Ai 27 di Mai dal 1976, su la mont di San Pieri di Cjargne, pre Checo Placerean, a la int batude dal flagjel dal taramot, al į fate une sfide-profezie: "Si viodarģn ca di dīs agns e si disarģn se il taramot al č stāt un māl o se al č stāt ancje un ben". Dīs agns dopo, il Friūl si steve ripiant cun sgrimie e onōr, biel che pre Checo al stave combatint la sō bataie fināl cul māl. Cumņ a son passāts dīs agns de sō muart e ancje jo mi permet di domandāmi ce fin che al ą fate chest om, la sō vore, la sō profezie, la sō ereditāt. Il sō slontanasi di nō aial significāt la fin di dut o si esal tratāt dome dal grignel di forment che al leve sot tiere par preparā, de sō muart, une gnove vite? Ma par savź se la semence di pre Checo no je muarte, ma e je deventade plante, al č ben savź ce che lui al ą semenāt.

Mi visi che in chel martars dai 18 di Novembar dal '86 mi ą telefonāt il "'Messaggero", domandantmi une memorie. O ai metūt un titul che mi pareve il plui just: "Al č muart il patriarcje". E pre Checo, par nō e pal Friūl, al č stāt un partiarcje. No dome pal fat che nus ą fevelāt in lunc e in larc dal Partiarcjāt di Aquilee, bandīt dai libris, des catedris e dai pulpits, ma parceche al ą cirūt di rivivi, in clāf contemporanie, chź unitāt profonde fra realtāt glesiastiche e civīl, fra difese dal ben storic e metastoric dal popul furlan che e veve tal patriarcje, vescul e duche, in particolār in Bertrant di Sant Gjenźt (1335/1350) il sō esponent plui cualificant. Un patriarcje cu la spade tune man e cul pastorāl in chź atre. Cence miscliēs, cence cuintriposizions sfuarēadis.

Partiarcje, ma ancje vōs dal Friūl. Tacant de scuele, lą che al ą insegnāt che la religjion e ą di vierzi i vōi a la int e no di sieraju e che la reson no pņ jessi mai un ostacul pe fede, passant pes placis, lą che lui al sberlave cu la sō vōs inconfondibil la dignitāt, la libertāt, il dirit sacrisant dal nestri popul di deventą protagonist e no sotan e spetadōr, e rivant in glesie, che lui la viodeve e la voleve simpri e dome de bande de int. Il dut, in grande armonie interiōr, in grande luciditāt inteletūal e speculative, straordenarie passion emotive, in esemplār linearitāt e libertāt.Un mestri autentic di culture, di religjion e di politiche. Par che la int furlane e cjapąs cussience dai siei grancj valōrs, si si č batūt pe Universitāt dal Friūl, tant cu la facoltāt di midisine che cul Comitāt metūt sł pe ricostruzion culturāl de nestre tiere sdrumade. Si č batūt te militance politiche dal moviment autonomist, nassūt par che une Regjion creade bastarde no vignģs imbastardide ancjemņ di plui dai politics vendūts aes resons cinichis des scretariis romanis e triestinis. Si č batūt, cu la mozion dal Clericāt dal 1967, par che i predis a berlassin cuntri la miserie matereal de lōr int, come che dal pulpit a berlavin cuintri la miserie morāl. Al ą volūt cho o podessin fevelai a Diu cu la lenghe di nestre mari e nus ą regalāt i messai. Al ą volūt che ancje Diu nus feveląs cu la stesse lenghe, e al ą inviade la traduzion de Bibie. E tal taramot al ą cirūt di danus coraē, lui che al jere taramotāt e al tacave a sintī il pźs e i condizionaments de malatie.

Vitrūs and'ą vudis. Tantis e grandis. Come che tancj e grancj a jerin i siei difiets. E chest i ą procurāt salacōr plui nimīs che amīs. Ma cumņ che il timp al ą relativizāt ogni contrast e rusin, al č just par lui e al č ben par nō tornā a cjapā in man lis sōs ideis, la sō vision slargjade, il sō pensā in grant, il sō sfidā, cuintri ogni logjiche, il sō siump di un Friūl libar in glesie, in scuele, in politiche, in place, ta l'ostarie, in cjase. Ma par vie di cheste libertāt, che no ą di jessi regalade, ma sudade e difindude dģ e gnot, tocje vź fede, culture, afiet, interes. Tocjie jessi vīfs e no muarts. Naturalmentri lis ideis di pre Checo, i siei progjets politics, lis sōs bataiis, cumņ a an un altri contest tant internazionāl, che locāl, che personāl. No vin duncje di ripeti a pampagāl vie ce che lui al diseve, ma o vin di puartā il sō spirt, che al č il spirt dai oms libars, il spirt trascendent de libertāt, te nestre realtāt. O vin di onorā pre Checo fasint su un Friūl adatāt ai timps di vuč, come che lui si č batūt par un Friūl adatāt ai siei timps. Si trate partant di une ereditāt spirituāl plui che leterāl, creative plui che copiative, rivoluzionarie plui che laudative o nostalgjiche. I profetis no si ju onore disint che a vevin reson, ma cirint di imitaju, magari lant plui indenant di lōr. O ai sieradis lis mźs notis sul gjiornāl venit dal Friūl disint che "cun pre Checo s'in vą un om che pōcs i an volūt ben, che tancj i an dāt ju, ma che ducj a scugnivin cjalalu cun stime e amirazion". Ancje e sore dut a dīs agns dal sō viaē viers il misteri di Diu.

Pre Toni Beline-Gnovis Pagjinis Furlanis 1997 pag.5-6