Kial mi verkas TTT-pagxojn en Esperanto?

Esperanto - la internacia lingvo por la tuta mondo

La Turo de Babel
La Turo de Babel laux Bruegel, 1563

Kial mi verkas TTT-pagxojn en Esperanto?

See this page in English.


Lasta aktualigo: mardon la 27-an de novembro 2001 je 14.56 GMT

Cxirkaux 86% el la TTT-pagxoj estas en la angla (la germana estas dua cxe 5%) kaj, felicxe, mi parolas la anglan denaske. Do kial mi donkihxote verkis pagxojn en Esperanto? La kialoj estas tri:

  1. La angla nun estas la precipa lingvo de la reto, sed la kauxzo ne estas ia natura boneco de la angla sed historio: la plimulto da komputiloj sur la Interreto logxas en anglalingvaj landoj. Sed historio estas kaprica: post 30-60 jaroj, eble la plimulto logxos en cxinalingvaj landoj, kaj tiam la cxina precipigxos.

  2. La ora regulo: Kion vi deziras, ke la homoj faru al vi, vi ankaux faru al ili. Mi deziras, ke aliaj verku pagxojn ne en siaj gepatraj lingvoj, sed en lingvo kiun mi povas kompreni facile. Esperanto estas pli facile lernebla ol iu ajn nacia lingvo.

  3. Mi deziras havi du versiojn de cxiu pagxo: unu en la angla, unu en Esperanto. Sed por verki tiele, mi devas labori preskaux duoble. Tamen mi esperas iutage havi tradukilon -- cxu mi trovos iun, cxu mi verkos iun. Kaj mi opinias ke tradukado per masxino el Esperanto en la anglan (aux en iun ajn cxefan lingvon) estos pli simpla ol la inversa (-- ecx per mano tio estas pli simpla). Fakte, mi supozas ke Esperanto, kiel radika lingvo por tia tradukilo, estus pli trafa ol ia nacia lingvo.
Alivorte, se TTT-pagxo estas, laux sia nomo, por la tutmondo, tiam verku gxin en lingvo por la tutmondo. La cxina, la angla, la germana, ktp, estas lingvoj grandaj kaj bonaj, sed oni povas lerni Esperanton pli facilege.

Ja estas aliaj simplaj artefaritaj lingvoj -- mi estis tentita de Interlingua portempe -- sed inter tiuj, Esperanto estas giganta kaj la sola klara sukceso, la sola planlingvo kiu efektive vivas, spiras, korbatas, ridetas, kuras kaj saltas. Kaj en tio, mi sekvas la konsilon de Tolkieno.

Do jen mia gvida regulo:

Verku pagxon en Esperanto (krom se gxi interesus sole sampatrolingvanojn)
kaj traduku gxin en aliajn lingvojn laux oportuno.


Originale verkita de Stefano KALB je januaro 1996.
revenu al hejmo retposxtu

~stefano@pobox.com/11.481 A 66 14:56:46

T