[ Reader's Feedback ] [ Q & A Page
] [ Q & Q Page ]
[ Back ] [ Next ]
Other related Ang
Dating Daan Q and A's: (1) (2)
(3) (4)
"Para malinaw ang lahat... labas
kayo sabay sa tv sa isang diskusyon... lalabas ang totoo niyan. kung
kayo ang totoo... Was kayong matakot kung kayo ang totoo. For the next
2 weeks di kayo lumitaw ibig sabihin di kayo totoo.. Culto kayo. Sa
palagay ko mabuti yun para sa kapakanan naming nagsusuri. kasi mahirap
yang nagtatago kayo sa website lang. Para mapatunayan kung sino talaga
ang kulto pwede lumabas kayo sa telebisyon at makipagdiskusyon kay
Bro. Eli. Thx. (sent via www.halebop.com)
Answer
Maraming salamat sa iyong komento tungkol sa aming
website. Hindi kami hihingi ng paumanhin kung ikaw man ay nasaktan sa
mga isinulat namin tungkol sa mga katuruan ni Soriano sapagkat layunin
ng ministeryong ito na isiwalat ang mga kamalian at kalikuan ng mga
kulto ng Kristiyanismo kung saan kasama ang "Mga Kaanib ng
Iglesia ng Dios kay Kristo Hesus, Haligi at Saligan ng Katotohanan sa
Bansang Pilipinas, Inc." (Ang Dating Daan).
Maganda ang iyong iniisip na magkaroon ng palitan ng
kuro-kuro ang magkabilang panig upang ang karamihan sa mga miyembro ng
grupo ni Soriano ay maliwanagan. Ngunit kung iyo lamang pag-aaralan
ang istilo ni Soriano sa pakikipag-debate sa mga sumasalungat sa
kanyang katuruan ay masasabi nating ito'y lumalabas na "away-bata."
Ito ay sa kadahilanang lumalabas sa kanyang mga bibig ang salitang
"Talo ka na! Talo ka na!" na hindi dapat na manggaling sa
kanya bagkus ay hayaan na sana niyang makapag-isip at makapag-desisyon
ang mga tao kung sino sa magkabilang panig ang tunay na may ebidensiya
tungkol sa katotohanan. Ilan sa mga napansin namin habang nakikipag-debate
si Soriano sa kanyang katunggali ay ang mga sumusunod:
- Ginagawa ang debate sa kanilang lugar sa halip na
sa isang neutral place.
- Nakatuon si Soriano sa speech defects ng kanyang
katunggali sa halip na sa theological defects. (Nire-replay pa
niya ito upang makumbinse ang mga manonood na tama siya)
- Sa panahon ng pagsasagutan ay mapapansin nating
ang boses ni Soriano ang mas nangingibabaw sa kanyang katunggali.
(Hindi po pataasan ng boses ang labanan bagkus ay kung sino ang
may mas mailalabas na ebidensiya)
- Ang moderator ay mapapansing madalas na pumapanig
sa kaniya.
- Nakatuon si Soriano sa mga literal na salin ng
"Ang Biblia" (Tagalog translation ng American Standard
Version) sa halip na ibase ang kaniyang interpretasyon sa orihinal
na salita ng Bibliya.
Isang halimbawa ay ang paglalahad ng kaniyang
katunggali na ayon sa Bibliya ay isa lamang ang Diyos at kaniyang
ipinakita kay Soriano ang Deut. 6:4. Nalalaman ng mga marurunong sa
Bibliya na ang talatang ito ay ang shema ng Israel kung saan
ipinahahayag ng Diyos ang kaniyang pagiging "isang Diyos."
Ang hindi niya inaasahan ay ang hanapan siya ng literal na salitang
"isang Diyos" ni Soriano sa talatang kaniyang nabanggit. Ang
tinutukoy ng talata sa Ang Biblia ay "isang Panginoon" sa
halip na "isang Diyos". Ayon kay Soriano nasaan diumano ang
salitang "isang Diyos" sapagkat ang nakasulat ay "isang
Panginoon." Ang hindi nauunawaan ni Soriano ay ang katotohanan na
ang salitang "Panginoon" ay isinalin sa Hebreong salita na
"YHWH o JEHOVAH" kung saan tumutukoy ito sa Diyos o
Panginoon ng Israel. Kung ganito ang magiging istilo ni Soriano sa
kaniyang pakikipag debate ay hindi malayong ang kaniyang makumbinse ay
ang mga taong tamad mag-aral at mag-imbestiga ng Bibliya. Tularan
natin sana ang mga taga-Berea sa Gawa 17:11.