愛．情

＊＊　第四集　＊＊

一夫：係呢！神樂同學，櫻希同學，千葉同學，緒方同學，你地大家互相認識下啦！

鈴：（心諗：真係得閒冇野做咩？？互相認識！駛唔駛行出黎轉個圈呀？）

一夫：千葉同學，你地係男仔，不如就介紹下自己先啦！

涼平：我叫千葉涼平，佢係緒方龍一！點稱呼呀？（望住鈴同埋奈村）

奈村：我叫櫻希奈村！佢叫神樂鈴！以後請多多指教啦！

一夫：真係好啦！神樂同學，櫻希同學，千葉同學，緒方同學又可以成為朋友啦！

龍一：同學！其實你可以直接叫我地個名得架啦！唔駛咁拘謹架！

一夫：真係既！咁我就唔客氣啦！你地都可以叫我做一夫得架啦！

奈村：你都可以叫我地個名架！唔係下下叫到咁長呀嘛！

一夫：鈴，點解你唔出聲既？係唔係唔舒服呀？

鈴（諗起以後要一齊番學）：我今日喉嚨唔舒服咋嘛．．你唔駛理我架啦！繼續啦！

涼平：一夫！你平時有咩嗜好咁架呢？打機？上網？傾電話？行街？

一夫：我有時間鍾意睇下書！去下圖書館行下咁囉！買ｄ參考書睇咁囉！

龍一（呆左）：唔係呀嘛？你有冇ｄ嗜好係離開本書架呢？

一夫（諗左好耐）：真係唔好意思啦！冇．．．．

奈村：是但啦！嗜好係好個人架嘛！咁龍一你又有咩嗜好咁呢？

龍一：我同涼平一樣，都係打下機！行下街！彈下結他咁囉！你地兩個呢？

奈村：都係個幾樣架啦！行街！買衫！扮靚囉！

一夫：唔怪之得，鈴同奈村都咁靚女啦！哈哈哈．．．（得佢自己一個笑）

涼平：其實．．．我地應該行快ｄ架啦！如果唔係就遲到架啦！

番到學校，果個無聊同學甲突然向住全班大嗌．．．

同學甲（吹晒口哨）：估唔到番學唔夠一個禮拜，就造就左兩對情侶啦喎！

一夫（仲問）：唔好意思！我想問下你係咪講緊我地呢？

龍一（頂佢唔順）：你仲問佢？？你係咪傻傻地架？

同學甲（突然搭住龍一膊頭）：喂！你而家同緊邊個一齊呀？講出黎分享下好喎！

龍一：你覺唔覺得自己成個八婆咁呀？縮開你隻手啦！而家好熟呀？

同學甲（好冇癮）：你唔想公開，我唔會迫你囉！唔駛咁串呀？

涼平：龍一，唔好同ｄ無聊人講野啦！番過黎坐！

奈村：好心佢啦！又係度扮好笑，上次未比Miss瘀夠咩？真係樣衰！

鈴：我地咪睇下佢幾時比人瘀到無地自容！跟住將個頭撞埋柱，死鬼左佢囉！

奈村：撞埋柱死得咩？有冇第二個死得痛快ｄ既方法呀？

上堂既時候，龍一，涼平，奈村，鈴，各自遊魂．．．．

奈村：鈴，我知道你係度諗緊ｄ乜！

鈴：你幾時咁醒架？講出黎睇下岩唔岩！

奈村：見你好似精神分裂咁！無端端笑完又唁開心！仲唔係諗番之前個男朋友咩！！

鈴：你就精神分裂！完全估錯晒！我諗緊我下一段戀情會係邊度開始！

涼平：龍一！你係本書度玩乜野呀？睇下你．．．畫到花晒啦！

龍一：冇錢．．．真係好痛苦！見到心愛既野都得唔到．．．

涼平：想得到都唔係好難咋嘛！打劫囉！最多我幫你睇水啦！

龍一：你想死就講多次啦！我諗起日日都要同一夫番學就大鑊啦！

涼平：好在有兩個似樣少少既人陪我地受苦咋！

龍一：不過果兩個都好似唔係咁願意如我地講野喎！實行悶死都得啦！

涼平：而家唔熟咋嘛！遲ｄ熟絡左，就唔會咁悶架啦！忍耐下啦！！