{廣州第n遊}

又是廣州啊, 我一年實去一次架啦! 冇法子, 太有感情啊!

<相機>

今次我帶了以下數碼相機去狂影相(這次亦係我最後一次用呢部機, 因為之後佢無故壞了!):

<酒店>

酒店: 花園酒店

1. 今次見中旅做緊花園酒店PROMOTION, 平平地, 就試下住LOR.

2. 酒店設施可我冇乜點享用過, 出去行下街好過啦. 之不過因為我BOOK的雙人房已爆滿, 佢就UPGRADE左我地去商務客房, UMUM....唔錯啊, 有張坐到三四人的梳化架.  應有的酒店房內設備都有.

3. 位置就其實唔係咁好, 完全唔近地鐵站, 行都行成啊, 仲要係唔識點行, 是但試下行去, 點知行左兩個站. 唉... 坐的士啦香港人. 不過, 佢確實係位於幾旺的地區, 周圍好多特色酒吧, 餐廳, 仲有商場.

4. 好在我係住商務樓層, 所以環境尚算寧靜, 唔會有太多人出出入入的開關門聲.

5. 價錢對香港人來說幾合理架啦, 冇記錯係人仔390, OK啦.

想知多D, 去呢個網址花園酒店睇啦.

<交通工具>

坐乜鬼飛機呀? 有幾遠喎, 搞手續仲耐過坐巴士或者火車啦.

去廣州有好多方法:

1. 船, 由上環或尖咀上船坐到去廣州, 聽聞係2小時左右喎. (去中旅社買啦!)

2. 直通巴士, 主要由旺角開出, 經皇崗或者其他關口, 再經廣深公路直去廣州, 時間就要4小時左右啦. 價錢仲好平呢, 有些HK$80有交易架啦. (去中旅社買或者旺角球場附近買啦!)

3. 直通火車, 由紅磡坐到去廣州東站, 你可以揀班不停站的, 大約1.5小時就到. 價錢嘛, 相對地實貴D架啦, 不停站o個班要HK$230一程, 但快嘛, 又唔使同人o係羅湖迫親死. 而且佢主要針對商務客, 所以車箱的設計都比較現代化, 仲有唔使錢的汽水飲. (去中旅社買啦)

4. 深廣火車, 係我去廣州最常坐的交通工具.  由深圳火車站即場可以買票坐火車直去廣州東站, 有些會停站, 有些直達. 價錢大概係90人仔左右吧, 唔係好記得啦, 加了唔少價. 至於秩序嘛, 一般架咋, 尤其是回程, 有時好多人扮野坐你個位但原來係係企位票, 冇位坐, 又爭先恐後. 不過, 去大陸, 你個性格一定要變, 變得唔怕死, 人迫你你迫人, 唔使怕佢, 佢地自然會冇咁過份. 呢個係我多年經驗. (去中旅社或去到深圳火車站先買lor, 十幾廿分鐘就一班架啦!)

5. 飛機, 若果你真係有錢, 未坐飛機去lor, 白雲機場落.  我冇資料啊, 我都唔坐. (問旅行社.)

<兌換價>

o個時個兌換價真係唔多記得, 大概HK$100:人仔105-106吧! 在香港換啦, 感覺安全d!

Reported On: May 2004

powered by SignMyGuestbook.com