Ekzercaro Esperanto

Ekzercaro

Grupo de ejercicios

§ 21.

La feino (Dawrigo).

Apenaw shia patrino shin rimarkis, shi kriis al shi: "Nu, mia filino?" - "Jes, patrino", respondis al shi la malghentilulino, eljhetante unu serpenton kaj unu ranon. - "Ho, chielo!" ekkriis la patrino, "kion mi vidas? Shia fratino en chio estas kulpa; mi pagos al shi por tio chi!" Kaj shi tuj kuris bati shin. La malfelicha infano forkuris kaj kashis sin en la plej proksima arbaro. La filo de la regho, kiu revenis de chaso, shin renkontis; kaj, vidante, ke shi estas tiel bela, li demandis shin, kion shi faras tie chi tute sola kaj pro kio shi ploras. - "Ho ve, sinjoro, mia patrino forpelis min el la domo".

§ 22.

Fluanta akvo estas pli pura, ol akvo staranta senmove. - Promenante sur la strato, mi falis. - Kiam Nikodemo batas Jozefon, tiam NNikodemo estas la batanto kaj Jozefo estas la batato. - Al homo, pekinta senintence, Dio facile pardonas. - Trovinte pomon, mi ghin manghis. - La falinta homo ne povis sin levi. Ne riprochu vian amikon, char vi mem plimulte meritas riprochon; li estas nur unufoja mensoginto dum vi estas ankoraw nun chiam mensoganto. - La tempo pasinta jam neniam revenos; la tempon venontan neniu ankoraw konas. - Venu, ni atendas vin, Savonto de la mondo. - En la lingvo "Esperanto" ni vidas la estontan lingvon de la tuta mondo. - Awgusto estas mia plej amata filo. - Mono havata estas pli grava ol havita. - Pasero kaptita estas pli bona, ol aglo kaptota. - La soldatoj kondukis la arestitojn tra la stratoj. - Li venis al mi tute ne atendite. - Homo, kiun oni devas jughi, estas jughoto.

§ 23.

La feino (Fino)

La reghido, kiu vidis, ke el shia busho eliris kelke da perloj kaj kelke da diamantoj, petis shin, ke shi diru al li, de kie tio chi venas. Shi rakontis al li sian tutan aventuron. La reghido konsideris, ke tia kapablo havas pli grandan indon, ol chio, kion oni povus doni dote al alia frawlino, forkondukis shin al la palaco de sia patro, la regho, kie li edzighis je shi. Sed pri shia fratino ni povas diri, ke shi farighis tiel malaminda, ke shia propra patrino shin forpelis de si; kaj la malfelicha knabino, multe kurinte kaj trovinte neniun, kiu volus shin akcepti, baldaw mortis en angulo de arbaro.

§ 24.

Nun li diras al mi la veron. - Hieraw li diris al mi la veron. - Li chiam diradis al mi la veron. - Kiam vi vidis nin en la salono, li jam antawe diris al mi la veron (aw li estis dirinta al mi la veron). - Li diros al mi la veron. - Kiam vi venos al mi, li jam antawe diros al mi la veron (aw li estos dirinta al mi la veron; aw antaw ol vi venos al mi, li diros al mi la veron). - Se mi petus lin, li dirus al mi la veron. - Mi ne farus la eraron, se li antawe dirus al mi la veron (aw se li estus dirinta al mi la veron). - Kiam mi venos, diru al mi la veron. - Kiam mia patro venos, diru al mi antawe la veron (aw estu dirinta al mi la veron). - Mi volas diri al vi la veron. - Mi volas, ke tio, kion mi diris, estu vera (aw mi volas esti dirinta la veron).

§ 25.

Mi estas amata. Mi estis amata. Mi estos amata. Mi estus amata. Estu amata. Esti amata. - Vi estas lavita. Vi estis lavita. VVi estos lavita. Vi estus lavita. Estu lavita. Esti lavita. - Li estas invitota. Li estis invitota. Li estos invitota. Li estus invitota. Estu invitota. Esti invitota. - Tiu chi komercajho estas chiam volonte achetata de mi. - La surtuto estas achetita de mi, sekve ghi apartenas al mi. - Kiam via domo estis konstruata, mia domo estis jam longe konstruita. - Mi sciigas, ke de nun la shuldoj de mia filo ne estos pagataj de mi. - Estu trankvila, mia tuta shuldo estos pagita al vi baldaw. - Mia ora ringo ne estus nun tiel longe serchata, se ghi ne estus tiel lerte kashita de vi. - Law la projekto de la inghenieroj tiu chi fervojo estas konstruota en la dawro de du jaroj; sed mi pensas, ke ghi estos konstruata pli ol tri jarojn. - Honesta homo agas honeste. - La pastro, kiu mortis antaw nelonge (aw antaw nelonga tempo), loghis longe en nia urbo. - Chu hodiaw estas varme aw malvarme? - Sur la kameno inter du potoj staras fera kaldrono; el la kaldrono, en kiu sin trovas bolanta akvo, eliras vaporo; tra la fenestro, kiu sin trovas apud la pordo, la vaporo iras sur la korton.

§ 26.

Kie vi estas? - Mi estas en la ghardeno. - Kienn vi iras? - Mi iras en la ghardenon. - La birdo flugas en la chambro (= ghi estas en la chambro kaj flugas en ghi). - La birdo flugas en la chambron (= ghi estas ekster la chambro kaj flugas nun en ghin). - Mi vojaghas en Hispanujo. - Mi vojaghas en Hispanujon. - Mi sidas sur segho kaj tenas la piedojn sur benketo. - Mi metis la manon sur la tablon. - El sub la kanapo la muso kuris sub la liton, kaj nun ghi kuras sub la lito. - Super la tero sin trovas aero. - Anstataw kafo li donis al mi teon kun sukero, sed sen kremo. - Mi staras ekster la domo, kaj li estas interne. - En la salono estis neniu krom li kaj lia fianchino. - La hirundo flugis trans la riveron, char trans la rivero sin trovis aliaj hirundoj. - Mi restas tie chi law la ordono de mia estro. - Kiam li estis che mi, li staris tutan horon apud la fenestro. - Li diras, ke mi estas atenta. - Li petas, ke mi estu atenta. - Kvankam vi estas richa, mi dubas, chu vi estas felicha. - Se vi scius, kiu li estas, vi lin pli estimus. - Se li jam venis, petu lin al mi. - Ho, Dio! kion vi faras! - Ha, kiel bele! - For de tie chi! - Fi, kiel abomene! - Nu, iru pli rapide!

§ 27.

La artikolo "la" estas uzata tiam, kiam ni parolas pri personoj aw objektoj konataj. Ghia uzado estas tia sama kiel en la aliaj lingvoj. La personoj, kiuj ne komprenas la uzadon de la artikolo (ekzemple rusoj aw poloj, kiuj ne scias alian lingvon krom sia propra), povas en la unua tempo tute ne uzi la artikolon, char ghi estas oportuna sed ne necesa. Anstataw "la" oni povas ankaw diri "l'" (sed nur post prepozicio, kiu finighas per vokalo). - Vortoj kunmetitaj estas kreataj per simpla kunligado de vortoj; oni prenas ordinare la purajn radikojn, sed, se la bonsoneco aw la klareco postulas, oni povas ankaw preni la tutan vorton, t. e. la radikon kune kun ghia gramatika finigho. Ekzemploj: skribtablo aw skribotablo (= tablo, sur kiu oni skribas); internacia (= kiu estas inter diversaj nacioj); tutmonda (= de la tuta mondo); unutaga (= kiu dawras unu tagon); unuataga (= kiu estas en la unua tago); vaporshipo (= shipo, kiu sin movas per vaporo); matenmanghi, tagmanghi, vespermanghi; abonpago (= pago por la abono).

Siguiente