LA SEMBRAORA D´AMOL

  -¿Ándi ía tan templanu,
  la modina templanera
  Con el ehcrinu al cuairil
  Y el ceachu a la caeza?
  ¿Ándi ía que, to 'l día,
  Tubi mi pinsión con ella?

  ¿Ándi ía la modina
  Que coló po' la mi puerta
  Con una rosa en 'a boca,
  La hoci en 'a manu, ihquierda?
  ¿Ándi ía que, to 'l día,
  Tubi mi pinsión con ella?

  ¿Ándi ía la modina
  Con toa la cargamenta,
  Si idin qu' eh l' atarina
  De no sé cuantah cosechah?
  ¿Ándi ía que, to 'l día,
  Tubi mi pinsión con ella?

  ¿Ándi ía la modina
  Tan pulía, tan dihpuehta?
  - Ía a recohel amol,
  Que lo arramó pol cosecha.