علي السالم الصهيبي
وهو جد العقيدات قاطبة وله قصة سيتم سردها لا حقا
من فوق مهرة من سلايل حمير
حمرا شبيهة شقيرق النعمان
ماكولها حب الشعير الصافي
مقفور عن خلط الكثير الزوان
قب الحوافر والصدر متوازن
والراس منها تقول راس حصان
أذان قدام العذار مقلطة
وعيون ذيب طالع الرعيان
الخيل تنخاني وأنا أخو غرة
لا عاجزا عنها ولا وجعان
الخيل تندبني والمهر يجذبني
وأنا بطيات الدرع سكران
يشهد علي وادي العجيج ومن بقا
الضبع والضنبوح والضربان
يوم لحقناهم بوادي شوحة
والخيل مثل مخافق العقبان
كسرت روس الرماح بصدره
لعيون ردسة منوة الفتيان
نطحت بركات والوجوه عابس
والخيل تشبه عانة الغزلان
ما انت لقات زبيد يوم اللقا
يا عبد يا زربول يا حيوان
يا سامعين الصوت صلوا عالنبي
معقول جمجمة تحكي بدون لسان
شاعر من العقيدات
حلايب أمي من منايح عداها
بشهود ربعي والموازر لهن طق
وقمت أتلبد بالعلا وموطاها
وأدور حلال القوم وين يتطلق
الهامة
يا راكبا من عندنا فوق القعود
الأشعل الجاب الطرايف للفاه
لا ندور المال ولا نبي النقود
غير كبر العلم والطارش حكاه
يوم لجت لابتي مثل الفهود
يضحك حجاج العقيد ليا نخاه
يلكد المسطور وينير الشرود
وثار ملح الجبس والخير وقاه
أخ علي السويجي يعاتب شمر
يا رب يا مدبر الهبايب والأمطار
يا مكسي الرياض الممحلات بدونه
و يا راكبا حمرا من الهجن معطار
ومن الميارج شايبات متونه
سلم لابن هدوان وشمر والكبار
كيف المنيع بحظكم تكتفونه
على وصي لكم و ثاني لكم جار
عقب السلامة والوعد تذبحونه
سديتها بالفصل يابن نصار
لا بد حديكم لابته يفقدونه
بالبندق اللي ناجله جلب طيار
خذوا وفاته حين ما تذبحونه
ومن عقله عسيلة لرجم عيار
عيال الأبرز ثارهم ياخذونه
ساري شبيه الطير بكف صقار
كانك وليت جناع فقس عيونه
والصيت لشتيمان مع ابن كسار
ذبحم بدال حمود هم يذكرونه
خلف السراوي
ياراكب اللي يزهاله الخرج والكور
حمرا تحايد عن خيال الظلال
ملفاك شيخ منزله شمخ القور
عقاب مثل ذياب ولد الهلالي
الهرج منكم قايله تايه الشور
محسن ردي الحظ شين الفعالي
ما ينتسب سب الحمايل هل الزور
أهل الرباع مبهرين الدلال
عيال الأبرز باللقا ما بها قصور
مثل الحراري نصبوا بالمعالي
كدوا عليكم وأصبحوا فجة النور
وعفت الرباع السود هن الحلال
والعوج جبناهن طبن الزور
فود النشامى مرخصين الغوالي
ما تندعي للحكم صارو لكم سور
وردوا جموعا مثل غيم الشمالي
الهامة
الله على يوم به الحق بان
بليلة بها أسود الوجه ينشاف
بانت رديتهم وعفن الرجال
شرقي شعيب المانعي غرب السلاف
نخيت عبده يوم ربي هداني
وطعنت عي القوم وراح معتاف
ما هي حكايا واحد مسرداني
لعيون من حطت على الخد مرجاف
الهامة
يا راكبا من فوق حر البعارين
بالخيزرانه راعيه قام يجداه
يا بكرتي وسط المتيوت تدورين
شوفي لي الغالي من الشين وشجاه
ويا عين من دون المتيوت تنامين
جعل رمدها بالعجل دوم تلقاه
يا خال اسري ولا تقول السرى شين
يا خال اسري ترى الشي موزاه
ووجوه شيوخنا كالمجارين
ردوا وخلوا واحد فيه مقفاه
كردي ابن شرجي الفارس والشاعر الشجاع
يا حيف يا صفرا حيوان اللي ما حضرنا يومها
حصيبة علينا بالتمام تسعين لحية سومها
رد عليه العقيدات :
يا كردي يا غادي البخت
يا شيخ والله اغليتها
يوم ان تلاقن بالسهل
رديت ما وفيتها
الهامة
يا راكب اللي صوروه الأجانيب
أدهم جناحة مثل رف القطاة
ليل خضع يقطع فياضا عباعيب
يوصل كلامي بالقلم والدواة
شيبان من دور الجهل منقع الطيب
فتش عبوبك عن مضارب هواتي
يابن صميدع لا تطيع الكواذيب
صقر الضحا خلوه قبل البياتي
مرنة الزرفات من فوقهن شيب
يدعون خيلك بالمراجب شتات
ما حنا فريج خوفته الطباطيب
وعيال الأبرز للموازم ثبات
لحج أخو سعدة حصان المطاليب
يصرخ عليهم مثل فرخ الزناتي
كثر العشا جوعان با منوة الذيب
وغنمت الرعيان من فروة وعباة
الهويش من الشعيطات في معركة الصباح
يا راكبا فوق حرة لها شدود
توصل الطرقي الى أبعد مناه
ليا همزها بالعصا تطلب الزود
تلفي لبيت مشيد بالعلاه
شوق بنت عينها عين النجود
القادت الغزلان الى قفر الفلاه
إن صاح صياح الضحى شلوا الذود
وغزوا الراية على روس النباه
شد مشرف فوق شقرا ومحمود
ينخي أبو مناع ما عنهم قفاه
مخافق العقبان حلوين السعود
كنه أبو زيد وذياب معاه
أول هواته رمى صقر القعود
يشبه الجرناس ليا ف القطاه
الرمي تقل زيزوم الرعود
والفشك حالوب والخير وقاه
يوم اقفوا كثروا منهم الفود
وغنمت الرعيان من فروة وعباة
ونطحوها مريح وزلام الحمود
كاسرين الجيش هم صاروا لقاه
الهامة
ياراكب اللي لا تليش ولا شين
يعجل قرانيص القطا من طياره
ما عاوز لشجع الرسن والمحاجين
يلفي على اللي ما طفت دوم ناره
قله كرامة بكيتك بالفراجين
مرحوم ياشيخ خذينا بثاره
يمكلف الخباز هو والسكاكين
يا شيخ يااللي نازلا بالعشارة
عقيدات ما معهم خليطي ولا شين
ما هابوا الرشاش لويش ناره
الي وقع بنحورهم وقع تسعين
والدم بالمجرود مثل الغدارة
والسيخ والهندوس راحوا مجفين
راحوا طرايد ما نفع زود ناره
مليشان وأسود شوق من تدعج العين
لولا البحر كان شنوا على الكفر غارة
تلاوحوا بظهورهن السراحين
وبأيمانهم شغل العجم والنصارة
وعبود ياقاضب توالي المجفين
يا شوق من لبست خزارة وحمارة
ربعي هل السوسة على الموت جسرين
مثل الغضنفر لو تطاير شرارة
عبد العزيز الهامة
غزيت أنا يا عبيد بهلال عاشور
بأول سفر والتوم كله تمام
بالقيض فوق ظهورهن تقل ناطور
قيضت أنا ما شفت زرقا وشام
لولا خذينا مطلق عاصي الشور
هذيك هي اللي عليها السنامي
مير اصطفن يم الكبيسي وابا الهور
ونوخ مناخ معجلين الجهام
ذكروا لنا يا عبيد شلخان وصقور
غربي شعيب عكاش هاك الزوام
ودكيت أنا يا عبيد مع فجة النور
كما يدك الذيب وفرخ القطام
ويا ما حلا المسواق وان صار عاثور
من فوق شقح مثل روج النعام
ولحجت مهديت الطلب بكل مسطور
بضبح يطوحن والضرايب شمام
قصايد أخرى
الهوســة
عودةالى الصفحة الرئيسية