Plait storic di ricuart dal Beāt Beltram fat dal rapresentant de "Academie dal Friūl" te riunion speciāl comune dai Conseis des Circoscrizions 2e e 6e dal Comun di Udin pe celebrazion dal patron dal citadin Joibe ai 3 di Jugn dal 1999 - Cjase de 2e Circoscrizion Siōrs Deans e Conseīrs des Circoscrizions 2e e 6e dal Comun di Udin! Citadins! Ancje se cheste no fos la prime comemorazion istituzionāl dal Beāt Beltram fate ca a Udin in passe cincuante agns che e je sł la republiche e se no fos nancje – cheste di usgnot – propit la prime vicinie comune di doi Conseis di Circoscrizion in juste vincj agns che a son sł che a funzionin, po ben dal sigūr e je la prime volte alģ che a son dōs Circoscrizions ca dal Comun che si dan dongje par ricuardā un che la tradizion lu presente di santul de organizazion di guvier democratic antighe di Udin. O crōt di no lā, in alore, fūr dai semenāts se o dīs che chel di usgnot al č un fat storic, une tape di chźs impuartantis inte direzion di un cjapā cusience dal discors de identitāt civiche tai argagns di rapresentance dal popul di Udin. A pat che no sedi dute une comedie, il Circul Universitari Furlan "Academie dal Friūl", che al ten sł l'iniziative, al pues dī di sei content ancje se al ą di stā atent. Al pararčs, perņ, che i deans Calderari e Tomasin a vessin a cūr cierts discors sul front civic compagn che al č chel di tornā a meti dongje, cuintri dal atac concentrāt di carūi che a disfin sł dut, une identitāt di chźs che a son buinis di dā dongje dute une comunitāt plurietniche, ma un bloc perņ in fat di unitāt publiche: unitāt che e ven sigūr – che e je une conditio sine qua non de pax sot dal tor – di un vź a ce spartī, cjalant indaūr ancje alc propit dai mūts e compagn dai principis de tradizion dal puest. E plui dopo chei principis a son universāi plui il lōr lā a frontā i pīts tun puest, juste inte storie di une cierte comunitāt, ju fās concretā come robe reāl intun vivi locāl che al č chel che si incuadre. Celebrā par vź a ce spartī su plans diferents une memorie storiche, une idee di comunitāt che e cjapi la int tant cun ce che al č che cun ce che al č stāt, al vūl dī dāi des lidrīs a un principi di fradaie e di pretese di vōs in cjapitul di rionzi sot simbui antīcs tune comunitāt rignuvide. Ricuardā il patriarcje Beltram tai cuartīrs di Udin cumņ nol vūl dī par nuie metisi a fā juste un rivoc storic di une ete ben lontane ma fāi fieste a la liende di un "eroi civilizadōr" che al vūl dī ancje fāur fieste sigūr po ai principis che chel al ą puartāt tun ciert ambient. Beltram par chei di Udin al č stāt un "pater patriae" tal sens, plui a la letare, juste di fondadōr di un ciert sisteme public di partecipazion. Cierts storics de Citāt che a jerin une volte a an scrit che al sarčs stāt pardabon il patriarcje Beltram a pensā di slargjāsi come grāt e teritori a dā vōs in cjapitul come citadins a une vore di int intal Comun di Udin dai timps de Medietāt. Beltram lu an presentāt juste di chel che al ą vūt implantāt l renc culģ de Citāt, che al jere la samblee di dut il "populus" locāl che e azive di parone espotiche, e di chel ancje che al ą vūt tirāt dentri tal guvier citadin lis rapresentancis di ducj i cuartīrs. Trop che a sedin juscj culģ riferiments e datis metūts dongje di chei storics, nol impuarte cuissą ce. Impuartant al č di viodi che la plui grande realizazion te storie di Udin dal principi dal partecipā e ven incrosade cuntune figure che e ą simpri vūt l'incredit, tal puest, di un "pater patriae", "fondadōr", riformadōr, benefatōr de comunitāt, e duncje proponūt ancje propit come "autōr", che cussģ al devente simbul, pardabon di chel implant democratic de Citāt. Vuź chel simbul ca lu celebrin insiemit dōs Circoscrizions che, alore, di chź strade, si professin di jessi fiis, come idee, tes tradizions de int di Udin su la partecipazion: e no dome fiis ma ancje propit colonis di un spirt che al č storic dal fā di bessōi che mai nol amet che la tō comunitāt e cussģ lis sōs ramis a vegnin butadis juste intun cjanton alģ che si trate di robis di guvier. Beltram, pe tradizion, al varčs disfate une oligarchie implantade a Udin vie dal Dusinte dal patriarcje Bertolt di Meranie, so antecessōr, che al č stāt juste chel che al ą metūt sł il Comun di citāt che l'an passāt a jerin 750 agns e nissun no si č visāt di chei che a jerin sł. Al č stāt propit "patriarcje de partecipazion", chest Beltram: e dut, in ultin, par fāur a chźs clapis di potents che i metevin il baston fra lis rovedis. Deventāt princip e vescul di une tiere in plen ribalton suntune frontiere medievāl dal ultin trat fra l'"Italie dai Comuns" e l'"Europe des Regjons", Bertrand de Saint Geničs (1260-1350), catedratic e diplomatic di Vuascogne ben famōs che il pape ai 8 di Lui dal 1334 lu veve nomenāt patriarcje di Aquilee, si č fat juste cognossi par trop che al č stāt salt intal puartā indevant la sō idee di riforme civīl e morāl di chź int che in chź volte si cjatave sot di lui. I costruts e lis andis de "riforme" beltramine a an provocāt perņ la violente reazion dai siorats tradizionāi che il patriarcje ur veve metūt cuintri i borghźs dai Comuns a la int dal popul dutun ancje cu la fuarce simpri plui grande di Udin, la "gnove Aquilee", citāt sigurade sul front de politiche cuintri de intromission de antighe nobiltāt juste propit mediant di une riforme democratiche dal sisteme di guvier. Beltram tal an copāt ai 6 di Jugn dal 1350 sui prāts de Richinvelde, che a an fat dut un complot. Il cuarp, mandāt a Udin suntun cjar di contadin par sbeleālu, la int di Udin, che lui i veve fat dal ben, tal ą vūt cuviert di rosis. Vuź, in alore, chestis dōs Circoscrizions che si son cjatadis ca tal ricuart dal Beāt Beltram, patron e simbul dai costums democratics de int di Udin, ancje lōr dabon a tirin une rose in forme ideāl su chź "liende" propit par rapresentā dut l'agrāt dai citadins dal prin al ultin ancje dome se a son un tocut e no dute cuante la comunitāt. A non dal gno President, il dean de "Academie dal Friūl" che al č l'amģ Victor Tosorat, ur fās a di chei doi conseis di Circoscrizion che a son culģ usgnot l'auguri di vź un avignī di dignitāt e di autoritāt che al sedi pardabon degn des tradizions dai cuartīrs e dal popul di cheste citāt.