{廣州第n遊}

Day 2: Guangzhou>香港 (10 Apr 2004)

諗定左今次廣州遊一定要去暨大母校影相, 所以一早起身就打的去暨大附近的自由空間食lunch.

呢野自由空間以前星期六久唔久都會去食, 做左咁多年, 依然做得住, 證明呢間野賺到錢.

食飽飯就經暨大西門入去校園內. OH......好得意個感覺, 好似返番去讀書時期一樣.

沿途不停拍照留念, 亦見到好多BUILDING都唔同晒, 同以前讀書時期好唔同. 畢竟已有六年的光景嘛.

跟住影晒相又去了行前少少的電腦場一心諗住掃老翻, 點知....原來呢個場賣的老翻係DVD壓縮版, 我諗即係只可用電腦睇, DVD機未必PLAY到.

又唔死心的情況下, 又坐車去了海印城. 去到點知又面目全非, 以前狂掃的DVD鋪而家又冇乜, 應該係海關掃蕩過吧.  後來好辛苦先搵到D卡通買, 仲要係收收埋埋好難搵.

最後唯有放棄吧, 坐車去埋書城, 然後就坐地鐵去火車站返深圳回港去...

*唔好以為去書城實會可以買到好多愛情小說, 反而只得幾本咁多. 反而去一D小型書店, 就會有好多呢類型的小說賣, 大家不況留意.

以前一有體育堂我就要O係呢個場內操三小時羽毛球. LOCATION: 邵逸夫體育館	以前沒有的建築物. LOCATION: 體育館對出	呢度的豉油雞好好味, 一份好似$2.5人仔. 打飯時好難爭, 要早到先有得食. LOCATION: 飯堂

以前呢度係一間小型超市, 有面飽賣, 個牛角飽好好味, $1.5人仔一個. LOCATION: 變了樣的超市	以前呢度係d好舊式鋪頭, 而家變了裝修, 仲有間書店有超多小說賣啊. LOCATION: 暨大西門附近	望上去就係自由空間的位置啦. LOCATION: 自由空間對出

Reported On: May 2004