求救
--->搵到tay
老遠都走堂返黎接濟我 感動~~ 愛死你~~~
--->之後同佢出了沙田整passport ---> hmv --->食 ---> 商務
--->咁就8個鐘!!!
--->可以歸家了~~ yeah~~~

魔鬼!!!

11月24日 星期一

昨晚 一個電話 ， 好傖促咁即刻call 人去 通宵 k，同時要趕埋份simon...

話說我哩個星期第三次搵人去ｋ囉∼ 永遠都係要 "即慶" 先會去得成!!!

講起都有d唔好意思...... 文文生日，我地去左通宵ｋ，不過無文文份．．．

ｋ的時間過得特別快，尤其係十年無ｋ過，仲未發癲已經夠鐘．．．

６點，為左我唔洗返左屋企一陣就返中大上堂，迫佢地同我食早餐！嘿嘿嘿．．．

７點，見佢地訓哂咁，大家返去啦∼　laalaa 同landly 返 ust，肥健自己歸家，tay 同我去了大學，佢再返屋企，我上山返學。

上了山，去了uc canteen，(我好似第一次去uc can!!!)，原來佢角落頭有ｄ梳化 + 雜誌，個位超舒服 !!! 就咁係果度，無視有大大個閉路電視對到正一正我個位，係度ｌｕｒ左半個鐘先去上堂！

８點半，上堂，派了mid term 的成績 --- mean=76，median=77，mode=77，max=84，我有８１分ga!!!! wahahaaaa~~~ yeah~~~~

１０點半，落堂，落山交功課。有小小野要改，改左再print 再交∼

１１點幾，見到出醫院的好同學，原來一陣２點約好了傾present... 我又無帶present d 料... 死返屋企take + 食飯...

２點，再返中大傾present

4點幾，終於傾完∼　回家開工！打打打．．．

１２點，咁又一日，訓∼

我 好 驚 呀

11月23日 星期日

。

原來大家的interpetation 都唔同
。對於你，這一個圈就好像point form notes一樣，一句sentence 的開始
對於我，是代表"句號"，完結了。

11月22日 星期六

無得出去溫書... =3=

11月21日 星期五

一起身，諗左好耐今日係星期三，星期四，星期五，還是星期六．．．時間觀念須要時間調較．．．

返CU上月會 ---> 美心lunch ---> 去威爾斯上堂 --->唔識路 ---> 小遲到，不過未開始---> lab tour 偷雞不著蝕把米 --->又返CU ---> 上computer lab等interview ---> 等到遲到(死!!) ---> interview --->歸家 --->姐姐返左黎 --->食飯 --->訓覺 --->發夢 : 出醫院果組 我俾人調走左，驚！

11月20日 星期四

出醫院，tutor 一對一咁講professional behaviour，講埋哂ｄ大路野--- 積極ｄ囉... 同ｄ staff 溝通多ｄ囉... 聽到想訓...

11月19日 星期三

昨晚７點幾就訓左喇~~
armarm９點幾先起身tim~~
一次過訓返哂星期六，星期一，同星期二，三晚應該訓的時間~ 爽~

wa~~ 今日出醫院勁精彩呀^^
除左我不嬲都做開果ｄobs ，
仲有派左兩粒藥，
仲有聞氣 ，
仲有睇左兩部新機，
又有打針(橡皮肚!!!)，
抆左5次屎，
仲有個12：1 的病人，
仲仲有睇左兩個牛牛client ( 克雅二氏症，亦即是瘋牛症的client)，
仲仲仲有最尾睇左阿伯插尿喉tim!!!
最重要係又有得早放喎~~ 勁正!!!
等我逐樣講啦~~

take obs = 血壓 + 心跳 + 體溫... 次次出醫院必做的。

派藥 --- mark著個麻煩阿伯，首先，佢食勁多藥 (more than 10隻藥，不過我哩個時間只係派三隻藥，加一個聞氣) ，查藥書都查到想喊，仲要俾tutor 見到我發癲，過黎安撫我( 唉~ prefessional behaviour 又衰左!!!) ；

查哂藥書，就要睇下阿伯咩事入院，阿伯個排板又唔知死左去邊，煩！此時，tutor已經過左黎要開始派藥，我仲係第一個... 頂~ 同tutor講我未prepare 好... 咁又衰左!!! 問下ｄ nurse，原來佢個排板放左係另一邊．．．

睇埋佢咩事入院，就要去搵下佢ｄ藥放邊。首先就拉開佢個櫃桶睇下啦∼ 有藥，不過兩包都唔係佢個名，唔係佢既。 再係大圍櫃桶搵，搵唔到．．． 唉~~ 唯有樣衰衰咁去問阿sir (阿sir = 男nurse)，當然又係俾tutor 見到，又一次衰左啦∼ 原來label 上寫了另一個名，樽身先有寫我而家搵緊果個名，頂∼一隻藥幾個名，唔通仲要我一樽樽咁拿上黎搵咩?! 仲有一隻藥就係因為阿伯arm arm 入院，佢ｄ藥未上黎，無得派住．．．

終於prepare 哂可以派喇~~ 有一隻藥佢淨係要食半粒，要cut開粒藥，我又無洗好個 "cut開粒藥的機" 先，又一次俾tutor鬧。

最後，過去俾粒藥阿伯食，個阿伯仲要問我哩ｄ咩藥∼ 大佬，咪玩啦∼ 咪佢食開果ｄ囉∼ 又問我點解而家淨係食兩粒咁少... 麻煩...

聞氣 --- 藥的一種，不過ｄ藥係吸的，好似哮喘果ｄ咁。個阿伯一向都吸開，我淨係提醒佢夠鐘要吸藥。

睇左兩部新機 --- 一部係幫(迫)個病人呼吸的機器，好大部，個病人病住個豬咀mask 要帶到好緊好緊，唔可以漏氣，部機apply d positive pressure，谷ｄ氣入佢個肺。個阿伯成日話入面(氣管)頂住，透唔到氣，成日想借ｄ倚，話要飲水，想除左個mask，又扭計唔肯量血壓，又話自己過唔到今晚...

阿伯床邊仲有另一部機，好似抽油煙機咁，有兩條exactly 好似抽油煙機博出街果條喉咁樣的喉，一條吸佢呼出的空氣，經過處理，由另一氣喉送返出黎！好原始！！！

打針(橡皮肚!!!) --- 個阿伯食緊飯，我問tutor 要唔要等佢食完先，tutor話趕時間，唔等！跟住，又有抽血員要同佢抽血，於是，個阿伯就要食食左飯俾人一路抽血一路打針．．．慘∼

個阿叔幾瘦下，支針要打肚的脂肪層，我就右手meet 起佢層皮 (+脂肪層) ， 左手拿著支針兜野吉落去。點知... 好似卡通片咁 "懂LLL..." 佢個肚好似橡皮咁"un"，支針彈返出黎!!! 得個針頭1mm都唔夠咁"的"住小小皮...(支針咀有半吋長!!!)... 我想抽返支針出黎再打過，tutor叫我唔好，咁我又再兜野銳入去，打∼ 痛死佢!!!

抆左5次屎 --- 第一次在這個病房換屎片，要著哂保護衣 + 浴帽 + 眼罩 + 雙重手套。仲要係得我同另一個同學，無nurse / 阿嬸 / tutor supervise ，都真係身一次!!! 換屎片，勁支力!!!　真係勁支力！　真係會back pain ！ 有兩個病人好死重，又唔合作，不但整到床單都污糟埋，仲攪到扯爛左一塊片!!! 無咩責任心不過好環保的我地決定不顧而去!!!

12：1 client --- 今日有個client (client = 病人) 入黎，俾人用皮帶綁住哂手手腳腳 在床上(SM乎?!) 。平時只係用布only，佢要用皮帶！ 仲有一大群阿sir miss (男護士---阿sir，女護士--- miss ) 圍住幫手transfer 佢過床!!! 我仲以為係我地lee d 無鬼用 student 先會一大群人圍一個client!! 正常只係由2個阿嬸攪掂的。咁大陣仗，數下有幾多人先∼∼ 係十二個人落手，再加一個阿嬸stand-by ！！！第一次見咁多人vs一個client!!! 12：1 的Client，一定要睇下佢咩事!!!

佢原本係10C病房的，但今朝走失左，俾人係 和軬村 搵返佢。佢就話自己昨晚俾蛇咬，不過醫生又搵唔到佢有傷口喎!!!　咁佢做咩事入醫院呢？就係要 "alcohol withdrawal" (=誡酒?!) ，仲有佢confusion，有psychi的follow up (精神病?!)...

tutor 仲吩咐我地小心ｄ，小心佢打你，扯你，吐口水．．．　

的確，哩個client 好狂躁，成日啤臭人，又ｅｅ哦哦咁叫人鬆開佢一隻手。

之後佢仲唔知點樣真係鬆左一隻手，俾nurse 發現左，４個miss 一齊去同佢綁返，佢就媽臭ｄ miss!!! miss 就叫我搵阿sir 求救。 我一同學即刻bill 去搵阿sir，ｄ阿sir又唔知死哂去邊，得一個阿sir 同一個miss 傾緊計；咁我唔知點算，就想過隔離病房搵阿sir 幫手啦∼ 亦都係armarm 轉左身的下一秒就醒起---"隔離係女人房，無阿sir ga wor!!!" 於是又急速轉彎，搵左傾緊計的miss 阿 sir 幫手．．．　就係哩個不知所措，慌慌張張，低低能能，急速轉彎的白痴樣，俾同學恥笑．．．

睇插尿喉 --- 又係果個帶住 迫佢呼吸的機器 果個伯伯。 佢話自己痾唔出，"迫尿歸心"(?!)，再唔插，一個鐘之後就會死(?!)∼ 好感激個nurse 同佢插尿喉...　

早走~~~ 最重要就係可以早走!!! 7點幾就放人了∼ 或者 tutor 趕住返屋企睇台慶!!! 精彩的一天就咁完結~~~~

又是1119了∼第四年，唔知大家仲記唔記得．．．

11月17日 星期一

星期六的愉快心情仍然 keep 到今日，

一大早起身返早堂 --- 無所謂∼
去到斜路，勁多人，差幾個人都上唔到87k --- ok fine∼等下一部∼
返到去中大，送校巴車尾 --- 再等囉∼
校巴唔上ＵＣ，要係本部轉車 --- 咁仲好啦∼ 係U Lib print 埋一陣present份稿先上山上堂∼
上左山，入到lecture theatre，佢arm arm 播完帶 (考試會問播帶的內容) --- 算啦∼考試唔答哩題囉∼
present，算ｏｋ啦∼遲放，lunch 得返半個鐘，唔緊要啦∼
下晝又上埋ｄ悶爆的堂，又唔知佢講咩，notes 又亂 --- 唔打緊，左耳入右耳出∼ 我都無媽個 lecturer，無訓覺，自己傾計∼

總之心情靚就大哂∼

PS：有點兒back pain..........

11月16日 星期日

9點幾，離開ｕｓｔ，哩個時候返屋企，都唔知訓唔訓好∼　返到屋企，沖完涼等埋個頭乾，食左陣野，睇左陣電視，上左陣網．．．之後一訓落床，被都未訓暖，我姨媽就帶埋我表姐個女上黎玩白兔．．． 好了∼即係唔洗訓∼

5點返中大傾project...... 昨晚係ust，今晚係中大，只差幾個鐘，兩個山區，兩種完全唔同的心情，兩種完全唔同的感覺．．．愈來愈討厭中大

11月15日 星期六

laalaa 生日快樂~~~~

去了ust bbq，好耐都無係哩個組合咁玩，又係玩低能，玩變態，不過幾開心∼．．．都無成長過．．．笑∼

11月14日 星期五

今日一早返學校pre 一次 下星期一的present，又再一次cheap到dum...... 無野好講...根本佢地就　咩　都　未　做　好，咁pre 咩一次je？ 又要等佢地做埋，星期日再 pre 過．．．

講完present，自己一丁去了computer lab hae，等上堂

上堂，又係個無腦阿嬸，上一次上佢堂，佢唔知點解用唔到部電腦＋projector，將notes 的頭一 part "dum"到勁長，等technitian 黎整；等左成個鐘先有整好，佢又用powerpoint 重頭講過一次，(結果佢係將notes 的第一part 講左３次)；到最尾臨落堂前十分鐘勁快咁飛哂notes 的第二 第三part，勁shit...... 今次上佢堂，唔知係唔係受過教訓，勁飛notes，講得勁快．．．

上完堂，離開了該building，去火車站途中，發現．．．"咦？電話呢？" 即刻返轉頭搵 (其實都無諗過會搵得返，算係盡左小小力啦...)

lecture theatre --- 無
會唔會係computer lab 已經跌左？定係廁所？
上computer lab 搵下，成個 lab 勁多人，心諗：有都俾人執左啦∼
點知，靜雞雞地毯式搜索之下，真係搵到喎！！！　好采我不嬲坐埋ｄ摺位無咩人坐！^^

之後搭巴士返屋企，返到屋企門口先發現．　．　．　無　帶　鎖　匙　．　．　．　．　．　．　．　．　．　．　．　．　．　．
天呀∼∼∼∼∼∼∼∼∼∼∼∼∼∼∼∼∼∼∼∼　我好眼訓呀∼∼我好想返屋企訓覺呀∼∼∼∼∼∼∼　媽呀∼∼∼∼∼∼

始終都要面對現實，係花費超哂標的這一個星期，仲要去買左本雜誌去大媽樂"mou"．．．．．．超眼訓地等了三個幾鐘．．．

小魔鬼!

11月13日 星期四

今日一早出醫院，唔係返ｐ(１ｐｍ∼９ｐｍ），係返９ａｍ∼５ｐｍ，去醫院的中央消毒及供應部( CSSD---Central Sterile & Supply Dept) 同埋 糖尿病中心 (DM clinic) visit。　無啦啦要早４個鐘起身．．．當然係唔知醒，８點先起身，又要飛的．．．又破費．．．

俾錢的時候，原來我無散紙，得廿雞，俾張五百佢唔收，要我數銀仔俾佢，勁樣衰．．．之後司機話$40算啦∼ 但我倒哂ｄ散銀俾佢先得 $38.5，司機無奈之下都要俾我落車∼　爆樣衰！！！　(臨落車，司機仲叫我執齊野唔好漏低，其實個司機都幾好人．．．)

去CSSD，個黃sir(佢叫黃金海)好好人，佢break 果時原本俾左ｄ資料板我地睇，大家都好悶，無咩心機睇，之後佢就派左ｄ nurse association 的會訊俾我地睇。我地發現原來會員價買野好抵(成班師奶仔!!!)，睇到好雀躍，不過又唔知我地可唔可以做會員，傾傾下，阿黃sir 過黎，話同我地問下，大家以為佢講下啦∼點知佢真係打電話去問！！！笑∼

之後有得玩 好似益力多個錫紙封口的封口機，啤膠袋，紙袋封口，貼expiry date 的機 (=超級市場貼價錢牌的機)，好玩好玩 ^^

下晝去DM clinic visit，一開始就睇帶，我完全訓著左．．．

睇完帶大家圍埋去張"木台"聽個DM nurse 講書，悶爆，無視坐個位對正個nurse，勁吊魚... 之後佢拿左d 糖出黎，有糖食先精神ｄ∼厚顏無恥咁食左３粒！

11月12日 星期三

今日一早出醫院，exchange 左過去女病房，第一次打針！

除了打了一支針，就係倒了３次尿，睇人地換屎片

多做多錯，小做小錯，唔做就唔會錯，的確有道理！今日咩都無做，tutor 都無留意過我，無俾佢鬧，yeah~~~~

11月8日 星期六

今日一早返學校做project，忙了一朝；之後，想去買禮物 (唉~~~ 大家的生日高峰期又開始了~~~) ，逛了好久，禮物買不到，卻睇中了禮物給自己．．．不過，哩排消費超哂標，再買真係連聖誕節都挨唔到．．．嗯∼都係過左年，如果仲想買先買∼

11月7日 星期五

今朝12noon前要返去交care plan，因為屋企個死人printer 又唔知做咩死左，開唔到power，咁就預早左小小(兩個鐘?!!)，10點返去。

好彩預早左兩個鐘，如果唔係就咁燒焦！

返到去ELB computer lab，唔知做咩，試哂所有log in id X password，試左三部電腦都log in 唔到，shit ！！！

走左去cc lib，點知部部電腦都俾人occupy哂，shit... 呆等左一陣，有人行開就 bill 埋去，點知部腦無word (我有dd野想改) ...... 又再呆等第二部腦...... 今次無事，終於print到，不過已經係 11 : 30，再行返過ELB交...

無奈，我唔知tutor 間房係邊，由８樓逐層搵返落６樓先搵到tutor間房...

如果我唔係預早左兩個鐘，點算．．．

11月6日 星期四

今日返a (7:30am~ 3:30pm) ，做小組長，睇有咩藥可以派的時候，睇漏左一粒，又俾tutor鬧...... 原本安排到人人都可以派藥，點知有兩個病人走左，無得派，又全日hae∼ 唔做唔錯，全日淨係俾tutor鬧左一次∼ yeah~~

返屋企繼續做care plan，夜晚仲得閒做勞作tim∼ 考試考得我咁得閒，相信都無幾個∼

11月5日 星期三

今日返p (1pm~9pm) ，要考care plan

care plan ：出醫院揀一個病人，同佢傾計，問佢勁多料，從中套料，搵佢有咩 "nursing diagnosis" (大約等於 health problems， 例如太肥/太瘦 / 唔食野 / 照顧唔到自己 / 便秘 / 成日訓唔著 / 好驚做手術...)，之後就可以返屋企砌個 "careplan" 出黎，去解決佢d problems，仲要每一樣野都要搵 literature support ， 星期五12noon之前交。

原本我想搵一個COPD的阿伯傾計，COPD係一種呼吸道的病，咁唔洗問，一定係行幾步又會喘氣，要人照顧... 咁上下ga la~ 掂!!! 點知佢refuse我... 唔肯同我傾計... 唉∼hurt 爆！　咁arm佢對面床的阿伯又望住我，嗯∼見佢咁有興趣，就搵佢啦∼

於是，今日成日就係同個糖尿阿伯( DM阿伯) 傾計，個阿伯好busy ga，又要同我傾計，又有營養師同佢傾計教佢控制飲食，又有DM nurse (專負責糖尿病的nurse)約佢教打針... 我同佢傾計的幾個鐘內，俾人interupt 左幾次...

個DM阿伯好得意ga，佢識講英文！佢仲話，佢覺得最難的一個英文係Peninsula hotel!!! 不過或者佢唔鍾意 "執二攤"，有ｄ野佢同營養師 / DM nurse 講，唔同我講，不過又俾我偷聽到喎！

傾左幾個鐘，咁又一日，返到屋企即刻開波... 極速頹做左3個鐘左右，1點幾就已經ｋｏ兩個care plan的八成∼ yeah~~ (人地個個都做通頂ga~)

11月3日 星期一

今日，做project竟然唔記得帶file，返左學校，上左兩堂之後，要仆返屋企�哄A再加個順便去買未買物資，再仆返學校．．．苦∼只怪自己唔記得帶file...

lunch，照舊跟隊去cell，今次講到要及時感恩，其實得罪講句，聖經成日都提醒人要感恩，要記住神的恩典；我覺得，咁同死肥楷有咩分別？ 俾大家在學校燒野食已經係恩典，大家要識得感恩，好多野唔係老馮俾你，佢可以咩都收返．．．　如果說，這種感恩之心要發自內心，可以改善大家的關係；那豈不是很虛偽？！　

我記得 "不要怕，只要信"；我記得"神不是叫人混亂、乃是叫人安靜"；但十誡的 "除了我以外，不可有別的神" ，仲有那個最後審判．．．這不是很自私，很霸道嗎？我記得 "愛是不輕易發怒，愛是不計算人的惡 "，如果根本就不重視�瞗A為何要計算，要發怒，要唔開心，來懲罰自己？是不是如果輕易發怒，又計算人的惡，那即是不愛了？

又如果，根本一切所有事都是神的安排，那麼信與不信，愛與不愛，都是衪的安排，我們還在做什麼？ 一切都在受衪的擺佈，還可以做些什麼？ 在有限的能力範圍之內try our best ？ 那什麼是我們可以控制的"能力範圍" ？我們只能求主安排我們一條比較平坦易走的路？忍辱負重，服從聖經的話，避免開罪主，希望在最後審判有個好結果？

我記得"若有人不愛主、這人可詛可咒"．．．好可怕！

思考了好一陣，結論：
要愛就不要問！信就夠了∼

始終一天，衪會讓你明白。

如果輕易發怒，那代表我重視你，但不愛你了

11月2日 星期日

上星期日原定出馬鞍山 / 沙田的某老人院visit，我group 就打算一齊join，順便當組聚。不過，佢地有小規模流感爆發，唔俾我地去，就咁延期了一星期，今日再去過取。 點知，原來今日唔係去馬鞍山 / 沙田，係出九龍塘的老人院 (我都係昨晚先知係去老年咁遠) ．．． 大家即刻勁唔想去！咁遠∼　大家就為自己擠出種種藉口唔去。 最後，得返 我 同另兩個比較有良心的組mate (仲要其中一個遲黎早走) ，明知佢地唔夠人，十萬個唔想都出席．．． 結果，year 1 2 3 加埋莊員，都有三十人，叫做咁上下啦∼ =_="|||

去到，間老人院在南山村，係公共屋村的一棟樓的其中兩層 (成個floor)，都幾大！分開好多間房，好好好多人！

咁出去老人院visit 做咩呢？ 我都係今日先知，係同百幾個公公婆婆做身體檢查：量血壓、脈搏、身高、體重、ＢＭＩ、測脂、血糖，就係咁。 我負責量血壓 + 脈搏，我諗我同左廿幾個公公婆婆量血壓......而家已經做左熟手技工．．．

話咁快，兩個半鐘的visit 就完了，比我想像中多野做，比我想像中無咁無聊。ｄ公公婆婆好似十世無人同佢地傾計咁，一有人同佢地講下野就鬼咁開心，有個婆婆未度過血糖 (方法：用支野吉佢手指，滴一滴血落部血糖機) ，好驚會好痛，又怕怕羞羞咁，ｄ老人家真係幾似細路．．．

visit完，返屋企，原來我姨媽帶左我兩個表姐個女上我屋企玩兔仔，兩個靚妹仔(兩個都讀幼稚園)，不嬲都唔係好show我，今日細果個(希希b)唔知做咩成日lur我玩，又爬樹，又走黎走去，攪笑∼　仲記得我一直都以為希希b係男仔，直至上年．．．笑∼相信我小時候都經常咁樣被人誤會．．．

11月1日 星期六

今日做左ｄ有意義既野 --- 座談會中的頹爆人肉佈景，充撐場面，俾人怒影。

今日一早九點返學校聽talk，係昨天唔知點解係無意識之下報名的。老實說，我都唔知係聽咩．．． 返左去，原來係講兒童家居陷阱 (child injury) 的座談會，有d doctor，心理學家... 上台講佢地攪左兩個promote 兒童安全的計畫，悶爆！佢個座談會的對象根本就唔係我地班 student nurses．．．我好樣衰咁坐第三行對正講者個位，訓著左zZZ

之後break，有茶點，我地成班死靚妹圍哂圈咁係度怒食，真係有點失禮！

break完，有ｄ義工上台分享，都叫做無咁悶。之後，佢同我地分組上課室discussion．．． 我果group 成 group 都係 student nurses，個工作人員想我地問問題，大家呆左，deadair，之後又係佢係度吹水，頹爆．．．

你想點咪點囉，我不嬲都咁無所謂ga la
你贏哂，ｏｋ？