愛．情

＊＊　第三集　＊＊

鈴（因為仲好嬲，所以完全唔識驚）：你地好！我叫神樂鈴！請多多指教！

奈村（望到Miss望住自己，都好識做）：我叫櫻希奈村！請多多指教！

龍一：涼平，你望下果個櫻希奈村個款同你一樣．．．．

涼平：同我一樣咩呀？

龍一：都係怕羞草一族囉！講野含情脈脈咁．．．真係好笑！！！！

涼平（好緊張）：你咪亂咁講野啦！我而家已經緊張到死啦！

班主任：大家都介紹得差唔多啦！你地兩位呢？（望住龍一同涼平）

龍一：咁多位你地好！我叫緒方龍一！

涼平（口震震咁）：我叫．．．千葉涼平！大家好！（面都紅埋）

鈴（心情平伏番）：你聽唔聽到呀！叫龍一！佢ｄ阿哥細路梗係叫龍二，龍三啦！

奈村：果個千葉涼平夠係啦！諗左勁耐先講名出黎！好似唔記得左自己個名咁讀咁！

班主任：好啦！由聽日開始就會正式上堂架啦！各位同學記得帶齊書喎！落堂啦！

一夫：係呢！緒方同學，千葉同學！你地住邊架？？

涼平（指住某一座樓）：我同龍一都係住果度架！你呢？

一夫：真係岩啦！我住你地隔離果座架咋喎！！不如以後一齊番學啦？

龍一（心諗：唔係呀嘛？）：唔好啦！我地成日都會遲到架！費事連累你啦！

一夫：我仲以為係咩事！緒方同學，你真係識得照顧人啦！以後我叫你地起身咪得囉！

鈴（忍唔住大笑）：哈哈！（心諗：佢地兩個真係唔好彩囉！！）

一夫：神樂同學，你笑得咁開心！一定有好好笑既野啦！不如講出黎分享下？

鈴（呆左．．．）：其實我諗起我媽咪講ｄ野咋嘛！冇咩好分享架！我走先啦！再見！

涼平（細細聲）：趁佢唔為意，仲唔走！快ｄ啦！

一夫：緒方同學，千葉同學！你地兩個走得咁快既？咁我都唔阻你地咁耐！約定啦喎！

龍一（好大聲）：約定咩呀？

一夫：一齊番學囉！陣間再約時間，地點呀！！唔阻你地啦！再見．．．

涼平（埋怨）：叫左你行快ｄ架啦！而家要同佢一齊番學啦！真係麻煩呀！

奈村（見到鈴笑得好奸）：鈴，你冇事呀嘛？笑到咁衰既？

鈴：事源係咁既．．．山田同學仔呢．．．．．（一五一十講埋出黎）

奈村：你真係衰呀！好心你就幫下人地啦！下次搵埋你就大鑊啦！

鈴：幫佢地？而家有親咩？佢試下話約埋我地一齊番學呀！我即刻轉校呀！！

一夫（唔知幾時出現左）：神樂同學，櫻希同學，我岩岩有事想搵你地呀！

奈村：唔係呀嘛？我地而家唔係好得閒呀！因為想落去打個電話！有咩搵日講啦！

一夫（出於關心）：點解個電話打得咁急既？冇咩事呀嘛？

鈴（愈跑愈快）：冇事架！多謝關心！！再見！！

奈村：你而家係咪找死呀？陣間如果佢約我地一齊番學，你搵藉口推呀！

番到上課室．．．

一夫：係呢！不如我地以後同埋千葉同學，緒方同學一齊番學啦！

鈴（好順口）：完全唔係問題呀！！一於咁話啦！

奈村（好大反應）：咩話？鈴，你有冇諗清楚先答呀？？你係咪聽唔到佢問咩呀？

鈴（細細聲）：橫掂我又諗唔到咩藉口推，唯有接受左佢囉！

奈村：你個死人頭．．．拉埋我落水！！我實唔放過你架！

到左第一日約埋一齊番學．．．．

一夫：我今日真係好開心呀！因為可以識到咁多新朋友！仲一齊番學添！

龍一（無奈）：都唔知咁多人一齊番學做乜！好似示威咁都唔知想點！