愛．情

＊＊　第六集　＊＊

第二日番學，鈴仍然問緊奈村究竟係咪鍾意涼平．．．．

鈴：講呀！你仲唔講我陣間同涼平講架啦！

一夫：早晨！！你地兩個講咩咁開心既？講出稷分享下好喎！

奈村（好怕羞）：冇呀！我地咩都冇講到呀！你幾時又變番咁八卦架？

一夫：唔問囉！點解今日涼平同龍一都咁遲既？好少架喎！！

鈴（細細聲）：涼平遲到喎！係咪你琴日掛住同佢傾電話唔比佢訓覺呢？

奈村：你今日梗係唔記得食藥啦？係喎！我唔記得左帶你去覆診添！！

龍一（離遠跑過黎）：唔．．．唔好意思！遲到添！

涼平：係啦！今日我地兩個個鬧鐘都唔識響！攪到唔知醒添！快ｄ番學啦！

龍一（突然行黎，細細聲）：鈴，涼平有冇打電話比你，叫你星期日去遊樂場呀？

鈴（唔敢望住龍一）：有．．．奈村打左電話比我架啦！

龍一：咁就好啦！我諗我地要行快ｄ啦！如果唔係就集體遲到架啦！

上堂既時候，鈴竟然發覺自己不自覺偷望龍一．．．．

鈴（心諗：神樂鈴，你望咩呀？你知唔知自己係度做緊咩呀？清醒ｄ啦！）

奈村（見到鈴皺起眉頭）：鈴，做咩事呀？你唔舒服呀？

鈴：我冇事呀！我個樣似唔舒服咩？？

龍一（見到涼平發呆）：涼平！好少見你唔聽書架喎！！做咩呀？有心事？

涼平：我．．．我冇事呀！你覺得我地個班邊個最靚呀？

龍一：涼平！你衰衰啦！你咁問就証明左你鍾意左人啦？

涼平（甜笑）：好兄弟！咁你咁醒．．估下我．．咩呀！

龍一（周圍望）：我估個幸運兒係．．．．（好大聲）奈村！！（全班注視）

奈村（瞪大隻眼）：邊個咁大聲叫我個名呀？

鈴：好似．．．係龍一叫你個名．．．

班主任：發生咩事呀？留心ｄ聽書呀！大家打開第二十六頁呀！

涼平（怒睥）：你再大聲ｄ啦笨！行過去講埋比隔離班聽啦！

龍一（好驚）：對唔住．．．咁你鍾意佢ｄ咩呢？

涼平（變番個甜樣）：鍾意佢．．．．靚囉！溫柔囉！哈哈！

龍一：得啦！得啦！咁星期日，我同鈴都唔應該去啦！比你地兩個二人世界！

涼平（好激動）：你咪咁做添呀！嚇親奈村你就死比我睇呀！！

佢地講下講下又到小息啦．．．．．

奈村（見到涼平，面紅）：咁岩既？你落黎食野呀？

龍一（搞事）：唔係！佢見到你都飽啦！駛乜食呀？

涼平（好大力打落龍一度）：龍一！你愈來愈識講笑喎！真係．．（細細聲）想死！

鈴（拉龍一埋一邊）：緒方龍一，咁得閒，陪我買野飲啦！

龍一：唔阻你地啦！！再見！！（向涼平打眼色，做口形）比心機！支持你！

鈴（羨慕奈村，無心機）：星期日，我唔去啦！

龍一（好諤然）：點解呀？講好左架嘛！做咩無那那又唔去呀？

鈴：咁我唔舒服呀嘛！你地去咪得囉！影多ｄ相番黎啦！

龍一（好惡）：乜你咁架？之前又話會去！而家又講唔去！你一時一樣架！

鈴（好大聲）：做咩喎！我而家唔舒服都要迫人地去！你都幾變態架喎！

涼平（聽到鈴同龍一嗌交）：佢地兩個無那那做咩嗌交呀？奈村，過去睇下啦！

奈村（安撫鈴）：做咩事呀？你地岩岩先傾得好地地！嗌咩交呢？

龍一：佢無端端話星期日唔去喎！咁約好晒架嘛！！而家係咪佢唔岩先？