{廣州第n遊}

Day 1: HK>Guangzhou (25 Dec 2003)

廣州, 呢個係我非常熟悉的地方, 但已經成年冇去啦, 或多或少已有改變!

對上一次去, 廣州東站的樣子已在不停轉變. 今日終於見到佢叫做完工的樣子, 再一次證明要一樣建築物有氣勢. 首要條件就係"浪費"空間.

對於曾經去過廣州的朋友, 而家應該比以前冇咁"驚"吧! 因為感覺上火車站現代化了不少, 起碼裝修比我四年前時先進得多, 爛地都少好多啦, 仲有乞丐都冇咁亂來吧!

一落車已非常感受到"霧都"的魅力! 唔係英國的霧都啊, 係廣州特有的架! 呢d唔係霧, 係長期處於工程下及工廠"努力"下所得來的塵及霧. 咁多年都唔見佢有散退的跡象呢!

之後, 唔知係未慣了在大陸唔怕坐巴士地鐵, 縱使的士好平我地都冇坐的士直接去酒店, 反而係坐地鐵然後行一大段路先去到海濤有一居. god!!!行到腳痛又累又出汗仔呢! (所以, 想住呢間酒店的朋友, 都係打的方便d.)

入到酒店間房真係唔錯, 簡約得來都幾舒服, 有別於一般酒店, 裝修確實不錯. 之不過, 簡約到連電冰箱都冇, 在吉之島買落的飲品都冇機會雪凍, 買定的奶都係快快飲完算數呢!

休息了一會兒, 因為頂唔住, 都係打的去北京路. 北京路是一段步行街, 街旁都有唔少的購物商場, 店舖林立.

因為只係o係火車上兩人食了一個盒飯, 完全唔夠飽, 所以去到北京路就係要搵食啦! 由於冇乜目標, 所以是但搵間裝修好少少的餐廳入去. 居然...入到佢係食聖誕大餐, 哈...二人份量埋單八十幾蚊人仔, 價錢真係唔算好平, 但比香港已平好多啦.

o係北京路有個婚紗show, 連船都泊埋o係街頭, 又有d唔靚的人做model, 搞埋d玩新郎新娘遊戲, d人睇到不知幾咁開心呢. (我都睇住d人睇show睇得好高興.)

跟住周圍行下, 搵下有冇dvd機買. 

當然又係冇收獲啦.....

之後就行去北京路附近的比較潮的商場行下, 個名好似叫潮流xx, 唔

夜了, 就根據我個schedule去沐足啦.

居然有朋友問咩叫沐足?! 其實即係浸腳再加按摩. 好舒服架, 個妹姐話女仔唔好浸中葯喎, 太乾燥唔o岩我. 要浸牛奶浴, 係貴多十幾蚊, 但係就浸大桶, 浸至小腿, 多麼的舒服啊.

o係按摩的過程中, 我就不停同個妹仔傾偈, 傾下傾下, 發現佢四年冇返過屋企, 一直住在廣州, 佢家鄉係在廣西喎. 總之傾了好多啦, 個妹仔仲以為我係台灣人, 因為我d普通話好喎, 我又聽得明佢講乜. 呵...俾人讚真高興!!!

想知間野o係邊? 大概位置係在東方賓館方向行然後左拐, 好難形容呢....想知留個言話我知, 我搵番張咭片話個地址你知.

小桶: 浸至腳眼位, 中葯為主, 大概七八十分鐘, $48人仔.

大桶: 浸至小腿位置, 有好多種味道, 有牛奶, 薰衣草等等, 八十分鐘, $58人仔左右

*記住, 直通車或者深廣火車都會"有雞脾賣", 我真係好鐘意食架. 直通車有時只得雞脾盒飯, 但深廣火車就實有$10雞脾, 好吃爆!

Reported On: May 2004