日記主簡介
| <1 2 3 4 5 6 7 8 9 10 11 12 13 14 15 16 17 18 > |
2003 年 02 月 27 日 星期四 【晴】
依幾日成日都上唔到黎 ! 所以好耐都無寫日記
!
我今日心情幾好啦 !但昨日就唔開心啦 ! 所以我昨天去咗好多人板板及我朋友的日記板留言發洩情緒 ! 因本人口水多過茶 ! 故日記長篇大論, 我實比我0既
FRIEND 柯南話我又寫到咁長, 睇到佢眼都濛埋 ! 近視又加深了 !!! 在此 say 聲 sorry 先 !
昨日的日記:
今日好唔開心呀! D 同學平時係幾關心我0既同照顧我 ! 但我覺得交不到知心朋友,因他們有些心事或其他東西不會講給我聽及分享!
有時,佢地想講一些咸濕笑話,又怕我聽到會學壊,其實我唔乖架 !咸濕笑話我都識架 !但我識嗰 D, 佢地又唔識喎! 總當我是乖乖小女孩!
我這麼大個,難道沒有分析能力 !
仲有,玩pear 牌,佢地都驚我學壊,但都有教過我玩,但依家我都未真正掌握到竅門,e.g. 鋤大 Dee, 潛烏龜, UNO等等 ,但依家都識玩少少UNO啦
! 唔通我真的要做一個 Bad Girl 去迎合佢地,先容入到佢地0既話題 !
今日佢地走埋一邊玩pear 牌, 我好似被全世界遺棄了似般!我只瑟縮一角呆坐 !
我有時真的想瞭解你們多一些,進入你們的內心世界,分享你們的喜與悲,我不是多事 ! 我只是同你們分擔及分享,有交流的 !
我今日又阿 SIR 講野啦, 我問阿 Wu 點做, 我的而且確真的幾煩,所以佢教我時有點不耐煩的態度,我明白佢無心的 !
但我第一個自然反應,就是不開心,好唔鍾意佢的態度,同好憫!好嬲自己 !
仲有我老豆今日鬧我,過地鐵的入票閘時,我被嗰碌鐵kick 住咗,佢以為係我冇推! 跟住就話我點解唔推,我話比佢聽我推咗,
但佢竟然話上次搞到張票過唔到是因為我唔推,搞到用多一次的車程的錢 !啱啱用晒嗰張票,又關我事 ! 我話關我咩事喎,又好賴我 !
佢話再駁佢咀就打我,我梗係唔開心啦 ! 有乜理由下下都關我事架 !
Sorry呀! 我又寫到咁長,但因有苦冇路訴,我一向都唔會在人前喊或直接講出自己真正的負面感受 ! e.g. 我唔開心呀! 我好嬲呀 ! 我唔鍾意呀 !
就算我唔開心,我都唔鍾意講出黎! 我會去隱藏我的感受 ! 我會鍾意講開心野,我怕影響人地, 我又好怕人地去安慰我,我怕阻住人地 ! 及得罪人地
,因本人是率直的人,不懂婉轉說話 !故此我會去隱藏我的感受 ! 所以我同你講出我心底的感受及長篇大論的心事,是因我實在頂唔順,好辛苦!谷到爆 !!!
望你能見諒 !容訐我在此發洩一下!!!
>>2003年02月27日Thu 14:10:03 (GMT+8)
2003 年 02 月 22 日 星期六 【晴】
小魔星今日幾開心,所以講 d 好笑野比你地聽呀!!!
好笑 Case 1 :昨日阿 sir (中文科 ) 叫我地作校慶標語 , 我聽到隔離班的同學問第二個 miss ,佢地作得好唔好 ,佢0既標語是這樣的
: " 學生上堂打機快樂多, miss D 堂真堪呵 ! "
好笑Case 2 : 情人節後, Cathy 話見到 (隔離英文miss ) miss Sabrina 同中文阿 sir 行街拍拖, Winter
話佢地生出黎個仔,可能係怪物 (因阿sir 比隔離班 D 同學改咗個花名,叫佢做
"朗拿度",我諗相信我唔使點解大家都會估到同學點解改個咁0既名比佢啩!!!) ! 之後原來 中文阿 sir 在 2月18 日生日, Bonnie 話咁
Sabrina 今日咪好唔得閒 lor !!! 中文阿 sir 都曾經講過一句野, 令我好反感架, 佢話繁體字out 啦噃,
其他國家都用簡體字做書信文件的通用文字 ! 佢話只有香港仲用緊繁體字,佢話香港係用緊繁體字0既"死靜種 "喎!!!用詞尖酸刻薄,竟出自為人師表的口中
!佢配做老師的嗎 ?
好笑 Case 3 : cc Fok sir 成日上佢嗰堂 Database, 佢都開到部冷氣好鬼死大, 教到好凍,好似去咗北 極! Cathy
問我地佢係咪嗰 D 呢 嗰 D 呢, 一定要放喺攝氏零下幾度的地方 ! 如果唔係點解堂堂佢都開到部冷氣咁鬼凍呀 ? 即係你地明唔明佢講乜呀?
佢意思係話阿 cc Fok Sir 係屍體, 一定要放喺攝氏零下幾度的地方 ! 防止腐爛發臭 ! (當時笑到我眼淚水都標, 笑鬼死我呀 !)
>>2003年02月22日Sat 17:18:15 (GMT+8)
2003 年 02 月 22 日 星期六 【晴】
其實如果你問我情為何物,我真係答唔到你 !!! 報導話慧嫻的父母都極力反對佢依次的戀情, 唔通愛人真係會令人不能自拔0既呢 ?
真係有愛情的魔力存在嗎 ? ~ 但現今的有些人鍾意一腳踏幾船 , 有一些人 明知人地有另一半都照鍾意人, 未結婚又係咁, 結咗婚又係咁 !
雖然男未婚,女未嫁,大家都有權選擇, 但若果係搞多角戀, 我本人覺得唔好 lor~ 我意思唔係話有 promise 就一定會一生一世 ,
但若果同時間有人鍾意你,你要在短時間作出一個決定, 如果唔係就比人感覺你喺度玩野 lor~ 害死人架咁樣 !!! 無謂嘥人地時間啦 !
識到個好就話無事咋噃, D 桃色糾紛就係咁樣發生架啦 ! 但往往 d 人成日以為咁大個人唔會咁唔理智0既,真係諗得天真!!! ~~@.@~~
但通常都係大人做 D 咁0既 lor~ 你點會用你的正常的思想去諗人地係正常架!你的腦生喺你的頭度,佢的腦生喺佢的頭度 ! 佢或者到時未必正常比你睇架噃
! 所以唔好搞多角戀呀 !我唔係嚇大家,但的而確是事實 ! 失戀人士不妨記住依句說話 !
個心係向住你0既,幾時都係你0既;個心唔係向住你,就永遠都唔係你 !
p.s 今晚 有線做 <九個女仔一隻鬼 > 陳冠希飾演一隻鬼,同 Cookies 合演 ,真開心啦 !
最後送上陳冠希的新歌 :
你快樂嗎
作曲/監製/編曲︰伍樂城RNLS 作詞︰林夕
你十七歲 早起晚睡 每日要飲幾罐汽水
你未與他一雙一對 這麼說對不對
談戀愛 從來都計較代價
但你和那人會覺得很快樂嗎
習慣在背後吻他完成為了 深夜有個人送回家
＊明天愛什麼 如果你許可 來讓我保管也不錯
你也未曾遇過 永遠未停下來的我 要你付出不算多
明天愛什麼 怎麼非他不可 其實我比他更清楚
你太大情大性 誰亦覺得還不錯 大概當中包括我＊
你若愛人 很多顧慮 我亦怕給感情連累
我共你真天生一對 這講法對不對
談戀愛 從來都計較代價
但你和那人會覺得很快樂嗎
習慣在背後吻他完全為了
想日以繼夜有火花
重唱 ＊
明日渴望玩耍請找我 有空檔請預我
重唱＊
>>2003年02月22日Sat 16:15:05 (GMT+8)
2003 年 02 月 22 日 星期六 【晴】
hi ! 係我呀 !
今日睇新聞話陳慧嫻識咗個醫生, 初頭我幾開心0既,難得慧嫻同前男友(唱片形像監製: Micheal Cheung 張卓文)分咗手半年,
咁快可以投入另一段戀情 ! 但今日報導話個醫生係 "護士殺手",以前搞過婚外情 tim, 我真擔心慧嫻比人呃呀! 慧嫻次次 d
戀情都無疾而終的,唔通做女藝人的愛情真係咁堪呵 ! 佢初出道又係同唱片監製區丁玉 Micheal Au 拍拖, 其後因慧嫻去外國讀書,
區丁玉識過第二個,之後仲結埋婚 ! 之後 Micheal Cheung 係95年(慧嫻推出 <我不寂寞>的唱片 擔任形像監製)因而認識慧嫻,共墮愛河 !
但因性格不合而分開 ! 而家的醫生男友叫謝國麟 ,係慧嫻多月前因腸胃炎睇醫生, 見番在讀書時認識的謝國麟, 謝國麟是養和醫院的內外全科醫生,
故此因而擦出愛火 ! 而 Anita Mui 到依家又未搵到男朋友,唉 ~唔通做女藝人的愛情真咁堪呵 ! 最後希望佢地搵到永遠愛佢地的人啦 !
永遠愛你的人 主唱 : 陳慧嫻
曲:Hiroshi Sugita/Mitsuyasu Tomohisa 詞:簡寧 編:趙增熹
如果你需要安慰容我在你面前
伴著你輕輕悲歌 忘記某段誓言
從前滄海變了桑田
流逝著青春光陰似煙
* 重覆去戀愛使你惆悵又覺困倦
就讓你躺我身邊 靜悄帶淚入眠
無疑這世界佈滿謊言
同承諾一關心到明天 *
# 夢裡追尋 今生永遠熱烈愛你的人
一生多少足印
有過愛與恨 輕輕抹淚印
或許我不懂愛 總相信有夢與未來
也為情曾嘗悲哀 一一都放開
儘管你傷心失意 將心碎帶入你夢兒
盼你在靈魂深處 總會想起身邊這份愛 #
如果你需要安慰容我在你面前
伴著你輕輕悲歌 一起忘記某段誓言
從前滄海變了桑田
流逝著青春光陰似煙
Repeat * #
>>2003年02月22日Sat 15:21:14 (GMT+8)
2003 年 02 月 21 日 星期五 【晴】
小魔星頭先話 cc fok sir 講人生哲理係嘥氣,係因為佢上堂測驗比份野我地做,又印得差, 黑 ma ma 咁,根本睇唔到佢印乜 !
仲有呀,問佢點做,佢話喎,叫我地自己試做下,試鬼試馬咩,又印得咁鬼差 !同我地講呀, 佢唔放手比我地做,我地又點識做,我地未跌過,又點識錯在那裏喎 !
我話佢嘥氣原因是因佢從來都冇教過我地,就話放手啦,係從來呀
!你地話有冇搞錯呀,你話我鬧得佢有冇道理呀!我今日問佢點做嗰題題目,佢答咗等於冇答,問非所答不得止,仲有 d 行為都係好匪夷所思架
,我問佢點做,佢叫我睇住張paper 打喎,我話點睇呀 (印到 黑 ma ma )係邊度睇呀 d 字, 後尾佢話比佢嗰份我睇,
點乜知佢嗰份仲衰過我嗰份,你話係咪豈有此理呀!
佢一 d 做老師的原則都冇,上堂時,其他老師會叫我地熄手提電話,但佢呢,竟然上堂都唔熄手提電話,上上下堂都有電話響,都照聽可也! 任得 d
學生自出自入,上堂打機,因為佢都冇原則,又唔理學生,講得難聽 d 唔理 學生死活 lor~ 誤人子弟!我的maths 阿
sir咁廢,我可以用廢中之廢黎形容佢,佢唔係教書架,一味叫我地做maths,到呾上下就問我地需唔需要休息,不如黎個break,then
佢就走去教員室,其實需要黎個break 的是他lor~
上佢個堂 Database 仲死,我地要用電腦打d database入去,他只懂比份worksheet 叫我地跟住照打,堂堂都係咁,d
新教0既野,都係叫我地照打,仲要叫我地即堂用e-mail send
比佢,自己就唔使教,洛堂第一個走的是他,搞到踢晒腳,邊有可即堂做完呀~你話係咪啦!仲有成日問佢野,佢話唔識做,就問隔離同學,咁使乜佢教,佢份工我都識做!簡直好似你話,浪費納稅人d
錢,問佢野呢,佢答了都等於冇答一樣,問非所答,答非所問!簡直好似同緊個痴線的人講緊野咁!最叻呢就 show 自己有幾高 Quali lor~
用化學的常識的問題黎難我地,我地鬼識咩!咁樣黎為難我地,黎顯示自己有幾叻,我至憎架勒!咁樣佢實叻過我地格,唔公平啦!做老師做到佢咁,真係教育界0既恥辱!
同埋佢咁0既工作態度,唔止浪費納稅人d 錢,仲有係嘥空氣呀! 佢簡直嘥米飯!
p.s 我今日差 d 調轉咗條褲黎穿,差 d 出咗街,真大頭蝦,笑死人,,,,,,,,,哈哈哈哈
>>2003年02月21日Fri 21:45:03 (GMT+8)
2003 年 02 月 21 日 星期五 【晴】
今日 cc fok sir
竟然同我地講人生哲理,我話佢都嘥氣 !想知點解 ?下回分解 !
>>2003年02月21日Fri 19:47:57 (GMT+8)
2003 年 02 月 21 日 星期五 【晴】
其實我同柯南都係就讀過<基X 小學 >, 但佢係下午校, 我係上午校,但嗰時我地未認識! 我都好耐無返去小學lu
,回想起以前小學的日子,簡直不堪回想 ! 我成認我當時是不好的, 我曾試過被人杯葛! 當時,我沒有找到一個知己良朋,因我讀特殊小學時,
我不懂得識朋友,因我識朋友不是我做主動,不是我刻意結識朋友,而是別人做主動的,故此好像依 d
野自己埋身,我唔係刻意安排呀!所以我唔識結識朋友同結識時,我不懂用什麼手段來討好人!
因為以前的我是一個喊包,大喊十……(上特殊小學時,我都喊,喊到豬頭咁!) ,故此我轉了普通小學,我要適應一個新環境是不容易的,
畢竟環境係會令人迫自己成長,不再做小孩了!要長大的!
我其實話過比自己聽,無論遇到什麼事,都要害怕,不要哭了,要堅強,要長大,最多咪向阿媽訴苦,或躲在家裏喊!
第二日要挺起胸膛做人,而家自己大人兩年,我9歲了,人地都係7歲,我是大姐姐,不是小孩,要做好榜樣!我是這樣和自己說的! 但其實都幾辛苦
,因我第一日上學,都戰戰兢兢,膽戰心驚! 怕我唔適應,怕自己又喊! 但我當日其實好想喊,但我強忍,結果我真的成功了,沒有喊到!
初時,感覺很新鮮,他們個個細細個,好似我的表弟妹般!他們好關心我 !
但後來因女同學各自圍埋一堆,男同學更加唔使講啦!我又走唔到埋去,所以沒有交到朋友!長期只坐在一角,睇住人地玩,其實都幾悶架,但漸漸已成習慣,我沒有不開心,因我明白的,但有時睇住人地玩都係樂趣,當人地跑步追逐,我會替人地緊張及興奮,睇起黎難以相信啊呵?但我的而且確是這樣的!
因我鍾意跑步, 但自己不可以,故我見人地在跑步,我會又羨慕,又開心的! 因我覺得跑步是一種講求速度同 power 的爆炸力的結合的運動, 好似陳冠希首歌
咁,依種是健康0既 <超速遊戲 >! 我覺得最重要係溝通,故我實在當時悶到發慌的 !
>>2003年02月21日Fri 19:43:17 (GMT+8)
2003 年 02 月 21 日 星期五 【晴】
今日心情幾好,因為同同學玩得好開心, Carrie 幫 Shadow 改咗個名叫 Dow Dow ,因 Shadow 個名太長喎, 而
Bonnie 就叫 Bon Bon , 而Carrie自己竟然改自己個名咁核突, 叫 Ca Ca 同一d 污遭野有關, 而Cathy 叫自己做小裕子,
Winter 叫阿 Wu, 而我叫乜? 咪叫小魔星 lor~
仲有見到Carrie傅說中的男朋友,個男仔同佢玩到 "吱"Carrie 條腰 tim ,可見佢地到了好Close 的關係,非普通朋友啦 !
仲有今日在地鐵站見到我中學的師弟師妹(我唔識佢地) 拍拖,兩小無猜的愛情,我也曾有心思思想試,真想知當中的滋味是怎樣的呢 ?
仲有昨日知道 Edison 暫別樂壇,因有大量戲同廣告要拍 !
>>2003年02月21日Fri 19:39:04 (GMT+8)
2003 年 02 月 20 日 星期四 【晴】
小魔星今日有點不舒服,可能係感冒,常流鼻水!!! 星期一已經有唔妥架啦 ! 仲有今日有點不開心,因上 Programming 堂時
,往往都跟唔到阿 Sir 做嗰 d 野 ,以致成日問同學, 因阿 sir 常常講書講得好快架, 好似急口令咁, 仲犀利過陳冠希 Rap 歌 !
所以我問阿 Wu , 我都覺得自己好煩, 成日都問人, 又要人幫! 故此佢教我時0既語氣有點不耐煩, 我覺得唔開心 lor~ 故此請讓我在此發洩一下情緒
!!! 如果比著平時我鬧咗佢九世架啦, 但乃念佢平時對我幾好,成日照顧我 ! 所以我無鬧佢,我又而且確幾煩0既 ! 因我唔識先問佢啫,
如果我識就唔使問人啦 ! 唉~ 阿 Sir 又係0既 ! 我地初哥黎咋, 教得咁鬼死快 ! 你估我地神童呀 !
仲有昨晚, 媽咪問我有冇比番錢同學燒碟 (無間道 ), 我初初唔想比媽咪知,我比咗20 蚊比同學燒碟 (3隻碟:2隻碟係戲分part 1& part 2
,有一隻碟係MTV), 因個個同學都話佢 "略" 水,有搵笨之嫌(我都覺得係,但依 D 野無得怨,你情我願 !) , 故我話唔使比錢,
因我怕比阿媽鬧比咁多錢人燒碟, 結果阿媽反而鬧我冇規冇舉,問點解唔比番錢人,人地同你做野,又打搞人地,人地唔要一件事
!結果我從實招來話有比到20蚊人,阿媽反而冇鬧我 , 仲話咁就啱啦 !但阿哥就鬧我,話我為咗睇陳冠希, 竟然比20蚊人燒碟 ! 阿哥鬧得我啱0既,
因阿媽唔鬧我,我都有內疚感 !因依家經濟又唔好, 仲亂花錢 !
真係唔啱 ! 老豆,對唔住呀 !我以後唔敢啦 !
依個男同學(幫我燒碟 ) 好攻利架 !成日開口埋口就同你講0既話題都係同金錢有關,唉~咁細個.......後生細仔睇得 D 錢咁著緊, 睇得緊係好0既
,唔通要佢豪比你咩 ?! 但都要小心, 切勿見利忘義,因這些人若誤入歧途的話, 好容易會被人引誘,而可能會不擇手段去賺錢 , 成為金錢奴隸 !
>>2003年02月21日Fri 19:40:44 (GMT+8)
2003 年 02 月 19 日 星期三 【晴】
我今日睇咗柯南日記,覺得我地真係好相似,小學時的我,是混愕的
!因自己不善交際,不懂說話,正一得罪人多,稱呼人少,得罪咗人都唔知,都有試過被人杯葛! 從前的我是個怕羞的女孩,因唔識埋堆, 也不鍾意埋堆 !
因我是率直的人,試過因為一次的事,令我對人失去信心!我試過被人偷野,那是發生在小二時,我剛剛從特殊學校轉出來普通小學,因我要追出面的課程,故此我降低兩級,故此大你們兩年的
!我初時9歲,以為他們7歲,天真無邪, 就算頑皮極都有限!但竟發生這樣的事.........
開學第一天, 通常都冇乜野做 ,班主任叫我隔離的男同學照顧我,佢初頭對我幾好架,但後尾.......
老師因我們太嘈,叫我地全班休息下, 伏在桌上!於是全班照做
!但我一向冇午睡的習慣,我又唔脈訓,故此我冇訓,只是伏在桌上,但幸好當時我額頭只顫在桌面,眼可望到大脾!
突然有隻手伸入我桌櫃裏拿取我的暑期作業,我即時被這隻手嚇壞了 !我即時看是誰 ,原來就是我隔離的男生,佢以為我睇唔到,仲扮野
(擺落自己書包),我初時以佢貪玩,所以冇告發佢 ! 心想:一陣間記得比番我就得啦!
誰不知老師說:小息後對暑期作業!
小息後,佢竟當我那本作業是自己,準備拿紅筆對,我見此景,當然搶回我本作業,佢即時同我搶,驚動到老師,老師上前問我們做什麼?我說佢偷咗我本作業,老師打開我本作業,問那男同學:依
d 字係你0既咩 ? 我心諗: miss 你即是話我 d 字核突啫 ~~@.@~~我即時話唔使睇依度,我反轉本書後面,我話本野寫住我0既名架 ! 後來
佢比人罰啦,原來佢有前科架 ~
唉! 真係..........
咁細個已經咁古惑,大個唔得掂! 點乜知真係 ! 小五時,佢又偷人地幅畫交功課 ! 所以我對人失去信心就是如此啦 !
>>2003年02月19日Wed 17:51:28 (GMT+8)
| < 1 2 3 4 5 6 7 8 9 10 11 12 13 14 15 16 17 18 > |
|
小魔星 夢中見到你, 我好開心 ! 即使有人話我吹緊肥皂泡 ! 但我也不理會 ! 只因我認真地愛過 ! 故事的感覺: 小魔星不懂自編自導自演 ! 熱情的真我誰可擋 ? |