Date : April 4 - 6, 2004
Departure Time: 4:30 p.m.
Destination: Magsingal, Ilocos Sur
Adventurers: Arci Catalan, Randy Jerez, Ron Marco Jr. Vena Tagle, Guia Tomaneng, Jorge Zamora

Beaching Hours with the Beach gods and goddesses

The way to Ilocos

     Three weeks ang inabot ng pagpaplano namin ng Ilocos trip pero three days before the date lang namin na-finalize. Nagkaroon kasi ng konting problema sa transpo, siyempre 'di ka makakarating kahit saan kung wala kang sasakyan, at sa mga kasama kasi 'di malaman kung ilan talaga at sinu-sino ang makakasama. Anyway, pagkatapos ng sobrang nakakatense na pagpaplano at paguubos ng load ay natuloy din kami. Ang mga official na kasama ay sina Arci, Vena, Ron, Jorge, Randy at syempre ako (Guia). Ang mga guys kina kuya Randy na natulog para sabay-sabay na sila punta sa meeting place. Si Arci naman, sa 'min na natulog, sabay na kami punta sa meeting place. Habang si ate Vena ay nasa Music Warehouse pa the night before, susulitin daw ang bakasyon nya :)

 
Randy's place (eve of departure)

     April 4, ang alis namin, ang meeting place, Chowking Plaridel 4:00 in the morning. Matapos kong mangulit na on-time dumating, kami pa ni Arci ang late, hmmph..., so 4:30 na kami nakaalis ng Plaridel.

Chowking, Plaridel, while waiting for Arci and Guia

     Medyo tahimik kami nung first few hours ng biyahe, mukhang mga 'di nagsipag tulog. Nung nagpa-gas kami sa Capas, Tarlac medyo naalimpungatan na ang mga tao kaya nagsimula na ang kwentuhan. Tapos nung huminto kami sa may Pangasinan para mag-kape naghanap na kami ng cards, wala palang nagdala ng baraha, nag alala tuloy kami na baka 'di kami makapagpusoy.

    
Pangasinan stop over

     Huminto uli kami sa may La Union para bumili ng daing. Medyo spontaneous na ang kwentuhan bawal na ang academic at Lakan topics kasi on vacation daw kami. Napagusapan din namin na 'di kami iinom para naman daw ma-enjoy ang maiksi naming bakasyon. Sa daan na rin namin pinlano ang itinerary namin. Mabilis kasi ang biyahe namin (100 - 140+ kph), astig kasi ang driver namin kaya halos saktong walong oras lang ang tinakbo namin.
     Nung malapit na kami sa San Fernando City nagtanong si kuya Jorge kung bakit wala pang beach eh nasa La Union na kami, pero maya-maya nakakita na kami ng shoreline. Mahaba yung dinadaanan sa may La Union kaya ang tagal namin dun. Narealize namin na mahihilig palang magsikanta ang mga kasama sa trip kahit 'di pang Star in a Million ang mga boses namin. Kung anu-ano ang pinag-uusapan, parang SSS team hits the road, andyang okrayin namin ang mga celebrities, pansinin ang mga sementeryo dahil nasa highway sila at ang dami, i- criticize ang mga posters ng mga kandidato at kung ano pang maisipan. Sa saliw na 'This is the Moment ni Eric Santos' (timing) ay dumating na rin kami sa wakas sa Tagudin, ang first town ng Ilocos pagkatapos na La Union...

"Had so much fun on the way, we can only anticipate more"