愛．情

＊＊　第七集　＊＊

番到上課室，龍一同鈴仲嗌緊交．．．．

奈村：你做咩無那那話唔去呀？唔係講左話去架咩？

鈴：我唔舒服呀！唔通唔舒服都去玩咩？根本就係佢無理取鬧！

涼平：人地唔舒服，你咪就下人地囉！做咩咁嬲呢？

龍一：佢無端端甩底，仲要大聲過我喎！！佢好聲好氣，我都冇咁嬲呀！

放學，龍一同鈴大家再見都唔講就各自番屋企，涼平，奈村慘成為夾心人．．．．

鈴（心諗）：我都未見過呢男仔咁冇品架！乞人憎到死！

龍一：都唔知有冇攪錯架！明知我想去架啦！都唔知係專登！

經過幾日既冷戰，今日已經係星期六，聽日就係到去遊樂場既日子．．．

涼平（電話中）：咁點呀？佢地兩個而家咁僵！聽日點算呢？

奈村：係啦！我打電話比鈴，話叫佢想玩！佢都話如果龍一去，佢就唔去呀！

涼平（煩惱）：龍一，夠係咁話啦！兩個口硬心軟！

奈村：不如我地呃佢地兩個話對方唔去呀！之後佢地兩個見到面再講清楚囉！好冇？

涼平：呢個方法行唔通喎！如果比龍一同鈴知道我地呃佢地！肯會嬲埋我地架！

奈村：咁唔係點喎！（手提電話響）等陣！我電話響．．（睇清楚）係鈴．．

涼平：咁你快ｄ同佢講！睇下佢咩事啦！陣間再打電話比我！再見！

奈村：喂？鈴？？你做咩唔出聲呀？？係唔係有咩事呀？

鈴（好尷尬）：我聽日去喎．．．．

奈村（好驚訝）：你講真架？好呀！記得著靚ｄ！因為我地去到要影好多相架！

鈴：咁原定時間係個度等啦！聽日見！（收左線）神樂鈴！你自己又想玩！同咩人地嗌交呀？而家係呼瘀爆呀？聽日比龍一串，你唔好出聲添！

奈村（打電話比涼平）：天大既好消息！鈴岩岩話去啦喎！實在太好啦！

涼平：真係架？咁等我打電話比龍一先！陣間搵你啦！

龍一（訓緊覺）：喂？涼平？做咩事呀？

涼平：你而家清醒未架？我有個好開心既消息話你聽！！

龍一（醒晒）：咩好消息？我知啦！肯定係奈村肯做你女朋友！恭喜晒喎！

涼平：你咁講得就証明你清醒啦！鈴話聽日佢都會去呀！

龍一（不屑）：咁又點呀？我講過佢去，我就唔去架啦！

涼平：好心你就唔好咁小氣啦！人地女仔黎架嘛！你咪就下人地囉！

龍一（理直氣壯）：佢係女仔就要就佢？而家即係歧視我地ｄ男仔咋？

涼平：龍一！你唔好扮晒野呀！我知你都好想去玩架！你落唔到台咋嘛！

龍一（比人講中晒）：咩．．．咩落唔到台呀？去咪去囉！怕佢咩呀？

星期日當日，鈴晨早就起左身，諗緊陣間點面對龍一，又驚自己忍唔住度氣．．．

鈴（對住塊鏡）：神樂鈴！你聽住！今日都係少講野為妙啦！龍一串你！忍住呀！

門鐘響．．．．．

奈村（係門口）：鈴？奈村呀！你得未呀？就係夠鐘架啦！你係上面做咩呀？

鈴（扮鎮定）：我一早攪掂好晒啦！等緊你黎接我呀嘛！

涼平（離遠見到鈴同奈村）：陣間好聲好氣ｄ呀！唔好一見到人，就鬧人呀！

龍一：得啦！你由出門口到而家講左千幾次啦！我會好冷靜架啦！得未？

涼平：奈村，鈴，早晨！（撞龍一）

龍一（望住鈴）：早晨喎！冇唔舒服啦咩？

涼平（呆左）：龍一，係想關心下你架咋！而家好番咪好囉！

◆BACK          ◆NEXT