{廣州第n遊}

廣州呢個地方同好有緣, 識我的朋友知我想講乜架啦, 多講無謂lor!

<相機>

今次我同朋友帶了以下數碼相機去狂影相(三日兩夜的廣州行都可以影二百張相, 我真係"近"!):

<酒店>

酒店: 海濤有一居(即海濤酒店5樓)

1. 好少在廣州住酒店, 我多數住招待所或賓館, 今次朋友推介的, 未試下好唔好lor!

2. 酒店設施可以話冇乜, 但裝修就幾簡約, 幾靚的. 唔好諗買野返去雪凍飲, 有一居不設雪櫃的, 因為環保喎.

3. 位置就其實唔係咁好, 縱使個地圖畫到好似好近廣州東站咁, 但係坐的士保守估計要18-20人仔左右(我慣了坐地鐵同巴士, 所以唔覺得平. 恐怖!). 而且間酒店唔近地鐵站, 要行成15mins先到.

4. 靜中帶旺算係一大優點啦, 因為佢間酒店附近就未算好嘈, 隔音好呱, 酒店對出就係黃埔大道, 好多車呢. 跟住肯行唔使打的, 就可以去到天河購物中心, 有吉之島架! 我至like去o個度買野食.

5. 價錢對香港人來說幾合理架啦, 打電話booking價只需290人仔一晚.

想知多D, 去呢個網址UNOTEL睇啦, 有一居在廣州有四間架.

<交通工具>

坐乜鬼飛機呀? 有幾遠喎, 搞手續仲耐過坐巴士或者火車啦.

去廣州有好多方法:

1. 船, 由上環或尖咀上船坐到去廣州, 聽聞係2小時左右喎. (去中旅社買啦!)

2. 直通巴士, 主要由旺角開出, 經皇崗或者其他關口, 再經廣深公路直去廣州, 時間就要4小時左右啦. 價錢仲好平呢, 有些HK$80有交易架啦. (去中旅社買或者旺角球場附近買啦!)

3. 直通火車, 亦都係我今次旅行方法, 由紅磡坐到去廣州東站, 你可以揀班不停站的, 大約1.5小時就到. 價錢嘛, 相對地實貴D架啦, 不停站o個班要HK$230一程, 但快嘛, 又唔使同人o係羅湖迫親死. 而且佢主要針對商務客, 所以車箱的設計都比較現代化, 仲有唔使錢的汽水飲. (去中旅社買啦)

4. 深廣火車, 係我以前去廣州最常坐的交通工具.  由深圳火車站即場可以買票坐火車直去廣州東站, 有些會停站, 有些直達. 價錢大概係90人仔左右吧, 唔係好記得啦, 加了唔少價. 至於秩序嘛, 一般架咋, 尤其是回程, 有時好多人扮野坐你個位但原來係係企位票, 冇位坐, 又爭先恐後. 不過, 去大陸, 你個性格一定要變, 變得唔怕死, 人迫你你迫人, 唔使怕佢, 佢地自然會冇咁過份. 呢個係我多年經驗. (去中旅社或去到深圳火車站先買lor, 十幾廿分鐘就一班架啦!)

5. 飛機, 若果你真係有錢, 未坐飛機去lor, 白雲機場落.  我冇資料啊, 我都唔坐. (問旅行社.)

<兌換價>

o個時個兌換價真係唔多記得, 大概HK$100:人仔107吧! 在香港換啦, 感覺安全d!

Reported On: May 2004

powered by SignMyGuestbook.com