{廣州第n遊}

1st Day 2nd Day

Day 1: HK>Guangzhou (9 Apr 2004)

又再一次去廣州, 始終要搵個又唔使坐飛機, 又可以離開香港的旅遊點, 我真係諗唔到邊到, 珠海又剛去完喎, 所以....又廣州lor!

今次同以往的廣州遊好唔同, 因為今次係我第一次拎住本旅遊書去玩, 玩化有點兒不同.

一早坐KCR上羅湖, 快步仔咁去火車站買票, 點知, 出事啦, 人多到死, 搞到我要在深圳呆等兩個多小時先上得車, 仲要係企位啊.   氣死我, 企位都要賣$70人仔, 有冇搞錯啊.

在呆等其問, 唯有去羅湖城BBC食個TEA打發時間LOR.

上到火車, 真係好多人都係企位, 但D人多數係落樟木頭架, 車程只係廿分鐘左右.  在火車遇到個好好人的婆婆, 佢好叻咁搵到張摺椅, 仲分一半俾我坐啊, 佢真係一個好婆婆啊. 佢落了樟木頭後, 我地走去搵番位坐, 因為好多人都係落樟木頭架嘛, 未有空位LOR.

一個小時左右就到廣州東站, 既然有地鐵, 當然坐地鐵試下去花園酒店, 當然最後我係失敗啦, 因為花園酒店根本一D都唔近地鐵架.  只好再轉坐的士啦.

就係咁已漸入黃昏, 就決定去上下九路行下先LOR, 因為我有一大目的, 就係去荔灣廣場影貼紙相.  點知我最後都要失望而回, 因為搵唔番間鋪, 或者根本已結業或者關門了.

唯有無無聊行上下九, 行下行下見到d香木珠仔, 買來放在衣櫃內除臭, 十蚊六包. 跟住又買了d草餅咁的餅仔來食, 十蚊又八件.

諗住夜晚去食中菜, 就試下香港人好熟識的三大茶樓, 點知...唉....未鬼去啊, 簡直太過份呢.

1. 蓮香樓, 滿位就算啦. 個姐仔又超無禮貌, 問佢有冇位, 答單字"冇", 乜都唔講. 我再問幾時有位, 唔多願答, 好難為佢咁先答話廿幾分鐘, 完全冇意欲幫你mark低預位. 頂佢個肺, 俾錢食你野咁的態度, 掉頭走人.

2. 淘淘居, 我又頂佢啊, 態度超差, 為叫號碼而叫, 問佢野十問九唔應. 一味叫number. 終於肯理我啦, 問佢有冇夜茶, 話九點後先有, 跟住問多句又唔願答. 我再問佢可唔可以一路食, 食到九點飲埋夜茶, 佢個xx答我兩個字"唔得". 好...你有種, 我唔鬼食你.

3. 廣州酒家, 呢間野仲驚, 搵個高叉女都唔見, 只見有個食蕉企門口. 終於俾我見到有個高叉女, 問佢有冇夜茶, 佢只答入去裏面問. 阿姐, 你路過架? 你唔係呢度職員來架? 有冇你唔知架? 頂....

激鬼氣決定離開上下九, 唔食呢區的野. 而家d酒樓咁樣服務態度, 唔怪得外國人話我地中國人冇文化, 抵話架.

見旅遊書有個好地方叫潮流xx, 諗住有酒樓啦. 去到有個商場, 年青人行的, 一心諗住影埋貼紙相, 頂...香港價, 三四十蚊影一次, 同香港一樣影鬼咩.

唯有去隔離的中華廣場, 去到有間酒樓, 但人形冇隻, 當時係九點半左右, 冇人, 嚇親, 掉頭走.

跟住又入一間西餐廳, 點知坐低左佢先話冇野食, 得野飲. 又頂...掉頭走. 就係咁不停浪費時間, 唉...

最後未又去番上次o個間天河城隔離的台灣料理lor. 有得食算lor, 開心番.

為了令自己更開心, 返到酒店放低野後就再去沐足, 去了間在花園酒店附近的按摩店, 我諗當時我地已經係last一批客lor. 我個係男師傅, 按得不錯. 但朋友的係女師傅, 話佢按得一般.

不過, 有樣野係按摩店的特色, 就係好多女的按摩師傅都係要露d出來俾男人睇先安落, 或者希望有下場吧. 大家留意下吧, 唔係偏見, 係我朋友(男的)都覺得做認真的按摩何需短褲, v領呢.

呢間鋪按80mins要$65人仔左右(唔係好記得個實價), 但呢間係算偏貴的一間按摩店lor.

再之後, 已經夜晚接近一點, 要再繼續夜生活, 就去了飲杯drink. 揀了間好英國色的pub坐低, 間野好似叫kevin cafe. 當時係夜晚十一點左右, 街已冇乜人lor. 但間cafe對面間叫TANG的disco或者pub就川流不息, 好多人出出入入啊.

呢間pub好舒服, 唔會嘈到死, 傾偈真係一流, 一杯cocktail平均$40人仔左右, 合埋價錢, 夠大杯, 而且幾好味呢.

位置是在花園酒店的側面出口條路一直行, 沿途會見到唔少有特色裝修特別的餐廳同pub.

*奉勸各位, 有錢都唔好俾我上述o個三間酒樓賺, 你跟團冇得講, 但自由行未鬼去.  我寧願大家去下石牌附近的小型茶樓, 味道好之外, 服務好過呢三間多多聲, 價錢仲好地道.

打發時間的好地方.

LOCATION: 羅湖城BBC

廣州地鐵幾乾淨

LOCATION: 地鐵車箱內

Check-in中

LOCATION: 花園酒店大堂

有本旅遊書介紹呢間鋪頭, um...或者貪佢舊吧.

LOCATION: 上下九路的水壺店

口痕, 買小食先.

LOCATION: 荔灣廣場

搵唔到野食唯有影相留念

LOCATION: 中華廣場

張皮梳化幾好坐啊.

LOCATION: kevin cafe

有利位置, 望晒出面環境, 一流傾偈地方.

LOCATION: kevin cafe

對面呢間好多鬼佬出出入入架.

LOCATION: tang

個感覺好舒服啊

LOCATION: kevin cafe門外

由上下九拎到返酒店的小食草餅

LOCATION: 花園酒店內

Reported On: May 2004

setstats 1