愛．情

＊＊　第九集　＊＊

第二日番學．．．．

一夫：點解今日涼平同龍一又咁遲既？

奈村：肯定琴日玩得太開心！今朝唔知醒起身啦！

一夫（咩都唔知）：你地琴日去左玩咩？做咩唔叫埋我呀？

鈴（幫奈村）：唔係呀！係琴晚我地打電話比佢地兩個，知佢地同左朋友去玩咋嘛！

一夫：哦．．．咁我地仲等唔等佢呀？？

涼平（跑到過黎）：對唔住呀！我地又遲到啦！不過今次唔關我事架！

龍一（怒睥涼平）：言下之意．．即係話關我事啦？

涼平（扮細聲）：龍一今日都唔知做乜！成個女仔咁姿整，唔知比邊個睇呢？

奈村：哈哈！龍一！你係咪睇中我地班邊個女仔呢？講出黎等我幫下手囉！

鈴（乘機打探下）：係囉！你講左出黎，可能我地幫到你呢！

龍一（好惡）：你地咪理啦！快ｄ行啦！陣間遲左唔好又話關我事呀！

上堂既時候．．．．

龍一（心諗）：唔通我鍾意左佢？無理由呀！我地咩都發生過！點會鍾意呀？

涼平（心諗）：唔知奈村對我有咩感覺呢？點可以令到佢不自覺講出黎呢？

鈴（心諗）：最衰岩岩龍一唔講對邊個有意思啦！攪到我而家要自己估估下！

奈村（心諗）：如果涼平問我鍾意邊個？我應唔應該答係佢呢？好似好放開咁喎！

四個一齊：唉．．．．．．．．（對望，不知所措）

一夫：你地四個做咩咁齊既？係咪有ｄ咩事呢？

涼平：你又咁八卦啦！聽書啦！陣間我地會問番你，你唔識答就知死呀！

奈村（凝望住涼平）：點解．．．你仲唔講出黎喎？

鈴：你想我講咩出黎呀？（見到奈村望住涼平）做咩呀？涼平同你示愛呀？

奈村（好失望）：係就好啦！可惜佢遲遲都唔講！唔通要我女仔開口先咩？

鈴：不如，我幫你問下佢啦！可能佢唔係對住自己鍾意既人，會講多ｄ架！

奈村（好沮喪）：你覺得佢真係鍾意我咩？點解我一ｄ都唔覺既？

小息．．．．

涼平：龍一，落去食野啦！好肚餓呀！

鈴（拉住涼平）：我同你一齊落去！龍一！你留係度陪奈村啦！再見！

龍一：喂．．．點解要我留低喎！！（愈講愈細聲）又唔見你留低陪我？

涼平：鈴，有咩事搵得我咁急呀？

鈴（好凝重）：奈村同我講，話有日見到你同個女仔拖住行街呀！你拍緊拖呀？

涼平（好大反應）：佢幾時見到呀？我梗係冇拍拖啦！你叫奈村千其唔好亂諗野喎！

鈴：咁你同人地講清楚啦嘛！奈村以為你拍緊拖，幾唔開心呀！幾日冇食野啦．．．

涼平：佢幾日唔食野？佢做咩咁傻呀？唔得啦！咁佢會頂唔順架喎！

鈴：你係鍾意人先好關心人喎！有誤會就唔係咁好啦！你明我講咩架啦！

涼平（面紅）：你意思即係話．．．奈村佢．．．咩．．我！

鈴（奸笑）：唔係我講架！係你自己估到架咋！唔好係奈村面前，亂咁講野得架啦！

另一面，係課室．．．．

奈村（好諤然）：咩話．．．．．你．．．．

龍一：細聲ｄ！我見你咩都話我知你！我先講你知！我仲未確定到！你唔好同佢講住呀！

奈村：你又會擔心佢！見到佢個心又跳得特別快喎！你有咁既感覺就一定係啦！

龍一（好疑惑）：係咪架？講到似層層咁！如果佢唔鍾意我咪好瘀！

奈村：我幫你向鈴度打探下咪得囉！記得請我食飯喎！！