愛．情

＊＊　第八集　＊＊

去遊樂場既途中，四個都好少出聲，因為驚講錯野，終於到達目的地．．．

鈴（忍唔住）：個遊樂場好正呀！！我地玩咩先好呢？？

奈村（見到鈴回復正常）：不如我地拎左張地圖先啦！再慢慢睇下玩咩先！

涼平（周圍望）：個邊有詢問處，去問下囉！！（同奈村行左去）

龍一（同鈴對望）：你．真係冇唔舒服呀嘛？我唔係串你呀！唔好誤會我！

鈴：我冇事啦！多謝關心！你最想玩邊樣機動遊戲呀？？

龍一（一講到玩，就好雀躍）：我最想玩，就梗係最世界最恐怖既過山車啦！

涼平（見到鈴同龍一傾得咁投契）：我睇佢地真係冇事啦！你睇下佢地講得幾開心！

奈村：係呀！我幾驚今日去唔成呀？我想黎左好耐架啦！！

佢地四個邊行邊講，同平時冇分別，唔經唔覺，佢地已經玩左好多好多．．．

奈村：岩岩過山車落去個下，完全驚到嗌唔到出黎呀！幾恐怖呀！

涼平：我就覺得轉住黎玩果個海盜船好好玩！如果唔係多人，我都想玩多次呀！

鈴，龍一（不約而同）：我覺得跳樓機最好玩！（對望，大笑）

龍一：我反而覺得落黎唔驚喎！慢慢上去個下仲恐怖呀！好似挑戰緊死亡咁！

鈴：落黎個陣太快啦！得幾秒！簡直就趕唔切嗌出黎呀！！個感覺好正！

涼平：玩左咁多刺激，不如坐下摩天輪啦！舒緩下呀嘛！

奈村：都好喎！！咁我地去排隊啦！

涼平：你同鈴去左先啦！我同龍一去洗手間先！陣間見啦．．

去到摩天輪排隊．．．

奈村：都唔係好多人咋喎！好快就到我地架啦！等唔等埋佢地呀？

鈴：如果到我地咪上去先囉！玩完再會合番啦！

奈村：到我地啦！！上到去先打電話比佢地啦！

龍一（岩岩黎到）：佢地上左去啦！都叫你行快ｄ架啦！

涼平：咪等下一架囉！做咩呀？你咁想一齊坐．．．莫非．．．

龍一：我唔想你錯失一個咁好既機會咋！（聽到有警鐘聲）做咩事呀？

涼平（周圍望）：唔知係咪有機動遊戲壞左呢？不過ｄ聲好近咁喎！

龍一（擔心）：係摩天輪！停左既？唔係有咩事呀嘛？

廣播：夢幻摩天輪發生故障，暫時停止服務！不便之處，敬請原諒！

涼平（跑過去其中一個工作人員身邊）：唔好意思呀！摩天輪有咩問題呀？

工作人員（細細聲）：我地發現有個車架有鬆脫現象，而家調查中！

龍一：鬆脫？唔係呀嘛？明知有問題都放人上去玩？你地有冇攪錯架？

涼平（安撫龍一）：而家講咩都冇用啦！死啦！奈村佢地仲係上面添架！

龍一：不如打電話比佢地啦！睇下佢地係上面點啦！！

涼平（好機智）：千其唔好呀！！我唔想嚇親佢地呀！

龍一：最衰唔知邊個車架有問題！如果唔係都唔駛咁驚，又唔知係唔係佢地個車架喎！

涼平：唔好亂講野啦！買六合彩又唔見我地中？冇事架！（有人拍膊頭）唔好攪我啦！

奈村：哎呀！摩天輪唔玩得啦！鈴！最衰係你啦！

龍一（好諤然）：鈴．．．你地唔係摩天輪上面咩？

奈村：係鬼！鈴囉！臨到我地個陣又話肚痛，想去廁所！真係比佢激死啦！

涼平（鬆一口氣）：鈴，你肚痛得真係合時！！好在咋！比你地嚇死我啦！

龍一：係呀！摩天輪有個車架有鬆脫現象！我地幾驚你地係上面呀！

鈴：咁而家冇事啦！不如走啦！玩到冇晒力啦！

龍一：咁我地走啦！（望住鈴，個心跳得特別快，心諗：龍一！你再係咁會心臟病架！）