|
31/12/2004 - The End? The Beginning? A great day... |
|
30/12/2004 - 冬天... 終於feel到而家係冬天... 仲要響城門河... 一路划一路feel... 雖則唔划既時候d風吹埋黎, 真係凍到傻... 今日自己feel到應該划得好過以前小小... 拉機都好過之前, 至少叫用得多小小咁多腳力... 唔會有對腳響度但發唔到力... 划完艇, 食左個浪, 個身凍冰冰, 快快手洗艇, 跟住諗住沖返個熱水涼... 點知, 艇會個熱水供應有bug: |
|
27/12/2004 - 復出... 好耐無同順利班同學仔踢過波... 雖然今日下晝要land train, 夜晚要boat train... 但真係好耐無踢啦... 所以點都蒲頭... 雖然, 就點都會留d力... 廢事下晝被操死... |
|
26/12/2004 - 性感迷人現代單車褲... 今日同埋阿傑, 阿光, 小康 (又名王子)同埋阿Rick去左旺角買單車褲... 本來呢, 應該都係諗Super X架啦, 但係Super X d波衫同埋波褲既料令人對佢既信心... 話晒條褲都係除左under之外最貼身之物... 當然要小心選擇... 不過響旺角轉黎轉去, Nike同埋Adidas都係得 0個幾款, 而且唔係純色... 似乎唔係咁好... 結果傾左一輪, 都係決定返Super X度買... 不過我地夠晒誇張... 佢地唔夠十條大碼比我地呀... 最後我地就唔可以take個mean value, 要分返買兩條細碼, 三條加大碼, 五條大碼咁買... 話唔定人地都唔知幾多個月先賣得出一條單車褲... 點會一買就十條咁... 買完野, 同埋小康去左信和... 好耐無買老翻碟... 真係一頭煙... @.@ |
|
24/12/2004 - 平安夜... 同往年一樣... 留左響應該係最平安既地方渡過... |
|
23/12/2004 - 復操... 停左個exam period, 終於開始返rowing boat train, 不過今日, 自己無論係d技術, 體能同埋反應... 連埋個心理都好似好好好唔掂咁... 1月有比賽, 我真係唔知有無可能有突破... 不過, 城門河既夜景真的不俗... 第一次響條河中心睇返上去... 一般情況下, 20歲既時候, 係谷體能既黃金時期, 呢個時候谷體能, 進步最快, 而且留得最耐... 但我20歲既時候就只係由朝到晚做仆直... 而家, 真係唯有希望有心唔怕遲... |
|
21/12/2004 - 滿天星... last一科exam, PHYS002, 真係做到我滿天星... mid term淺一淺, 但係exam就深到傻... 就算open notes都於事無補, 都唔知應該點用佢d formula... 不過, 總算係放一個漫長既sem break... 有時間睇返下d電腦閒書... |
|
20/12/2004 - 觸電... ELEC102... 但願, 不用retake... winter break我自當惡補進修的了... 仲要係中文書... |
|
18/12/2004 - 蝕桌... 今日考COMP252... 之前email講明剩考mid term後既topics... 本來我唔信tips的, 會照溫埋開頭既野... 但實在懶啦... 唯有信佢唔會呃我... 不過, 如果我早知份卷係今日咁既, 我頂多會用大半日黎溫就算, 其他時間用黎溫ELEC... 份卷d題目嘛, 除左有10分要背野, 有10分要諗下野發揮下, 剩低既就係... 小學生都識做既加減乘除數 if and only if 記得晒d algorithm點run... 份卷都應該唔會差 if and only if 我無記錯algorithm && 我無大頭蝦計錯數... 但大頭蝦<=>君... |
|
15/12/2004 - University of Stress and Tension... 估唔到, 個校名, 唔係剩係for students, 就連professors同埋TA都係咁... COMP171尋日先考, 今日出到分... (雖然後尾唔知做乜, 又攪笑到close返佢... 扮晒無出過咁...) 個分我都好滿意啦, 無乜好求... 但係乜野grade, 就要睇埋個mean先知... 話明拉curve嘛... 不過佢尋日7點幾就改好卷... 速度之驚人, 實在得人驚... 即管試下計下條數, 話唔定可以從佢改卷速度, 推算到個mean出黎: 一計, d效率快到得人驚... 但都係好接近計算範圍, 即係改卷中途應該唔會有乜野大意外... 嗯嗯, 即係, 個mean會幾正路... 不過, 今日諗既時候諗錯野, 就係唔記得左有6個人改卷咁多... 用左serial既方法去計, 計到要37個鐘改卷... 如果係咁既話, 一係就d卷好多空白, 或者擺明就錯既野, 唔使改, 或者就係, 亂咁改... 係咁既話, 真係唔知個mean應該點估... 個grade... 總算滿意... 呵呵... |
|
14/12/2004 - 死得舒服, 仆得心服... 死得舒服: 晏晝, 去圖書館溫書, 順便訓個覺先... 中學之後, 估唔到仲有一日兩科exam呢回事... 仆得心服... 總括今日exam, 唯有寄望朱經武大赦科大... |
|
13/12/2004 - 考前的痴線... 讀到AVL Tree, 我竟然突然諗到A for Adult, V for Video, L for Ladies... 而Tree, 當然諗起"直竪母指"... 睇黎, 神經錯亂了, 但願聽日考試, 我唔會寫呢d野比professor睇... |
|
8/12/2004 - 被fake... 今日, 呢個sem最後一日返學... 本來可以唔使返, 但係, 都要返一返去交功課... 交完功課, 走... 點知響小巴度禁禁下部palm既時候, 發覺原來有個compulsory既talk要聽, 講IC Training的... 中計, 唯有返屋企hae陣再返去... 點知由個talk既頭聽到尾, 走埋... 都無點名呢回事... 咁即係唔係compulsory啦... 咁我浪費10蚊返去聽個talk把... |
|
6/12/2004 - ROW001... 呢個sem, last一次land train, 要做assessment... 跑圈, 快過上個week成分幾鐘, 可能上個week胃痛加埋一開始扯得太快掛... 掌上壓, 終於返到F.6時候既level啦... 不過整體黎講, 而家應該fit過中六 0個時, 因為我中六做既運動, 響正常情況下, 有廿米既短跑已經足夠有餘... 但, 可能assessment真係連飲奶力都谷埋出黎... 個大脾痛到痴線, 真係企都幾乎企唔穩... |
|
5/12/2004 - 變成點? 睇同一張畢業相... Daphne覺得我個人relax左... 但Rita會覺得我殘左... 即係點? |
|
4/12/2004 - 下水生日禮... 今日練艇... 練到尾段, 終於都feel到四條友夾到 0個下, 架艇會幾咁去... 剩係arms and body都好快... 好想快d練好d技術... 八條友一齊full slide既話, 一定興奮到爆... 阿May今日生日... 當然, 要祝佢生日快樂... 唱生日歌一定唔小得, 不過呢d只係前戲. 至於戲玉... 當然就係祭城門河... 首當其衝既當然係Sunny... 鬼叫佢一朝早返到黎, 衫都未換就同我講阿May今日生日 (但其實, ICQ個汽球已經提晒水...), 仲要講佢自己無衫換, 我覺得佢想代阿May落水囉... 我同阿光負責捉佢落去, 但唔知點解阿光咁失策, 比Sunny拉埋落水... 最慘佢無後備under嘛... 跟住我擰返轉頭, 發覺有"四朵金花"圍住我... 講身位佢地都好難推到我落水, 為免一陣會有d莫名其妙既落水方法, 所以我自己淺跳式飛左落去... 上返水之後, 就遂個遂個行刑啦... 另一個無後備under既阿傑都遭殃... 阿Rick 可能feel到勢色唔對, 自己醒目投河... 阿康響河邊都被推落去... 跟住Eric又被我同阿傑用anti phase既方法拋埋落水... 就連唔識游水既河馬都要做池上壓... 結果男仔就得返阿Tim同埋小康可以幸免... 女仔方面... 壽星女當然一定要用黎祭河神啦... 跟住阿Ming, 阿寶同埋Mina響一場撕殺後亦都相繼落水 (見到佢地既撕殺, 慶幸我醒目自己落水)... 結果, 一堆新人, 就咁第一次跌晒落城門河, 同埋第一次響艇會沖涼... 玉帛相見 (呢part只限男仔)... 響沙田返左學三年... 踩單車就成日路過, 但都係第一次上架畫舫食野呢... |
|
2/12/2004 - 天文talk... 因為要交PHYS002既report, 所以好無聊咁去聽左個天文talk, 叫"中西星空大比拼", 其實講星既, 好多, 但係講中晒星空古仔既時間, 仲多... 聽左好開心啦, 但諗到要點樣為一個古仔寫report, 我就開始頭痕... 聽完talk, 去左M記買個外賣, 就即刻上lab做proj啦, 聽日deadline... 好彩, 12點前KO, 走得... 份proj, 尋晚先睇spec, 今日起到貨, 都唔好expect係乜大proj囉... |
|
1/12/2004 - 疑問... 就好似以前玩陸運會咁, 我玩跳高, 如果我跳唔過某一個高度, 當然, 我可以唔跳咁高, 跳矮d, 如果規例竟然容許既, 甚至可以自己較返矮d, 或者叫裁判set返矮d... 但就算咁樣比我跳過左, 我都唔係真係跳得過我想跳既高度... 唔會明我講乜... |