news

Special Report
Top News - Zomi Innkuan Khawmpi nuam takzo
Zomi Innkuan (USA) kiphuankhia

Copy Right 2005- All rights reserved
Published by Zomi Innkuan D.C, USA

    USA gam Florida Zomi Innkuan kum 5 cinna leh USA gambup Zomi Innkuan khawmpi pen March 26-27, 2005 sungin Hollywood, Florida ah nasia takin kibawl zo hi. Tualai ah mun tuamtuam pan Zomi Innkuan palai(delegates) te tampi kihel thei a, thu kikupna leh khensatna tampi kinei thei hi. Zomi Innkuan D.C pan palai(delegates) dingin Chairman pa Pu Ngo Cin Thawng suantak leh Tg. Thomas On Sian Mung te kihel thei hi. Florida Zomi Innuan, Oklahoma Zomi Innkuan, Appalachian Zomi Innkuan, Zomi Innkuan Chicago, Zomi Innkuan Portland, Pennsylvania state te pan palai(delegates) te zong hong kah thei uh a, thu kikupna khawmpi pen March 26 ni in nasia takin kipan hi.
         Zomi leh Zogam aading thu kikupna tampi kinei thei bek tam loin hong kihel delegates te 100% thukimna leh khensatna tawh USA gambup Zomi Innkuan ahuam kipawlna pi "Zomi Innkuan(USA)" phuankhia uh hi. Hih kipawlna in USA gam aom Zomite tangthu sungah aom ngei nai lo, Zomi Innkuabup a huam kipawlna pi khat a hi hi. Hih Zomi Innkuan(USA ) a nuai a, Zomi Innkuan kipawlna te kihel, kihuam hi.
1. Zomi Innkuan Washington D.C
2. Florida Zomi innkuan
3. Zomi Innkuan Oklahoma
4. Appalachian Zomi Innkuan
5. Zomi Innkuan Chicago
6. Zomi Innkuan Portland
        Zomi Innkuan(USA) interim Committee 6 pan Chairman leh secretary te tawh ki form up a, kha 6 sung in thu meilet(by-law) hong ngelh ding uh a, hong makai ding uh hi. Zomi Innkuan (USA) in Zomite sung khantoh nading leh kipumkhat nading a tuamtuam te hong sem ding uh hi. Hibangin USA gambup Zomi Innkuan a huam kipawlna khat kiphuankhia thei a hih manin leitung gambup aom Zomiten kiangtanpih mahmah hi.
          Tua bek tamloin Florida Zomi Innkuan kum 5 cin pawipi zong March 27 ni nitak nai 3:00 pan kibawl thei a, USA gampu pan Zomi tampi kihel thei in gualzo takin kibawl zo hi.

Zomi Innkuan D.C News group
Washington D.C

Photo: Zomi Innkuan Khawmpi hong kah Zomi delegates te
Standing L to R - 1. Pa Pau Sian Lian(Florida Zomi innkuan, FZI), 2. delegate (FZI) ??,
3. Thomas On Sian Mung (Zomi D.C), 4. delegate(FZI), 5. Pa Kam Sian Lian(FZI), 6. Pa Thang Tul Mung(FZI), 7. Pa Sian Ngen Kam(FZI), 8. Pa Kam(FZI), 9. Pa Feddie..(FZI), 10. Tg. Hangpi(FZI)
Sitting L to R - 1. Sia Go Khan Pau(FZI), 2. Pa Vung En Thang(FZI), 3. Pa Pau Cin Lian(Chicago), 4. Pa Ngo Cin Thawng(Zomi D.C), 5. Pa Gin Za Pau(FZI), 6. Tg. Go Sawm Khup(Oklahoma), 7. Pa Pau Cin Thang(Appalachian)

Zomi D.C contacts:
Office:
10, Beane Hill Ct.
Gaithersburg, MD - 20877
U.S.A
Tel: 1-301-947-0289

Email:
zomidc@yahoo.com
zomidc@yahoogroup.com
Cheif Editor & web creater:
osmung@yahoo.com(Editor)
Chairman:
nchawng@yahoo.com
Secretary: dkhup@aol.com