{廣州第n遊}

Day 2: Guangzhou (26 Dec 2003)

縱使我訓到成一點先起身, 但都係個樣唔夠訓咁, 不過真係好正....若果間酒店再靜d就好啦. 酒店就係呢d地方衰, 朝早好多人出出入入, 又打掃喎, 其實都好多雜音架. 不過又好在, 呢間酒店冇大陸酒店的通病, 就係縱使你掛了個牌"請勿騷擾", d員工都係照敲門可也. 或者根本佢地係有敲, 而係我自己聽唔到訓得太好吧.)

起身肚餓, 咁未去最近的天河城頂樓food court食lunch lor. 四年前呢個food court d野好好食架, 但係今時今日已經唔同晒啦. 我仲要叫了一碗辣到死的米線, 食了兩啖就唔食, 寧願再叫另一樣野返來食. (在大陸食野就係可以咁"豪", 平嘛!)

lunch點唔好食, 我都會令自己再開心d, 就係食番杯雪糕, food court的雪糕一d都唔平, 單球要十蚊架, 食個飯都得lor. 但好味道, 開心番晒!

之後就坐地鐵去黃沙(發音: 往沙)行下文具批發中心, 縱使自己唔會有野買.

坐地鐵去到黃沙, 個站真係唔同晒, 完全唔記得點行番去個批發中心呢, 仲傻下傻下咁兜了個大圈先望到個大紅底白字"誼園".

呢個地方確實有好多好多的文具, 任君選擇呢! 唔多講lor, 有心想擺個檔口賣文具精品之類, 自己來廣州行個圈吧!

之後, 就行去附近的上下九啦! 上下九呢條步行街我諗唔少人都聽過啦! 出晒名lor, 其實上下九在四五年前唔係咁架, 簡陋好多啦, 又或者另外一個講法, 冇咁人工化吧!

其實上下九都係賣一些內地出品的衫褲之類, 或者賣下土產cd, vcd, dvd咁啦! um...不過呢度有兩三間幾出名下的酒樓, d香港團就至鐘意去o個度食飯架啦! 不過我呢d自由行一次都冇去過呢, 縱使以前長期o係廣州都冇去過一次呢.

反而, 我極力推介咁多位去食拉布腸, 就係腸粉啊! 好好味真係, 個皮又簿, 肉都幾多架, 總之一份都係不過係人仔$2.5(四五年前價錢), 已經有成三大條, 食到飽一飽. 再唔係加多碟乾炒牛河lor, 都係人仔$5(四五年前價錢). 總之物超所值!

um....奈何步行街越來越人工化後, 呢d拉布腸鋪頭好似買少見少lor! 反而小食鋪頭就越開越多, 例如賣人仔$3一串的串燒, 人仔$4六粒的章魚小丸子, 人仔$2一杯的珍珠奶茶.

成條上下九路我至高興的都係可以影到人仔$5一張的貼紙相, 真係抵到爛! 仲要係超搞笑的設計, 用keyboard按鍵拍照, 拍得唔靚可以右click mouse重影, 實在正到爆啊! 香港d衰人$40的日本機, 邊有咁好死俾你無限任影呀? o個d機鬼唔望你可以快快拍完, 倒數超快o個隻. 大陸貼紙機最wonderful的係可以免費過膠啊, 仲要有光面, 啞面, 乜都有得揀啊! 仲要免費幫你cut埋啊, 唔使坐o係張小朋友椅上用把小朋友用的剪刀去cut貼紙相lor! oh...我愛大陸貼紙機!

跟住, 我諗亦都好多香港人都會識的地方

行完啦, 未返番去我地住的附近, 即天河區搵野食lor. 行下行下, 又俾我地搵到間好野食.

地址: 天河城附近 (即吉之島個商場附近啊, 名字不但記得啦!)

主要食台灣fusion菜, 裝修就真係廣州食肆算型爆的一間. 有條cat walk大道, 好似香港時代13樓的山葵日本fusion菜咁, 總之就係食裝修啦.

味道嘛, ok啦! 但價錢絕對係香港價啊, 平均一個小菜都要$60人仔, 一杯芒果沙冰都要$28人仔架. 一d都唔平架!

食台灣野我就至鐘意食A菜, 我記得A菜即係油墨菜. 用好好味的汁炒成的A菜, 係送飯的首選!

*縱使在我心目中或者眼見廣州比深圳安全些, 但大家都係唔好太夜去得, 免生危險嘛!

Reported On: May 2004