| 入到大老闆間房，我見到一個女人同大老闆傾緊，佢著住一套低胸貼身短裙，臂上「橋」住一個閃 閃下既 Chanel 手袋，再望真ｄ，原來係娃魚女！我驚到成個撻左落地下。 死啦，佢會唔會記得尋晚我請佢食檸檬呢？ 娃魚女用一雙近乎反白既眼神，再加蘇永康唱歌時，噴哂氣既語調同我打招呼。 「Nice to Meet You，Mark，好似響邊度見過你？」 老闆不停對住我做口型，話：「有呀，有呀！」 剛剛企起番身既我，唔想答呢個問題，所以又跪低扮綁鞋帶，後來我發覺自己原來著左對懶佬鞋， 於是索性除左隻鞋，然後著番佢。 娃魚女見老闆口擘擘，又唔知我響度做乜，顯得有ｄ唔耐煩。 「既然係咁，我走啦。」 「唔好呀，陳小姐！係我唔0岩，係我唔著，係我管教無方，你大人有大量啦。」大老闆講講下， 仲跪埋落地。 不過唔知點解，娃魚女聽到大老闆咁樣講，忽然笑起上唻。你話，ｄ有錢人幾變態呢？ 「我想響你公司做投資，金額係三千萬，但你要幫我寫一份好有特色既 porfolio。如果我滿意既話 ，我會加碼。」 特色？係人投資都想賺，唔通佢想要個會蝕錢既投資組合？ 「哈哈，一定一定，陳小姐你放心，我地公司一定會為你度身造一份好有特色既計劃書。」大老闆 成個烚熟狗頭咁，托到蛙魚女天咁高。唉，你話搵食幾咁艱難，ｄ自尊都唔知放左響邊。 「阿 Mark，你話好唔好呀？」娃魚女突然再使出反白眼神，以及蘇永康噴氣聲問我。 大老闆又狂做口型：「好！好！」 「黃生，你做咩唧？我問緊你員工嘛，你不停響度口郁郁唧？」 大老闆塊面充哂血，就唻爆咁滯，我知如果我仲唔出聲，佢好快就會心臟病發而死。 「陳小姐，你放心，在下以至本公司，必定會竭盡所能，為你寫一個充滿特色既投資計劃書，唔會 令你失望。」 「Good，咁麻煩你聽朝七點半去我淺水灣別墅，將份 porfolio 交俾我。」 「七點半？」 「嫌遲呀，咁七點啦。」 如果唔係我細個唔生性，如果唔係我唔勤力讀書，如果唔係金融風暴，如果唔係經濟轉型，如果唔 係我唔好運，我今日就唔使企響度，受埋呢變態女人既氣。 「係既，陳小姐，咁聽朝七點見啦。」 「Excuse me，你可唔可以 do me a favour，聽朝帶十二枝紅色玫瑰花俾我，唔使 mung 走ｄ刺。你 搭的士唻得啦，我會俾番錢你。」 送走左娃魚女，大老闆拍住我膊頭，同我細細聲講：「阿 Mark，頭先響房入面既事......」 「我有入過你房咩？冇呀，今朝我成朝都響廁所，我肚痛丫嘛！」 成個晏晝就響度為娃魚女度一份好有特色既 porfolio，不過度極都度唔出，一來諗起佢反白眼神就 想作嘔之外，二來，我真係有少少肚痛，去左幾次廁所，總之頭先咒自己第二樣野啦。 第二朝，我一早就起身，去娃魚女淺水灣既別墅，手上當然喳住一份好有特色既投資計劃書，同埋 一束有刺既紅色玫瑰花。 的士好快就去到佢別墅門口，我一落車，就有個馬姐等緊我：「馬生，陳小姐響裡面等緊你，你跟 我唻啦。」 馬姐於是帶我行入去，繞過花園，再行過一間類似雜物房既屋仔之後，就去到一個泳池。嘩，使唔 使咁大呀？ 有錢人有時都幾慘。你諗下，我發悶響屋企打躉時，寂寞既空間就係 六百六十三呎，冇多冇少。但有錢人既寂寞空間，又點止幾千呎？分分鐘 有個寂寞酒窖、寂寞度假屋，再加一個寂寞哥爾夫球場添！ 正當我想回頭問問馬姐，娃魚女幾時出唻，佢已經唔知去左邊度！ 等左十分鐘，仲未見蛙魚女，太陽又開始曬，我感到有ｄ熱，於是本 能反應地 wear 開條呔，鬆一鬆個頸抖下氣，就響呢個時候，我見到一個 身影由遠處行過唻。我發現係一個著住泳衣、披住晨褸0既娃魚女。佢手 上，仲有一條泳褲！ 唔係做你生意要陪你游埋水呀嘩？ 「Hi, Mark」娃魚女撥一撥個頭。 「馬生，份 proposal 呢？」 乜佢唔係應該叫我除衫既咩？ 「Dior，我條泳褲呢？」 遠處一個肥胖身影，喊欄咁既聲，正向住我同娃魚女方向走過唻，下 身只係包住一條毛巾。 「大老闆？」 待 續 |
 |
 |
 |
 |