愛．情

＊＊　第五集　＊＊

時間過得好快，就算佢地四個幾唔鍾意一夫都好！都已經熟絡左！一夫仲改變左好多添．．

龍一（好雀躍）：估唔到我地識左一個月，大家都熟晒啦喎！

涼平：你都識個成個月啦！煲粥都爛晒囉！我地好似未試過一齊出去玩喎！

奈村：講開都好似係喎！咁有冇咩好去地方係又玩得又食得架呢？

鈴：我聽過人講過有個好好玩既嘉年華會，入面有好多機動遊戲架！

龍一（好有目標）：咁我地就去呢度啦！等我今晚番屋企上網睇下係邊先！！

涼平：平時又唔見你咁快手！一講到玩，就連自己姓乜都唔記得啦！

奈村：好啦！咁暫定去呢度玩啦！！諗起都開心呀！

第二日．．．．

龍一（好趕）：我上網睇過啦！個遊樂場好多野玩架！又唔係貴喎！係一流既地方！

涼平：你唔好賣晒廣告咁啦！你都仲未講係邊度？

奈村：真係頂佢唔順啦！平時MISS叫佢答問題個陣，又唔見佢咁流暢喎！

龍一：好近架咋．．．係．．．．．

放學．．．．

龍一：涼平！你知唔知呀！果度有個全世界最恐怖既過山車！我一定要試下玩呀！！

涼平（好無奈）：哎呀！你煩唔煩架！你由番學講到放學啦！而家未去都攪成咁啦！

龍一：你都識講我地都未去！梗係多幻想Ｄ架啦嘛！你要體諒下我架！記住要帶相機添呀！

奈村：你地睇下龍一，而家開心成咁！如果同佢講我地唔去會點呀啦？

鈴：好簡單！用兩個字去形容．．．就係＜大鑊＞！我講我地呀！

涼平：哈哈！係呀！龍一實會勁問點解啦！纏住我地唔放過我地，直至我地去番為止啦！

各自番到屋企，鈴沖好晒涼一打開電視，睇到遊樂場既廣告片段．．．．

＜廣告＞一個夢寐以求既遊樂地方，有刺激的機動遊戲，適合好動既你！亦都有多個海洋館，適合好靜既你！遊樂場更建築在海旁邊，有迷人的景色！適合甜甜蜜蜜的情侶在此談下心！浪漫得黎又夠溫馨！

（鈴睇到呢段，不自然幻想起來）＜係夕陽映照下，鈴同龍一慢步海旁＞

龍一：識到你，真係我一生中最幸福既事！如果你可以比我照顧你一生一世的話！就簡直係我前幾世修落既福氣！請問你介唔介意比我呢個傻佬照顧你一生一世呢？

鈴（含情脈脈）：你．．．你叫人地點答喎！！你好衰架！！

龍一（用情深款款既眼神望住）：你知要答願意唔願意，我希望你答願意．．．

鈴（怕羞）：你問到出晒口啦！咁願意囉．．．

＜返回現實，鈴感覺到自己全身發熱＞

鈴（好大反應）：撞鬼囉！個男主角點解會係佢架？痴線！肯定唔夠訓，懵懵地！！（電話響）喂？？奈村！

奈村（電話中）：你做咩咁燥呀？邊個激親你呢？

鈴：冇．．．岩岩撞親個頭咋嘛！你打電話比我有咩事呀？

奈村：冇呀！涼平叫我話比你聽今個星期日，下晝一點鐘係路口等喎！我同你約埋一齊啦！

鈴：好．．．我地真係去果度玩呀？

奈村（好奇怪）：你做咩呀？之前你都話好想去玩架喎！做咩呀？而家唔想去啦咩？

鈴：唔係．．．不過我．．．都係冇事啦！你個日著咩衫呀？

奈村：涼平話我著粉紅色衫好睇喎！咁我諗住著粉紅色個件恤衫囉！你呢？

鈴（奸笑）：你做咩開口埋口都叫住涼平個名呀？你曳曳啦！鍾意人呀？

奈村（口都震埋）：你講咩呀？我幾時有提住佢個名喎？擺明就係你聽錯，之後屈我啦！

鈴：我屈你？你個死妹釘！鍾意人都唔同我講呀？你好坦白啦！如果唔係我話比涼平聽！