"SANGRE
D'OCHOBRE"
Skanda
L'Aguañaz 2004
Skanda entama'l
branu col tercer trabayu nes tiendes y nos chigres. Nueva entrega del
so embarque folk, onde vamos alcontrar menos mecigayu que nos
otros dos discos anteriores y más folk-rock puru y duru.
Un discu onde la más
orixinal de les bandes asturianes d'anguaño va afitando, cada vuelta
más, un soníu propiu y intresferible que caltienen nun exerciciu dignu
de meyores resultaos en ventes y contrataciones. Pero ¿qué se va
facer? esto ye Asturies.
Nesta ocasión vamos
alcontrar más temes canciaos y más collaboraciones de dientru y fuera
d'Asturies. Nun podemos pasar ensin mencionar la presencia de John
MacSherry en "Carrapiellu", braero fichax mediáticu, que pue llegar a
escurecer (inxustamente) la presencia d'otros grandes músicos de la
escena folk astur (Lisardo Prieto, Xune, Oti Méndez, Jorge
Areces...).
Naguamos por que la
xente, que pasa'l día glamiando por alternatives nel folk astur, seya
quién a alcontrar na so tienda de discos el meyor cd de folk-rock que
salió d'Asturies n'años...
Y, nós, yá tamos
esperando'l siguiente capítulu de les aventures de Xuanín.
