Piterin kundaline organizacii "Rahvahaliž-kul'turaline Vepsän sebr"

Meiden juridine adres: 191040, Piter, Puškinskaja ird, 15

e-mail: kodima@mail.ru, kodirand@mail.ru

Meiden ohjandaikund:

Viktor Trifojev, pämez', tel. (911)2351376

Valentina Lebedeva, varapämez', tel. (812)5256298

Igor' Brodski, pädirektor, tel. (812)3563196

Piterin vepsän sebr (PVS) om tehtud Piterhe vl. 2001, i nügüd’ nece om üksjäine vepsläižiden sebr lidnas. Meiden sebranikoin oma Piterin da Piterin agjan vepsäižed, kaiked tedomehed, kudambad tedoitas vepsän rahvast, sen kel’t,  istorijad da kul’turad. Meil tähäsai ei ole tahod vastusiden täht, sikš mö vastamoiš Piterin rahvahiden literaturoiden kirjištoš (nece om läz Sennaia-torgud). Meiden Sebr lugeb ičtaze üksjäižeks Leningradan agjan vepsän rahvahan ezitajaks. Tämbei mö radam mugažo ühtes Leningradan agjan administracijanke.

Äjak vepsläižid Piteriš om? Mö em tekoi. Jäl’gmäižen rahvahanlugemižen aigan vepsläižin nimitiba ičtaze läz 400 mest. Tetpas, nece lugumär ei nägu oiktaks. Meiden sebras tämbei om 70 sebranikad. Heiden aktivižuz om erazvuitte: tozi sanuda, erased ei kävugoi suimihe, heile om mel’he pidida kormanas vepsän sebran tundištuz, no hö ei tahtkoi tehta nimidä tarbhašt... Toižed, vastkarin, kävudas suimihe aktivižešti, tarttas melel ühthižihe azjoihe.

Meiden pämetod oma:

-         kaita da kazvatada vepsän kel’t i kul’turad;

-         informiruida kaikid vepsläižid rahvahan elos, kul’turan uzištusiš;

-         abutada vepsän üläopenikoile Piteriš;

-         rata ühtes kaikiden Piterin rahvahiden organizacijoidenke, miše kožmuz da tolerantižuz tegižihe meiden elon normikš.

Neniden metoiden sabutamižen täht:

-         meiden tedomehed tedeltas kel’t, rahvahan kul’turad, istorijad, arheologijad, etnografijad, i pästtas irdha ičeze radon satusid;

-         sebran nevondkund pästtab regulärižikš tedotuzbülletenid;

-        meiden sebranikad abutadas vepsläižile üläopenikoile tarbhaižid kirjoid samha, formiruidas PRIn vepsän kelen kabinetan kirjištod;

-         sebran pämehed tegeba vastusid toižiden Piterin rahvahiden organizacijoiden pämehištonke, otab palad Piterin rahvahiden kodin rados.

Mö kucum ičemoi sebrha kaikid Piterin i Leningradan agjan vepsläižid. Tulgat mijale ičetoi meletusidenke, tahtoidenke, unimelidenke. Mö otam kaikid!

SAITAN KART:

KOSKETUSED

VEPSÄ-ENGLANDILAINE VAJEHNIK

VEPSÄ-VENÄLÄINE VAJEHNIK

VENÄ-VEPSLÄINE VAJEHNIK

VEPSÄN BIBLIOGRAFII

VEPSÄN LITERATUR INTERNETAS (ezmäine lehtpol' om venäkel'ne)

PITERIN LEHTEZ

MEIDEN FORUM