"WINTERING
OUT"
Luke Plumb & Simon Bradley
Shoogle 2004
Truximos güei, a esta seición, un discu que se sal daqué
de lo que avezamos tratar, la música folk asturiana. Anque, bien miráu
igual nun se sal tanto.
Wintering Out
ye un trabayu qu'asoleyaron a entamos d'añu n'Escocia'l vigulineru
de Llan de Cubel, Simon Bradley, y Luke Plumb, bouzuki de
Shooglenifty, nel que cunten tamién cola collaboración de James
MacIntosh en dellos temes.
En resume, podíamos
dicir que Wintering Out son un par de collacios qu'entamen una jam
session y grábenla, tal cual, ensin artificios d'estudiu. Ensin
pretensiones, dos amigos tocando xuntos pol puru placer de tocar, un
puquitín d'aire fresco ente tanto grupu que saca discos perguapos
(gracies a los téunicos), que llueu nun saben llevar al directu. Un
retornu al raigañu.
Lo que, de xuru, más
nos prestará a los folkies asturianos ye qu'un terciu del repertoriu'l
discu ye asturianu, polo que podemos falar que cuasi ye un discu de
los nuestros.
