Ai 23 di Zenār dal 1997 e je colade une date che no pņ sei lassade passā tal cidinōr: ta cheste zornade d'Unvier a son stāts juste vincjecinc agns che al č muart Faust Schiavi, om di prin plan dal autonomisim furlan. Schiavi al jere nassūt a Pontebe tal 1928; inzegnīr, imprendidōr, om politic, al č stāt president dal Moviment Friūl dal 1967 al an de sō muart, tal 1972. Al puartą indenant in Consei Regjonāl une bataie ferbinte pai derits dal Friūl e dai furlans. Al ą lassāt dōi scrits: Triest e il Friūl viers il divorzi (1970) e L'agriculture di montagne (1971).

I ultins mźs dal 1965 a an vūt rapresentāt un moment di grande mobilitazion in Friūl pe rivendicazion de Facoltāt di Midisine a Udin. Lis manifestazions dai students di Novembar e di Diecembar davueltis a condizionā il consei regjonāl e a blocā i ats da l'istituzion e po il riconossiment de bande dal Stāt de facoltāt di Midisine a Triest, no otignirin i risultats sperats. Dutcās la mobilitazion che si ere inviade si palesą une rivelazion, segnant un moment ungrum impuartant di une cjapade di cussience coletive dai interčs locāi e di une identitāt furlane che i fasčs di predźl. Si tratave des primis manifestazions di place dai students organizadis in maniere autonime a pet dai partīts. Tai fats si jere in presince di une vere rivoluzion popolār, parvie che e reclamave i derits di un popul tant che entitāt naturāl. Fat che in Friūl no si palesave publichementri di amancul cincent agns in ca, venastai di cuanche al jere stāt butāt ju il Patriarcjāt come Stāt teritoriāl autonim.

Inmņ la vicende da l'Universitāt e rindč plui fuarte e plui direte la critiche a la classe maiorent furlane, riclamade a l'unitāt, amancul te maiorance, par vinci lis resistencis di Triest. La creazion da l'Universitāt e jere cundifat sintude come un fat di fonde pe rinassence dal Friūl, creant un leamp diret tra cheste instituzion, colegade a la pussibilitāt di un slargjament plui gjenerāl da l'instruzion, e la jessude dal sotsvilup economic. La delusion e la malfidance pai sorestants, zontade a la consapevolece des pussibiltāts daviertis de mobilitazion popolār, e puartą i furlaniscj storics ( massime chi che si cjatavin adun in Int Furlane ) a leasi a chźs fuarcis che si batevin par l'Universitāt a Udin.

Al vignģ cussģ decidūt di dā vite ad un moviment di opinion, il Moviment Friūl, che si metč adun uficialmentri ai 9 di Zenār dal 1966. La rivendicazion da l'Universitāt a Udin e deventą insumis il pont di agregazion par un moviment che, sclarint un pōc a la volte i siei intindiments, al vignarą a rapresentā il coletōr e l'organizadōr des rivendicazions plui sintudis de cuestion furlane. Vadč che il Moviment Friūl, che tai prin timps si definive apartitic, si proponeve come fin la tutele a ducj i nivei e in ducj i setōrs dai interčs dal Friūl. Lis components che si cjatarin intune sun chestis smiris esprimudis inmņ in maniere une vore gjeneriche, a erin diviersis par formazion culturāl e professionāl: il grop dai students furlans, organizāts tai circui universitaris, un pōcs di miedis cun a cjāf il professōr Ceccotto, un pōcs di professōrs di scuele e di libars professioniscj e cualchi predi, cone bons. Pieri Londero ( Pieri Piēul ) e pre Checo Placerean . Faust Schiavi nol fo tra i fondadōrs dal Moviment Friūl, si zontą a chescj plui tart, tal mźs di Mai dal 1967. Al fevelą pe prime volte in public a Scluse. Dutcās apene un mźs daspņ al jere za stāt elezūt dean dal moviment.

Cheste cariere curient e dą la dimension de debolece di chel prin grop, e Schiavi si metč daurman al lavōr par ricercjā gnūfs associāts. Lui al veve tal cjāf un disen ben precīs: stramudā chel che al jere un inciert moviment di opinion in partīt politic e falu cjapā part aes elezions che si saressin davueltis in curt, ossei ai 26 e 27 di Mai dal 1968. Cheste sō decision e smovč fūr dai contrascj e dai abandons massime jenfri di chei che, cu la tessare o no, a jerin jentrāts tal Moviment restant dutcās leāts a partīs talians. Inmņ cuntri Schiavi si discjadenarin ancje i zornai, sedi chi locai ( massime il "Messaggero Veneto" ) che chi "nazionai". Il piēul, ma ferbint, partīt furlanist, al finģ cussģ su lis pagjinis de grande stampe taliane, acusāt, par palźs malafede e ignorance dal probleme di jessi une organizazion separatiste e filoaustriacant. E invecit al jere un segnāl di une volontāt di gambiā lis regulis di fā politiche; di une voie di disfrancjasī dal pupīl de partitocrazie, che rivarą a infuartisi e a otignī lis sōs primis vitoriis nome plui di vincje agns daspņ, cuant che al cjapą pīt e al sclopą tal Nort-Italie il fenomin de Lee.

Ce che no si rivave a paidī tai "palaēs" dal podč, al jere il fat che i citadins a podessin organizasi e cjapā part a la vite politiche cence professā une ideologje, proponintsi cussģ in tune maniere che par chei timps e jere rivoluzonarie. Cundutachel chź decision di faust Schiavi e restą, dal sigūr, il sō plui grant merit, la sō intuizion plui induvinade. Parcčche e jere juste e libertarie, e par vź permetūt al autonomisim furlan di fā sintīlis sōs resons tal "palaē" par cuasit trent'agns a dilunc.

Lis dificoltāts che di presentarin daspņ lis elezions regjionāls dal 1968, che a derin al Moviment Friūl trź conseīrs, a forin plusōrs. Si tratave di indreēā e condusi il moviment sun tune propie linie di rivendicazion furlaniste, cence che al restąs inberdeāt tra lis spaltadis des formazions tradizionals, ossei cence che al včs di riscjā di sei cualificāt di drete, di ēampe o ben di centri. Cuestions di fonde come la partignince da l'Italie a la Nato, cu la conseguent cuintriposizion cul bloc sovietic-comunist dal pat di Varsavie, che al veve ridusūt il Friūl, logāt sul strategjic varc orientāl, in tune sorte di cjamp fuartificāt, sparniēāt par ogni dondri di casermis e di siervitūts militārs, che si tradusevin in tun slaif pesant al svilup economic-industriāl e ai cumierēs des nestris comunitāts. E la sielte di metisi de bande de libertāt dai popui e de pratiche democratiche tai rapuarts politics, sore dut daspņ che i cjārs armāts rus a vevin scjafoiāt lis sperancis daviertis de "primevere di Praghe", che faserin slontanā un ciert numar di associāts, massime zovins di ēampe.

Oltri a chestis sieltis, il moviment si cjatą a frontā ancje cuestions che rivuardavin il sō jessi autonomist e furlanist. In chest cās si confrontavin l'impostazion etnico-populistiche, leade al ricuārt dal Stāt autonim di Aquilee, che al veve i siei maiōrs sustignidōrs tal grop di predis, sore il dut Placerean, Londar, Beinat e Pinzan, che tal 1967 a jerin stāts ancje tra i promotōrs de inomenade Mozion dai Predis. E di che atre chei che, cence trascurā chescj valōrs, ju leavin a la dibisugne di smirā denant trat al progres ecomomic e sociāl dal Friūl, cence meti in discussion la sō partignince a la Republiche Taliane. Schiavi, che pe sō formazion culturāl al jere ideologjichementri plui dacīs des posiziōns dai etno-populiscj, al savč mediā e mantignī unidis lis dōs curints di pinsīr. Il struc di cheste mediazion lu cjatģn tes peraulis dal discōrs che al fasč a Buje, ai vincjeun di Novembār dal 1968, dulą che juste apont al disč: "L'Italie e ą garantīt di cent agns in ca la libertāt di chestis tieris: e midiant che la libertāt e je un ben di fonde, nō o sin a ringraciā l'Italie par cheste libertāt, lant dilunc a jessi leāi citadins, prin tal dā dut ce che la nazion al č just che vebi di domandā, ancje se cussients, inte nestre volte, dal derit che o vin di podesi considerā talians di stamp particolār. E je stade difats la cuistade libertāt politiche che e ą permetūt la rinassince di une cussience furlane autonime, denant trat avilide e, o disares, scuasit dal dut sometude al folpeament des cussiencis e dai ēurviei menāt indenant dilunc i secui de sotanance...".

Al fņ par tancj aspiets, profetic. In Consei Regjonāl al marcą, tal 1969, "resintis denuncis par intac di casse e ūs pōc coret di bźēs publics, che a rivuardin fuarcis politichis presints in cheste aule". E al fevelą "dal malcustum slargjāt a ducj i nivei, des santolancis, de pratiche aromai comun dal distinā incarghis cence concors, e de concession di vantaēs par merts politics: chest lu savźs ben, al ą distacāt il popul de vere politiche". Inmņ al acusą: "Sārs o sźs fūr dal timp e de realtāt. La storie e insegne cemūt che in cierts timps al sucedi che une classe politiche si suicidi: di ce che o viōt atōr o sźs daūr a fā propite chest". E profetic al fņ ancje cuant che al predelave l'union europeane come Europe des regjons e dai popui. Opūr la colaborazion e la viertidure des frontieris tra furlans, carintians e slovens, come che al jere sucedūt di mil agns in ca, denant che vueris e assis nazionalistichis a fasessin su spaltadis pusticis, che la int comun no rivave a capī.

Faust Schiavi al murķ di 44 agns, ai 23 di Zenār dal 1972, vint spindūt nome chźs mil e siscent zornadis de sō curte esistence a la guide di un gnūf piēul partīt, cence ideologje, ma impegnāt in maniere ferbinte pe difese e pe valorizazion dal Friūl, leāt in maniere sclete ai principis de libertāt, de democrazie e dal vźr europeisim.

Renzo Balzan - Gnovis Pagjinis Furlanis 1997 pagjinis 7-8-9.